廣告

2015年10月30日 星期五

祝大家萬聖節快樂~!!!!!!!


10月30日星期五



一年一度萬聖節又嚟喇  , 今年我嗰造型係小鬼 look , 唔知有幾多人派糖果比我呢 ?



hehee..............萬聖節大家玩得開心啲喇 , 唔駛掛住我呢~!!!!!!! ^0^




戴埋頂帽 , 小鬼碌出場喇~!! 




係咪好可愛呢~?  ^0^






2015年10月27日 星期二

鳯眼藍花海好美呢~!!



10月25日星期日


今日爸爸話帶我同媽媽去睇花海 , 順便影吓相  , 我哋四點半先出發 , 目的地係錦田水尾村 , 泊好車行入村 , 沿途有好多狗吠聲 , 原來附近有狗場同訓練場 , 所以好熱鬧 , 仲引來幾隻村狗 , 媽媽沿途抱住我 , 到咗花海先放我落地行 , 啲花有幾靚 , 即刻去相~!!


呢種就係"鳯眼藍 " 花



紫色好美呢~!!!!!!!! 




比個近鏡大家睇清楚啲 , 因為中間有隻眼而起咗呢個名嘅~!! 




真係好大片花海呀))))))))) 




企定定影張相留念




揾個靚位坐定定影




hehee.................花海加埋我 , 係咪好靚呢 ? 




有人帶埋小鸚鵡嚟影




黃昏景都好正架~!!!!!!! 




估唔到附近仲有一大片芒草




好似去咗大東山呢~!! 




影到六點天開始黑 , 係時候走 lu  , 謝謝大家收看~!! 






2015年10月20日 星期二

黃昏行大棠


10月18日星期日


今日天朗氣清 , 加埋太陽伯伯出嚟開工 , 下午氣溫高達30度 , 媽媽怕我中暑 , 所以改咗四點半出門口 , 近近地去大棠行山 , 好幸運去到又有車位比我哋泊車 , 咁耐無嚟大棠 , 點都要行返夠本呢~!!



五點開始行山 , 出發喇~!!!!!!!!



行行吓又要做 model 比爸爸影




途中遇見媽媽啲朋友 , 停低傾咗幾句




又再起程................睇吓我行得幾寫意




涼涼地行得真係舒服~!! 




話咁快................太陽伯伯開始落山 lu 




係時候回程呢~!! 




趁天未黑 , 比爸爸影多幾張相先..............




來回加埋行咗個幾鐘




大滿足呢~!! 




行返出嚟閘口 , 跑埋草地



咁就過咗一個愉快的星期日 , 謝謝大家收看~!! 








2015年10月15日 星期四

拉茜 2 歲生日會



10月11日星期日


今日好開心可以參加 " 拉茜 " 嘅生日會 , 我嘅目標係要食食食............... , 爸爸因為要做大會嘅御用攝影師 , 保護我嘅責任當然落咗响媽媽身上呢 , 辛苦哂媽媽了~!!



壽星仔個蛋糕係咪好正呢 ?



佈置一啲都唔簡單 , 因為揾人扭咗 4 隻唔同嘅狗狗出嚟 , 全部都係壽星仔嘅兄弟姐妹~!! 




壽星仔 " 拉茜 " 出場喇~!!!!!!! 




一身禮服出場好可愛呢~!! 




我當然要捉住壽星仔影合照留念~!! 




介紹下壽星仔嘅屋企人 : Yoshi 




Hero 




Sakura , 

大家可以睇吓啲波波似唔似佢哋 ? 我就覺得好似勒~!! 




我嘅女神 " 豆豆 " 小姐出場喇~!!!!!! 





呢隻狗狗已經 9.5 歲 , 真係一啲都睇唔出呢~!! 




Don Don 




我呢身打扮係咪好學生 feel 呢 ? kaka 




我同豆豆同壽星仔拉茜合照




要迫埋同一張櫈先可以令到壽星仔唔郁呢~!! 




Horlick 小姐 




全場最嘈嘅三兄妹




呢隻狗狗 mix 咗史立莎同 poodle  , 大家話似邊種狗狗多啲呢 ? 




 拉茜為咗趁番個蛋糕 , 即刻換返件超人衫影相




佢嘅願望係要拯救地球





切完蛋糕 , 當然唔少得幫拉茜 family 影大合照




我都要捉住豆豆 family 影合照留念




仲有同拉茜 family 影合照留念




臨近尾聲 , 影返張全體大合照作為今次生日會畫上完美嘅句號 ~!! 




我嘅女神唔好彩 . 比其中一隻臘腸咬損咗 , 仲當場流血 , 豆豆小姐慘叫咗好多聲 , 真係聽者心酸 , 希望我嘅女神早日康復呢 , 再一次謝謝拉茜 family 嘅邀請 , 咕碌家玩得好開心呢~!! 







2015年10月12日 星期一

又係時侯見見日本姐姐


10月7日星期三


一個月前 book 定今日扮靚靚 , 告別長毛碌 , 照常慣例...............媽媽早啲出門 , 同我去行一陣公園 , 然後先會去日本姐姐度 , 好彩行公園嗰陣時無落雨 , 謝謝天公造美 , 十一點鐘將我交比日本姐姐 , 跟住爸媽去食 lunch , 原本兩個鐘我就走得 , 點知今日姐姐太多嘢做 , 比原定時間遲多一個鐘 , 爸媽唯有响商場行街等我 , 下午二點幾先接得我走呢~!!


我呢個新 look 靚唔靚呢 ? 



有啲攰.................所以唔想笑




hehee.................不過都做好 model 呢個本份




朝偉眼神又嚟喇~!!!!!!!




影埋呢張相我要瞓一陣 , 爸媽有啲好重要嘅事要去做~!! 




佢哋約咗 "哈比媽 "出大圍 , 一齊捐啲物資比 "大樹下流浪狗 " 之家 ,  我私人捐咗2張床 , 幾罐罐頭 , 零食同玩具 , 哈比媽都捐咗十幾罐罐頭同毛巾 , 玩具 , 希望幫到有需要嘅浪浪~!! 


捐完物資 , 佢哋去咗呢間店食甜品




好有特式嘅 menu 




店舖環境都好舒服




杏脯蘋果沙冰 , 唔太甜 , 味道夠清新




抹茶窩夫 , 即叫即做 , 紅豆大大粒 , 好味




呢個柚子雪粑窩夫咁有特式 , 個個見到都忍唔住笑呢~!! 




廚師推介 : 燕麥榛子梳乎厘 , 配埋雲尼拿雪糕 , 真係唔錯架~!! 



呢間店仲攞咗 openrice 2015 嘅得奬熱店 , 真係實至名歸 , 食完甜品已經六點鐘 , 係時候返屋企 lu , 今日對爸媽嚟講................真係又充實又有意義呢~!!