廣告

2014年10月30日 星期四

暢遊鶴藪水塘


10月26日

今日我又做導賞員 , 帶大家感受一吓大自然嘅奧秘 , 歡迎大家蒞臨八仙嶺郊野公園 ~!!



Are u ready ? Let's go ...............



呢啲天氣最適宜行山呢~!! 




今日我呢身造形 , 多得我背後呢個形象顧問 , 為咗答謝佢................點少得同佢合照呢~!! 




兩旁開了好多靚靚嘅草




今次帶大家行家樂徑 , 又直又長嘅樓梯 , 簡直係十級難度 , 好彩我唔駛行 , 有人抱我上去~!! 




上到嚟喇...................點解你哋兩個喘哂氣架 ? 




沿住呢條石路行




就可以望到咁靚嘅水塘




坐高啲望落去水壩仲正




話咁快落返嚟水塘




坐定定影張相留念




時間都唔早 , 係時候回程 lu 




估唔到....................咁都比我識咗個靚女




同佢玩咗一陣...................開開心心去攞車 lu 




希望大家滿意呢個行程 , 下次見 , Bye Bye 




2014年10月22日 星期三

媽媽的堅持


10月22日星期二

呢兩個禮拜..............多得媽媽嘅堅持 , 我依然都享有出街街嘅權利 , 上個禮拜..............我哋夜遊一個新公園 , 嗰個公園未正式開放 , 我已經偷偷試玩咗呢 , 不過好可惜太黑無影到相比大家睇 , 但係我可以話比大家知................我嗰晚化身成一隻兔仔 , 响新公園個草地不停咁喪跑 , 爸媽睇見我跑得咁開心 , 佢哋都好安慰呢 , 交代完對上個禮拜之後 , 講返今個禮拜 , 爸媽處理完私事之後 , 四點幾開車同我去深井行山山 , 今次多咗清哥哥陪我哋一齊黃昏行 , 我要加把勁呢~!! 


一開始又要行一大段斜路



雖然有啲辛苦 , 但係我行得好開心~!! 




行咗一半路程 , 坐低休息一吓




嚟到蝴蝶園 , 睇吓有無蝴蝶先...................




後面啲花花開得咁燦爛 , 又做吓模豆比爸爸影~!! 




影完相跑吓草地先




估唔到响呢度都撞到朋友仔 , 仲要係 6隻 poodle 咁多~!! 




同佢哋玩咗一陣 , 上車走咗 lu 



影埋呢張相.................我哋都要回程喇 , 因為天開始黑 , 行返落山已經六點幾黑蚊蚊呢 , 拿拿林上車回家 lu , 今日我玩得好盡興呢~!! 






2014年10月16日 星期四

補返數


10月4日星期六

自從公公過咗身之後 , 媽媽有好多嘢要處理 , 已經好鬼忙 , 當搞得七七八八嘅時候 , 以為可以休息一吓 , 點知响個幾月前又到爸爸呢邊發生問題 , 搞到爸媽每日除咗返工之外 , 夜晚仲要處理好多問題 , 就係因為呢啲原因.................我都無哂心情寫 blog , 我相信當人生跌到落谷底 , 一定有企返起身嘅一日 , 大家唔駛擔心咕碌家呢 , 講完私事 , 講返我呢篇新 blog 先~!! 

因為早兩日去游水無得周圍走 , 加上啲水好 dirty 跟本無咩嘢游過水 , 所以趁今日爸爸仲放緊大假 , 叫佢帶我去行山補返數 , 順便全家人吸收吓正能量 ~!! 


好耐無嚟大棠.................等我四周圍聞吓先..................!! 



點解個地下濕哂 , 應該之前落過雨呢~!! 




跑完一輪坐低休息一吓 , 順便做吓模豆比爸爸影




今日天氣好適宜行山 , 蔭蔭地又大風 , 睇吓吹到我頭髮都亂了




我呢個 PR 見到前面啲行山者 , 不停咁擺動波波尾 , 媽媽讚我好稱職呢~!! 




我要展現多啲呢個甜美笑容 , 原來爸媽最鐘意睇呢~!! 




行咗個幾鐘回程 lu 



今日玩得好盡興 , 希望所有唔開心嘅事情 , 快啲遠離我哋 , 謝謝~!! 






2014年10月8日 星期三

破格的重陽節


10月2日星期四

今日係一年一度嘅重陽節 , 原本慣例係去行山 , 因為天氣太熱嘅關係 , 爸媽破格帶我去一個新地方游水 , 呢度賣點係.................有好多鴨仔陪住你一齊游 , 包你玩得開心又影得過癮 , 講真..............呢度都唔容易揾 , 爸爸兜咗好耐都揾唔到 , 唯有打比佢哋問路 , 沿途又無指示牌 , 真係失敗 , 唔講咁多...............去片~!! 


入到嚟同隻鴨鴨影番張相留念先~!! 



我就係响呢個池游水呢




點解越坐越低嘅 ? 原來隻大鴨鴨漏緊氣 , 媽媽快啲救我呀)))))))))) 




都係落水游..................安全啲呢~!! 




點解無得上岸嘅 ? 




咁點算呢 ? 




唯有游去媽媽度啦




來回游咗兩次就唔駛游 lu , 因為啲水太 dirty , 水底生哂青苔 , 無呃你哋架 , 自己睇吓啦~!! 




呢度嘅負責人算唔話得 , 用膠紙痴住漏氣嘅位置 , 比我可以同鴨鴨影多兩張相留念~!! 




一場嚟度................估唔到啲水咁 dirty , 唯有做 model 比爸爸影多兩張沙龍相補數~!! 



呢度連沖水嘅地方都無 , 要我企响地下比媽媽幫我沖涼吹毛 , 真係有啲失望 , 爸爸講咗無下次 , 我唔會介紹你哋嚟呢度玩架 , 因為真係唔值囉 ~!!!!!!!!!!