由Yahoo Blog 搬過嚟(累積瀏覽 421)
11月13日星期日
今日約咗兩位靚女陪我過大海 , 地點係大譚篤水塘 , 呢個水塘我都好耐無嚟過 , 媽媽好鐘意呢個地方 , 因為啲風景比得上外國咁靚 , 唔信?? 睇完啲相...............大家都會同媽媽一樣感受到呢份外國情懷~!!
呢度就係我哋今日要行嘅地方喇~!!!!!!!!!
介紹下兩位靚女出場先 : 左( 妹妹Creamy ) 右(家姐多士)
咁耐無見佢哋..............當然要影番張大合照留念~!!
我哋會沿住呢條橋................欣賞周圍嘅風景~!!
多士一家第一次嚟呢度, 緊係要影番張全家福呢~!!
行到嚟橋邊 , 坐定定影番張相先~!!
輪到開心"多士"影喇~!!
坐到咁高...............Creamy 妹妹有少少驚~!!
唯有陪佢一齊影..............等佢放心啲呢~!!
望住咁靚嘅水塘景 , 人都靚啲呢~!!
等我都坐高啲影番張相留念 , 影呢張相嘅時候...............有個鬼婆就過嚟同媽媽講 : be careful , 外國人對小朋友特別關心 , 真係好感動呢~!! 不過佢唔知我係一個 top model 嚟 , 哈哈............係唔會周圍郁~!!
跟住輪到多士同Creamy 影喇 , 多士比個太陽曬到撐唔開雙眼喇~!!!!!!!!!
行過咗水塘...............沿途有好多樹蔭行得我好舒服~!!
行行吓...............比我遇見呢個朋友仔 , 我哋一見如故, 仲同佢玩咗一陣~!!
行咗大半路程.............比我發現一個大草地 , 緊係要入嚟八吓~!!
Creamy 同多士仲响度玩起波波嚟~!!
睇吓佢哋玩得幾開心~!!
我坐响度負責做評判~!!
每次都係多士攞到個波 , 烈女不愧為烈女~!!
獎佢一支小菊花
玩完波波...............我哋嚟到第二景點"大譚中水塘"
呢度望出去真係好美~!!!!!!!!!
睇吓.............幾山明水秀呢~!!
媽媽忍唔住都話要同我影合照留念呢~!!
點少得多士媽同兩個女影合照留念~!!
輪到多士Creamy 坐定定影~!!
時間過得真係快, 行咗三個幾鐘頭 , 日落西山...............又係時候走喇~!!!!!!!!!!
同多士家嘆埋個 Tea , 送佢哋返屋企 , 我哋就回家 lu , 返到屋企媽媽拆開多士媽送比我嘅禮物 , 原來係一盒靈芝補品 , 謝謝多士媽~!!
今日真係玩得好開心 , 不過我有少少唔舒服 , 所以比較攰啲 , 笑都笑唔出 , 事原早幾日我皮膚敏感 , 個肚仔越嚟越紅 , 媽媽原本取消今日嘅節目同我去睇醫生 , 點知張醫生放假 , 唯有book 星期一朝早同我睇醫生 , 我敏感嘅原因..............原來係因為媽媽上個星期用漂白水拖地有關 , 我唔受得呢啲化學物品 , 雖然媽媽會過多一次清水 , 但係對我皮膚起敏感作用 , 醫生同我打咗二支針, 仲要食十日消炎藥 , 食咗藥依家好番好多喇 , 大家唔駛擔心呢 , 媽媽知道咗原因仲不停怪責自己 , 其實我都知媽媽無心 , 又點會怪佢呢 , 妨且我依家都好番好多 , 我講出嚟..............想多啲人知道................屋企有小朋友係唔可以立亂用漂白水拖地呢~!!
沒有留言:
張貼留言