尋晚同爸媽賞完月 , 今日九點三個字就要出門口去扮靚靚 , 媽媽個半月前book位..........係想訂中秋節之前扮靚靚 , 咁啱有位日本姐姐放大假 , booking 超 full , 日本姐姐只能夠比咗今日十點鐘我呢~!!
我哋好準時到達目的地
每次嚟剪毛..............媽媽都忍唔住望下呢啲咁可愛嘅狗狗相
姐姐知道我嚟咗...............即刻出嚟迎接我
見到呢部機 , 就知我又要做spa 呢~!!
簡單咁介紹一吓呢部機 , 由原本清水(左手邊)................經過呢部機釋放出超微細泡抹 , 泡抹打
成奶白色水(右手邊) , 加埋海鹽浸十五分鐘 , 皮膚就會又白又滑~!!
姐姐又要麻煩你幫我扮靚靚~!!
一聽到爸爸話走 , 我就即刻企咗响身
影埋呢張相 , 爸媽就走咗去飲茶 , 唔理我呢~!!
新look出場喇................比個側面大家睇吓先~!!
正面得唔得呢?
點少得側頭look(殺手鐧)冧大家呢~!!
媽媽同我都好滿意呢個短耳 look
剪埋今次咁短 , 下次會留番長啲呢 , 希望大家會鐘意我呢個新look ~!!
