7月3日星期日
上個禮拜日( 6月26日)原本約咗 Qubi family 去街街 , 可惜我朝早七點幾唔舒服特然嘔吐 , 嘔到床舖同床單都有 , 搞到爸爸媽媽即刻起床換床單被袋 , 見到我咁攰.............即刻取消去街 , 謝謝 Qubi 姐姐嘅體諒 , 真係唔好意思 , 你咁難得放到星期日約我哋去街 , 點知我又唔舒服 , 唯有下次再約過呢~!!
講返 7月3日 , 天氣麻麻地...............朝早落過雨 , 仲以為無街街去 , 好彩下午停咗雨 , 等個地下乾返先出街 , 爸媽決定黃昏行屯門碼頭 , 因為嗰度有個細細嘅公園仔可以行 , 加上近海有風吹 , 我會行得舒服啲呢 , 去相~!!
嚟到公園................睇吓我幾開心~!!
呢度真係幾好風架 , 仲有個小小草地仔比我玩
又行吓公園嘅外圍
做吓模豆影花花
行咗一陣揾張櫈坐低飲啖水先
爸爸話我呢張相笑得好開心 , 大家有無同感呢 ?
hehee..............有兩條恐龍陪我玩咗一陣
行咗一個鐘頭 , 係時候返屋企洗白白呢~!!
今日仲識咗幾個朋友仔 , 快樂就係咁簡單~!!
