有驚無險去行山

5月22日星期日


原本一早約咗爸爸嗰好朋友一齊行山 , 可惜哥哥屋企特然有事要佢幫忙 , 所以佢同姐姐出唔到嚟行山 , 改咗晚上食飯 , 就係咁...............咕碌家唯有自己去行山~!!



由於天氣開始熱 , 媽媽揀咗條全樹蔭嘅山路嚟行 , 目的地係青衣自然徑 , 揸車去到青衣 , 我同媽媽坐後面坐位 , 隔離線有架私家車越迫越埋  , 爸爸即刻響安 , 個司機才恍然大悟 , 因得兩條行車線 , 我哋焗住無得走 , 結果都係撞到我哋架車 , 好彩只係撞到倒後鏡 , 不過已經嚇屎我同媽媽呢 , 落車傾咗一輪 , 個年青司機應該係富二代 , 不停同我哋 say sorry , 仲願意賠錢 , 交換了電話 , 等車行報價再同他聯絡 , 我哋就繼續行程 , 真係有驚無險 , 好彩好彩 , 去相~!!

泊好車................呢度我哋好耐無行過呢~!! 

太陽伯伯出嚟開工 , 好耀眼

今日天朗氣清 , 勁舒服~!! 

沿住樓梯向上行

同媽媽影張合照留念

好美麗的蝴蝶 bb 

全樹蔭 , 不過都幾多蚊下

到咗涼亭 , 我哋响度休息一吓

順便同媽媽打吓千鞦 

仲比媽媽發現咗咁大對蝴蝶响度曳曳

回程 lu 

我又周圍探索新事物

話咁快出返嚟大路

同爸爸行孖咇結束今日嘅行程

雖然我哋行咗個幾鐘頭 , 但係都全身濕哂 , 出咗一身汗 , 做完運動..................係時候返屋企洗白白 lu ~!! 

媽媽病了

5月15日星期日


一連兩日放假 , 好可惜媽媽病咗 , 感冒菌入腸胃 , 尋日仲肚疴咗幾次 , 全日食白粥 , 今日見好返少少 , 同爸爸帶我落屋企附近行吓 , 媽媽話曬吓太陽會好啲呢~!!

有得去街睇吓我幾開心

我身後面係紅火火嘅"鳯凰木" , 呢期好紅爆~!! 

加埋我呢個甜美笑容 , 係咪好正呢? 

行咗個幾鐘頭 , 係時候回家 lu 

希望媽媽快啲好返 , 我半夜有叫媽媽起身食藥架 , 媽媽加油加油呢~!!!!!!!! 

開心的母親節

5月8日星期日



今日係一年一度嘅母親節 , 身為孝順仔嘅我 , 當然要同媽媽慶祝一吓 , 我揀咗一間泰國菜 , 爸爸媽媽都未去過 , 貪佢環境靚 , 又有露天坐位 , 訂咗去食 lunch  , 唔講咁多..............去相....................!!

今日天氣都幾熱吓 , 有成 30 度 , 坐低即刻叫返杯芒果沙冰消吓暑

知媽媽鐘意食春卷 , 叫咗呢個蝦春卷比媽媽食 , 全隻蝦都好彈牙 , 好新鮮 , 好好味呢~!! 

另外仲叫咗碟泰式炒河粉 , 爸爸媽媽掛住食 , 唔記得影相呢 , 咔咔 , 母親節又點少得同媽媽影返張相留念~!! 

食飽飽................我哋去咗竉物宅游水

又係時候到我表演比媽媽睇

游水最緊要淡定 , 睇吓我游得幾寫意

頭仔唔濕 , 仲要無水花呢~!! 

話咁快就游到池邊

上水 lu , 我個身型泊得住宋仲基呢 , keke 

來來回回游咗8次

唔記得話比大家知...................

小弟今年第一次下水禮

係咪游得好好呢 ? 

游水對身體好 , 為咗氹媽媽開心 , 我願意游多啲水呢~!! 

又同媽媽影返張合照留念

游完水玩吓掟波波

我每次都接到波波架~!! 

係咪好叻叻呢 ? 

仲玩到飛起咗 , 真係入水能游 , 出水能跳

呢隻金毛 , 同我一樣已經 11 歲 , 佢主人好錫佢架 , 大家都有個好媽媽照顧 , 睇到佢嘅笑容 , 就知生活得好 happy , 祝大家身體健康 , 開開心心過每一天~!! 

當然要影返張合照留念呢 , 母親節大快樂呀~!!!!!!!! 

五.一勞動節

5月1日星期日



今日係五.一勞動節 , 原本約咗豆家去離島玩 , 因為豆媽病咗 , 所以臨時取消咗呢個活動 , 改為自己一家去行山 , 近近地去咗大欖涌水塘 , 嗰日天氣好好 , 天蔭蔭又有風 , 我哋行得好舒服呢~!!

行完條長長嘅斜路.................話咁快就嚟到水壩

坐低影吓相就有風乾南瓜食~!! 

睇吓我同媽媽行得幾寫意

好大風呀.................吹到我啲毛毛飛起哂

見到我呢個笑容 , 就知我心情好靚呢~!! 

爸媽每次見到我玩得咁開心 , 佢哋兩個都話辛苦都係值得嘅

最開心係.................每次出街我都可以好 free 咁周圍探索新事物

媽媽睇過一篇文章 , 一隻開心嘅狗狗 , 出到街要比佢周圍探索新事物 , 主人唔應該阻止狗狗  , 証明我响呢個家係開心嘅~!! 

側側頭影張相 , 無難度

雖然呢段路.................我開始行到熟哂 , 但係我依然行得咁開心 , 因為有爸媽陪我一齊行 , 家庭樂對我嚟講好重要架~!! 

指定景點 

行咗個幾鐘 , 回程 lu 

勞動完 , 出咗一身汗 , 爽哂~!!