廣告

2017年2月28日 星期二

年初三勇闖魔鬼山



1月30日大年初三



每年大年初一同大年初二爸媽都要去拜年 , 要等到年初三赤口 , 我先有街街去 , 今年比較特別 , 熊貓姐姐 Joice 由馬來西亞飛過嚟香港過年 , 除咗見我哋 , 仲約埋殷師奶同艾華斯嚟個 blog 友大團拜 , 我哋一行7人一狗去魔鬼山行山 , 响觀音廟集合 , 等齊人就出發喇...............!!



呢度就係觀音廟



起點位置




出發前...............大家哂吓鞋先......................




沿住呢條長長嘅樓梯往上行




行呀行..................行到大家索哂氣 , 我最舒服有爸爸抱抱




上到嚟呢度.................有啲海景睇吓 




艾華斯同殷師奶第一次見面 , 一定要影張相留念~!! 




行到上嚟天色開始暗 , 好似想落雨咁...................




拿拿林影返張全家福留念




點少得殷師奶同大爺嘅合照




終於到達炮台喇 , 開始落雨添...................




不過都無損我哋嘅心情 , 相照影





炮台古蹟真係幾有特式架




我要自己坐响度影張相留念




一少部份炮台古蹟




呢度仲有千秋玩 , 可惜雨越落越大 , 點都要影返張 blog 友大合照先走




仲影 ? 我淋到成隻落湯鴨咁..................!! 




落返山去另一邊炮台 , 雨開始停了




趁住無雨同媽媽望吓周圍風景




行返出村口 , 見到心願樹 , 許返個願先走



大家決定去食下午茶 , 然後陪 Joice 姐姐出 Mikki Mall  食 dinner  , 食飽飽傾飽飽先各自回家呢 , 今日玩得好盡興~!!!!!!!! 謝謝艾華斯嘅愛心蛋糕仔 , 仲有 Joice 姐姐親手整嘅鳯梨酥 , 同埋我都有份食嘅餅餅 , 再一次多謝大家 , 下次見~!!!!!!!! 












2017年2月23日 星期四

愉景灣 2017



1月22日星期日



今日豆媽約咗我哋去愉景灣玩 , 因為我哋揸車關係 , 要各自入去碼頭等 , 我哋早咗不差不多一個鐘頭 , 所以响欣澳玩咗一陣先入愉景灣呢 , 唔講咁多...............去相~!!



謝謝豆媽買咗個蛋糕仔同我補祝生日 



近碼頭位置..................整得好有情人節 feel 呢~!! 




同媽媽影返張合照留念




set 好部機 , 可以同豆豆小姐影合照




今日陽光好勁 , 豆豆小姐要帶返副超呢~!! 




當然唔少得同埋 Juicy 小姐一齊合照 ( 鳴謝豆爸影嘅靚相 )





媽媽幫豆豆小姐影張沙龍相 , 好彩都唔係太差啫 ~!! 




呢張由爸爸操刀影嘅 , 睇吓我笑得幾開心 ~!! 




哈哈.................除咗眼鏡 , 豆豆即刻變咗豆豉眼 




跑到熱哂.................可以除衫影 , 我同媽媽係咪好 sweet 呢 ? 




拉埋豆豆合照 , 睇吓佢幾唔願意 ? 




謝謝豆爸幫我哋兩個靚媽加寶貝影合照






玩咗咁耐...................响樹蔭休息一陣




我哋行咗去噴水池呢邊




又同豆豆照吓合照




同媽媽坐响度睇吓風景




玩到四點各自回家呢 , 今日我玩得好開心 ~!! 








2017年2月21日 星期二

今日係我嘅牛一




1月21日星期六


今日我又大一歲喇 , 之前每年訂開蛋糕嘅姐姐 , 依家唔接 order , 搞到媽媽陣腳大亂 , 唯有幫襯另一間試吓 , 希望唔太差呢~!!


呢個就係我今年嘅蛋糕 , 主題係和風式 , 呢個蛋糕用只黏土做 , 可以存放一至兩年時間 , 食得嗰個圓型蛋糕 , 因為只 keep 得3日 , 所以未到生日就食咗一半 lu , 講返嗰蛋糕 , 啲生日字刻得唔太好 , 媽媽已經有啲唔滿意 , 最過份係...............蛋糕盒 , 有好大陣藥丸味(爸媽覺得) , 但係嗰姐姐話係重膠味 , 叫佢換過另一個盒 , 佢話無盒 , 咁大間店得一個盒? 真係一點兒那個 ,  媽媽決定下年自己整呢~!! 




壽星點都要同蛋糕影張相留念




媽媽送比我嘅日式圍巾 , 靚嗎? 





生日願望...............當然要身體健康 , 我知爸媽都想我咁嘅 , 可以陪佢哋多啲 , 食多啲好嘢 , 仲有去多啲街街 , 咁就心滿意足呢~!!



1月15日星期日 , 天氣非常凍 , 加上朝早落過雨 , 等到地下乾咗 , 爸媽同我落屋企樓下行咗一陣 , 就返屋企洗白白呢 , 所以用手機影咗呢張相咋 , 不過我都行得好開心 ~!!




報告完畢 , 謝謝大家支持~!! 






2017年2月10日 星期五

兩個壽星去行山



1月9日星期一


今日媽媽攞咗假..............原來一早約咗哈比去行山 , 謝謝哈比媽今日做我哋個司機 , 首先我哋一齊去食個 lunch , 食飽飽先出發去田夫仔行山~!!


哈比同我都係一月份壽星仔 , 一定要影張相留念呢~!! 



平日無咩嘢人...................行得特別爽




哈比都覺得好 feel 




鳥語花香 , 郊遊真開心




哈比好滿意我介紹呢個地方比佢行 , 所以笑得特別甜美




大少爺去完廁所要抹 pat pat 




坐响呢度睇吓風景




不如行去水塘嗰邊吖 ? 




好好 , 等我帶路




話咁快...................我哋行咗嚟清快塘




呢邊幾多草草喎




媽媽又影吓葉葉




呢段路比較短 , 所以行完盡頭要回程呢~!! 




出返水壩影吓沙龍相




到我喇.................笑吓先




影多張合照要回家呢~!! 




原來平日行山真係特別舒服 , 人又少車又少 , 係撞唔見發哥有啲失望 , 因為發哥前一日响呢度行山呢~!! 唔緊要.................我相信有天一定撞到嘅 , 預祝哈比生日快樂 , 身體健康 , 下次見~!!