十.一國慶日

由Yahoo Blog 搬過嚟(累積瀏覽 548)

10月1日星期一

今日係十.一國慶日 , 約咗我兩個學生一齊去行山 , 十點九响深井等 , 我哋食埋早餐十一點二先到 , 媽媽即刻同EE 叔叔say sorry , 會合完佢哋就開車出發上田夫仔 , 因為 BeBe 腳仔仲吊起 , 所以揀咗行水塘嗰邊 , 唔想BeBe 太辛苦呢~!!

行到嚟水霸緊係要影張相留念~!!




ee 話呢度佢之前行過嫌太短 , 叫我哋轉場 , 於是行番出去攞車 , 改行掃管笏~!!  MuiMui 第一次嚟到新地方好開心~!!





我哋沿引水道而行................MuiMui 就不停..................





八掛成日企高望引水道 , 唔知有咩嘢咁吸引佢睇呢~!!





ee 話MuiMui 肥咗 , 所以要操佢行多啲路~!!





BeBe 落過地下行幾步就坐咗响度 , 爸爸媽媽見佢隻腳咁痛 , 叫 ee 放番佢落車仔度坐 , 仲不停勸 ee 帶BeBe 睇醫生~!!





BeBe 見到家姐同我可以自由行 , 就不停叫我哋等埋佢~!!





ee 抱起咗 BeBe , 借咗架車車比我坐 , 又幾舒服喎~!!





坐咗一陣又輪到 MuiMui 休息吓 , 睇吓MuiMui 坐到成個BB 咁 , 好得意呢~!!





叔叔成個大細佬咁...................推住我同MuiMui , 不過推得太快 , 我有啲驚~!!





跟住又同MuiMui 跑步 , 好sweet ~!!





行到嚟大草地...............影吓相先~!!





企定定比媽媽同我影沙龍相~!!





跟住輪到Mui Be 兩姐妹影合照~!! BeBe 雖然無得再落地.................但係都仲笑得好開心呢~!!





行咗個幾鐘頭回程 lu , 我好叻架..............一見攰就叫爸爸抱我~!!





抖順咗又落地自己行番~!!





响呢度都行咗二個幾鐘 , 跟住去屯門飲個下午茶 , 媽媽比咗少少包包我食~!! 食飽飽就各自回家 , 返到屋企比媽媽洗白白吹毛毛 , 跟住揾周公傾計 , 連續玩咗兩日 , 夠哂皮呢~!!  今年爸爸媽媽無出去睇煙花 , 只係去咗打邊爐慶祝國慶日 , 原本食得好開心 , 當佢哋知道有船相撞 , 仲死咗咁多人 , 個心好難過 , 原本開開心心去睇煙花 , 結果好多家庭失去至親 , 媽媽每睇一次新聞就會忍唔住流眼淚 , 祝願死難者得到安息 , 家屬能夠堅強地生活下去 , 傷者早日康復同家人團聚 , 唔好再有呢啲事件發生就好lu ~!!