由Yahoo Blog 搬過嚟(累積瀏覽 406)
11月27日星期日
今日天氣又熱又曬 , 媽媽唔想我咁早出街..................怕太陽伯伯曬住我行得太辛苦 , 所以佢同爸爸決定遲啲先帶我出街 , 叫我响屋企瞓陣先 , 佢哋倆個走咗去元朗嘆茶 , 嘆完茶返嚟已經三點鐘 , 等咗咁耐..............係時候出發 lu ~!! 
咁耐無嚟秘密花園 , 嗰草地都仲係咁靚~!! 
今日好好風 , 我行得好爽呢~!! 
媽媽仲帶咗個波波嚟同我玩 , 今次"多士"唔响度 , 我唔駛讓佢 , 可以盡情咁接波波呢~!! 
我來回接咗好多次 , 媽媽仲讚我好叻叻~!!!!!!!!!! 
玩完波波又識到呢個新朋友仔~!! 
可惜只可以同佢做兄弟~!!
爸爸話好耐無同我影過飛相 , 今日親自操刀試吓影~!! 
一,二,三, 我高速跑梗過嚟喇~!!!!!!!!!! 
得咗..............仲飛到好高添~!!!!!!!!!! 
跑咗咁耐...............係時候中場休息 , 順便影番張全家福~!! 
媽媽幫我帶番條圍巾影沙龍相~!! 
大家話...............我靚啲定係花花靚啲呢?? 
影埋呢張相我又可以去識新朋友仔 lu ~!!
hi...............牛仔褲朋友仔 , 點解你唔怕熱嘅~?? 
嘩...............有三個靚女嚟咗呀 , 仲著得咁靚 , 等我跑過去 say 個 hello 先~!! 
佢哋好得意架 , 一路跑一路吠 , 不過唔係我杯茶呢~!! 玩到五點幾太陽落山 , 開車返屋企 lu , 媽媽同我洗完手腳 , 吹完毛 , 爸爸幫我梳毛毛 , 媽媽入廚房幫我準備晚餐 , 今日我有雞肉食.............好開心呢~!! 食飽飽我就去揾周公傾計 , 爸爸媽媽就返爺爺嫲嫲家食飯 , 咁就渡過咗一個愉快的週末 lu~!!!!!!!!!!
由Yahoo Blog 搬過嚟(累積瀏覽 520)
11月20日星期日
今日好開心呀...............媽媽幫我約咗一班 blog 友仔去 BBQ , 地點係金喜花園 , 秋高氣爽..............最適宜去燒雞翼~!! 
媽媽為咗呢個活動 , 仲親自整咗一啲小食比我用嚟招呼我啲朋友仔呢~!! 唔講咁多..............去片...............!!
首先介紹吓大人食啲咩嘢先...................頭盤係唔同種類嘅丸,腸同雜菌~!! 
主菜當然唔少得呢盆咁豐富嘅肉類呢~!!!!!!!!!
甜品仲有我至愛嘅麵包同栗米~!!
至於我哋啲小朋友都唔差架 , 有蕃薯媽整嘅..............紅菜頭蘋果餅餅(出面無得賣架) , 仲有媽媽整嘅甘筍雞肉 , 日本紫心蕃薯 , 甜品係甘筍水 , 非常有益健康呢~!!
我咁識食.............當然由我帶頭坐定定等食啦~!!
跟住就係同我一樣咁識食嘅 "Mui Mui " 學生~!! 
仲有佢cool 爆嘅妹妹"BeBe"
第一次見面嘅"蕃薯" , 佢依家榮升哥哥喇~!!!!!!!!!
睇吓"蕃薯"等食個樣 , 真係好期待咁喎~!!
呢個就係佢細佬"可樂" , 無時停 , 非常活躍 , 由於太細個嘅關係 , 所以對食物唔多講究~!!
綠茶細佬因為平時食得太多好嘢 , 所以佢令願選擇去打千秋 , 睇吓佢玩得幾開心~!!
至於佢妹妹"麥皮" 要on a diet , 所以都唔選擇食 , 都唔明啲靚女..............咁瘦都話要去減肥~??
佢哥哥"奶茶"就夠哂義氣 , 我比其他狗狗"蝦" , 佢就會走嚟保護我 , 呢啲朋友真係唔話得呢~!!
跟住輪到高貴又大方嘅 Momo 小姐出場
最後要介紹比大家識嘅.................就係呢位靚女 " BiBi "
佢嘅笑容好甜美又親切~!!
食飽飽又係時候影吓相................, 睇吓我嗰日玩得幾開心~!!
我仲同兩個學生影合照呢~!!
今日辛苦哂媽媽你 , 一定要同你影番張合照留念~!!
今日天蔭蔭 , 坐响呢度欣賞吓風景真係好正好 relax , I love 大自然~!!
親子時間到 : 第一隊係................Mui Be family
第二隊係.................綠茶 family
綠茶家姐咁靚女 , 當然要做吓 model 比媽媽影呢~!!
第三隊係.................靚女 Momo family
第四隊係...............奶茶麥皮family
第五隊係...............蕃薯可樂 family
第六隊係..................BiBi family
臨接近尾聲...............一定要嚟張 blog 友大合照 , 睇吓我哋幾人强馬壯~!!!!!!!!
呢幅八美圖加埋我呢個靚仔 , 簡直絕配呢~!!
估唔到响呢度撞到栗子醫生妹妹, 同佢咁有緣.................一定要影番張相留念呢~!!
今日我仲有禮物收 , 謝謝奶茶麥皮媽整嘅餅餅, 仲有 bibi 媽送嘅潔齒玩具 , 又有得食仲有得玩 , 我好開心呢~!!
我哋由二點燒到六點鐘走 , 足足玩咗四個鐘頭 , 大家帶著愉快又依依不捨之情返屋企 lu ~!! 上到車.............增取時間瞓一陣先 , 因為返到屋企又要比媽媽洗白白 , 扮完靚靚已經七點半 , 食少少糧我就去揾周公傾計 , 快樂嘅時光過得特別快 , 期待下次嘅活動呢~!!
