2017年 1月2日星期一
好耐無同大家見面喇...............有無掛住我呢 ? 一月份實在太忙太忙 , 無時間寫 blog , 過完農曆年 , 終於可以同大家見面 , 踏入 2017年.............好開心可以同另一位 blog 友見面 , 我哋識咗好多年 , 一直都未有機會見面 , 今次難得約到 , 真係超級開心同期待 , 我哋約咗响葵芳等 , 一齊坐車入馬灣 , 唔講咁多...............即刻去相 ~!!
第一站 : 古蹟館
第二站 : 芳蘭書室
第三站 : 唔打唔撞行咗嚟魚排 , 因為太熱關係 , 打完咭即走~!!
跟住我哋行咗入馬灣舊村 , 呢條村大至上已經無人住 , 得返啲屋响度咋
第四站 : 舊碼頭
呢度有海風吹 , 可以坐响度影吓相 , 當然唔少得同姐姐影合照呢~!!
仲有姐姐嗰妹妹都嚟咗 , 好高興認識你呢~!!
呢度啲屋好有大澳風情 , 坐定定影返張相先
唔該哂爸爸同我哋影咗咁多合照
開心呢~!!
謝謝姐姐幫我哋影咗張咁靚嘅全家福
响碼頭都望到太陽館
行到嚟涼亭 , 休息吓先..................今日真係幾熱吓
响呢度影吓相又行返出碼頭
响碼頭坐咗一陣
我哋決定出返沙灘食個 tea
响沙灘揀咗間茶餐廳 , 掛住食同傾計..................唔記得影相比大家睇 , 請大家見諒 , 快樂嘅時光過得特別快 , 同姐姐食完嘢 , 一齊坐車返葵芳 , 然後各自回家 , 今日我哋玩得好開心呢~!!
碌碌仔, 姨姨以為你媽媽同你移民咗去面書lu^^
回覆刪除點會呢........ee 放心 , 一定會同你保持聯絡 , 老朋友嫲~!!
刪除ee 比小小時間我........遲啲去探你呢~!! ^0^
哈哈
刪除😊
刪除好耐無見圓咕碌，假期去郊外行行幾好呀﹗
回覆刪除真係好耐無見羊羊 , 你幾好嗎?
刪除我最鐘意去郊遊 , 遲啲去探你呢~!!
過年時候都知你忙啦! 碌碌嗰日玩得好開心呢! 聽人講, 馬灣有間德國餐廳幾好味咖!
回覆刪除都係B 姐姐心水清 , 每年農曆前後都超忙 , 終於有時間寫返 blog 呢~!!
刪除德國餐廳好味? 等我記抵佢先 , 有機會要試吓呢~!!
呢輯相嘅咕碌超 BB look 呢！
回覆刪除係咩? 我响媽媽心目中永遠都好 BB 呢~!!
刪除終於蒲頭，姨姨好掛住咕碌仔你呢，最尾嗰張，咕碌仔條圓波尾好可愛
回覆刪除無辦法........真係超忙 , 你見我都未有時間去探你就知呢~!! ^0^
刪除個日真係超開心呀~~多謝咕碌爸幫我地影咗好多靚相！寫blog慢慢嚟啦，唔好令自己太辛苦呀~~
回覆刪除謝謝艾華斯體諒 , 我同媽媽會努力追返哂啲 blog , 每晚食完飯先有時間執相 , 真係幾辛苦架 , 媽媽仲欠好多相債未還 , 要加把勁呢~!!
刪除遲啲去探姐姐個 blog , 等我呀?????
熱到圓咕碌伸埋條脷出黎，但就好似笑容咁可愛呢。
回覆刪除ManMan 最識氹我開心 , 謝謝你~!! ^0^
刪除今日好好笑容呀~~張張都笑咪咪
回覆刪除係呀........見Iris 姐姐喎 , 所以好開心呢~!!
刪除