廣告

2017年7月12日 星期三

自家製藍莓乳酪雪條 + dog walk




6月3日星期六



今日媽媽放假...............响屋企做家務 , 做完家務仲整雪條比我食 , 超開心呢 ~!!



媽媽一邊揸雪條一邊用手機拍我個為食樣比大家睇




睇吓我食得幾 enjoy 






條脷幾長 ? 






好好味呀.................回味中






媽媽話食夠喇...................睇吓我個慘慘豬樣






食到下巴啲毛毛幾 dirty 





又要麻煩媽媽幫我洗咀咀呢~!! 



6月4日星期日


爸爸犧牲瞓覺嘅時間都提早同我落街散步 , 真係好感動又開心呢~!! 



今朝好大風...................吹到我頭髮都亂了



睇吓我行得幾開心






吹住風超爽






行完街街有無零食做奬勵呢 ? 





運動完畢 , 返屋企洗完手腳瞓返個晏覺呢~!! 






2017年7月11日 星期二

New look



5月31日星期三



好耐無 post 過扮靚靚相比大家睇喇 , 今日去咗日本姐姐度扮靚靚 , 剪返個清爽 look 迎夏日~!!



第一次剪 A 字腳 , 咀仔再剪細啲 , 大家話靚唔靚呢 ? 



爸爸媽媽都好滿意 , 我都覺得靚仔咗呢 , 謝謝大家收看~!! 

端午節 2017




5月30日星期二



今日係一年一度嘅端午節 , 近呢幾年媽媽都無買過糉 , 全部由嫲嫲自家製供應 , 食得健康又放心~!!



咕碌响度祝大家端午節快樂~!!!!!!!!! 




hehee..............睇吓我笑得幾開心






傻更更以為有份食






仲不停唧出唔同笑容 , 結果原來無我份呢~!! 






見天氣唔錯 , 爸爸提議同媽媽去踩單車






就係咁..................我响屋企瞓晏覺 , 媽媽同爸爸去拍拖拖呢~!! 






沿途見到怕羞草................媽媽忍唔住玩一輪先肯走






佢哋嘅目的地係去睇鳯眼藍花海






鳯眼藍花係咪好靚呢 ? 






有間天然樹屋 , 襯托藍天白雲 , 好正呢~!! 






放眼四周...............會發現好靚嘅蜻蜓






一大片鳯眼藍 , 可惜手機影得唔靚






見唔見左上角嘅黃色蜻蜓 , 呢款蜻蜓媽媽响濕地見過 , 估唔到呢度都有呢~!! 






踩到嚟呢度 , 好有置身外國嘅感覺 , 啲草高過哂我哋  , 仲要見唔到盡頭 , 踩咗一半都要掉頭走~!! 






途經呢片咁美嘅蘆葦草 , 真係好開心又難忘





下次一定會再嚟呢度 , 真係好值得嚟呢~!! 






機場維修區影日落



5月28日星期日


由於天氣開始炎熱  ,  今日約咗 Qubi 同姐姐去影日落 ,  四點半响東涌集合 , 然後驅車向機場維修區進發 , 我哋好耐無嚟呢度影相 , 而 Qubi 姐姐就係第一次嚟呢度 , 心情好期待呢~!!



原來我哋已經有好多年無入嚟呢度影相 , 所以入到嚟先知...............已經唔比私家車停泊 , 爸爸唯有放低咗我哋响呢度 , 佢要揸返架車出去 , 揾地方停泊再行入嚟 join 我哋 , 呢度近海邊加上勁多樹蔭又超大風 , 响度影住相等爸爸就唔怕熱親呢~!! 




睇吓吹到我頭髮都亂了






爸爸到咗..............就同 Qubi 影沙龍相






點少得同 Qubi 影合照留念






開始黃昏 , 要行去維修區 , 沿途又影吓芒草相






睇吓 Qubi 笑得幾開心






跟住行過嚟近飛機升降呢邊 , 影吓咁靚嘅草地






Qubi 話坐上去影靚啲呢~!! 






好啦你坐................我就企啦 , 難度分高啲呢  ,  咔咔






兩個又坐定定影吓合照






謝謝 Qubi 姐姐幫我哋影咗張咁 sweet 嘅全家福






行到嚟日落位.................影張相先






咁靚嘅環境 , 當然要同媽媽影合照留念啦






Qubi 都好滿意呢個地方






一家人一齊睇日落真係好 sweet ~!! 





影完相...............車返姐姐出東涌坐車 , 我哋就返屋企 , 咁就過咗一個開心又難忘嘅星期日 , 謝謝大家收看~!! 







2017年7月7日 星期五

閒遊大欖涌水塘



5月21日星期日



今日天蔭蔭 , 最適宜郊遊 , 近近地去大欖涌水塘行吓 , 順便試吓部新相機~!!



泊好車..............沿石屎路上 , 好快就到咗水壩 , 今日好好風 , 吹到我頭髮都亂了 , 唯有用笑容搭夠呢~!! 




話明試新機 , 梗係要同媽媽影合照留念~!! 






爸爸仲帶咗支新腳架嚟影全家福呢~!! 






睇吓佢哋兩個玩自拍玩得幾開心 






都係由爸爸揸機 ,  我拖住媽媽隻手影張 sweet 相仲正呢~!! 






水塘得返好少水咋 , 大家記得要珍惜食水~!! 






睇吓幾乾旱






行去另一邊有個小瀑布 , 又影吓相







小瀑布其實係咁樣架 , 哈哈...................!!





影埋呢張相要回程 lu ~!! 



部新機真係唔錯 , 以後我哋會有好多靚相 , 又可以唔靠人影全家福 , 仲可以即時 post 上網比大家睇 , 最開心有呢個功能 , hea 吓影吓..............又係時候講 Bye Bye 呢 ~!!