廣告

2012年1月30日 星期一

年初三百無禁忌照拜年


由Yahoo Blog 搬過嚟(累積瀏覽 356)

1月25日年初三

每年嘅年初一我都會同爸爸媽媽拜年 , 請請完我就收到爸爸媽媽比我嘅大利是 , 逗完利是我就留响屋企看屋 , 爸爸媽媽出去拜年 , 嗰日咁凍..............媽媽無同我著衫 , 搞到我唔知係咪冷親個肚仔 , 半夜開始肚痛 , 仲肚疴咗三次咁多 , 媽媽內疚之餘仲成晚無瞓覺睇住我 , 好彩疴完第三次就無再疴呢 , 年初二.............爸爸媽媽陪咗我大半日 , 見我無事............先放心出去公公婆婆度拜年 , 我就响屋企休息 , 爸爸媽媽食完飯仲即刻返嚟陪我呢~!!

到咗年初三...............媽媽見我無事先放心同我去 Mui Be 家拜年 , 睇吓我哋買咗幾多嘢去拜年~!!





Mui Be 媽仲好好客請爸爸媽媽食蛋糕~!!!!!!!!!





食完蛋糕................ Mui Mui 就攞住佢心愛嘅玩具叫我哋同佢玩~!!





Be Be 就成日跟住我媽媽 , 佢真係好痴我媽媽呢~!!





我貴為客人.................當然坐定定等食啦~!!!!!!!!!!





知道開得餐...............你睇吓 Mui Mui 同 Be Be 幾緊張~!!!!!!!!!





有得食喇...............我嘅晚餐係三文魚飯 , 而 Mui Be 就係三文魚+糧





睇吓我最乖..............坐定定等食 , Mui Mui 都乖 , 企定定等食 , BeBe 就................忍唔住偷食呢~!!





一聲令下...............開餐 lu





大家估吓邊個食得最快??





咪就係我囉.................!!





多謝 ee 請我食咁豐富嘅晚餐 , 又請爸爸媽媽食蛋糕 , 羅白糕 , cookie 餅 , 春卷 , 又比咗二封利是我 , 又送咗半個有機南瓜比媽媽煮比我食 , 仲送咗盒比利時朱古力比媽媽 , ee 真抵錫呢~!!!!!!!!!! 我會聽你話快啲好番 , 唔想一踏入龍年就病 , 我會同自己加油 , 响呢度再一次謝謝 Mui Be Family 嘅熱情款待~!!!!!!!!!







2012年1月28日 星期六

屈咗兩個禮拜喇~!!!!!!!!!


由Yahoo Blog 搬過嚟(累積瀏覽 294)

1月22日(年廿九)

今日係年廿九 , 媽媽响年廿八已經洗乾淨哂間屋 , 所以今日雖然凍咗啲............爸爸媽媽話點都要同我出街行吓, 就係咁.............我哋近近地去咗大棠~!!!!!!!!

泊好車行上嚟閘口..............見到好靚嘅炮仗花 ~!!!!!!!!!




呢張相係媽媽偷影我...............望住爸爸行去廁所~!!





點解咁耐都未返架??





行得喇..............沿途見到好多紅葉枯萎响地上~!!





比爸爸揾到一千零一棵紅葉樹~!!





咁凍估唔到仲見到蝴蝶添~!!!!!!!!





片地紅葉...............感覺好淒美~!!!!!!!!!





紅葉枯萎...............又到另一棵樹開滿花~!!!!!!!!!!!





唔知呢啲叫咩嘢花, 不過好靚 , 爸爸媽媽都係第一次見呢~!!





行咗兩個鐘 , 係時候回程 lu ~!!





回程時遇見呢隻poodle , 佢個身掛住兩個波波 , 隨風飄浮 , 好得意呢~!!





今日媽媽話我好叻叻..............全程肯著住衫行 ~!!





行咗兩個鐘 , 同爸爸媽媽去偉記嘆番個 Tea 先 , Bye Bye ~!!!!!!!!




話比大家知吖..............屈咗兩個禮拜响屋企 , 一嚟到大棠.............我就不停跑.............跑...............跑 , 爸爸媽媽見到我玩得咁開心 , 佢哋好安慰 , 佢哋仲話咁凍同我嚟行山都係值得架................哈哈~!!!!!!!!!!