廣告

2014年9月25日 星期四

無奈被迫轉場


9月21日星期日

之前聽朋友仔講................話藍地開咗個狗公園 , 於是爸爸今日決定同我去呢個新地方玩 , 點知去到無草地比我跑 , 得兩個沙池 , 最重要係...............入面太多大狗喇~!! 


呢個狗公園原來又係起响橋底



入到嚟地方都算乾淨




天蔭蔭加上有風 , 今日都幾舒服




我身後面有狗打交 , 所以影埋呢張相我哋全家人撤退~!! 




改咗去丁九橋行山徑 , 呢個地方我哋都未曾行過 




上到嚟...............可以近距離睇到丁九橋 , 當然要影番張相留念~!! 




估唔到呢度仲有瀑布睇 , 好壯觀呀~!!!!!!!!!




難得可以近距離影瀑布 , 當然要拉埋媽媽一齊影啦 ~!! 




影完相沿引水道前進




今日都見到好多蝴蝶 , 可惜一隻都影唔到 , 哈哈..................只係影到呢隻飛蛾比大家睇咋 ~!! 




呢啲天氣真係好適宜行山




媽媽叫我騎住爸爸 , 幫我影張靚靚嘅沙龍相 , 我當然 say yes 啦~!! 




行到尾聲....................太陽伯伯開始出嚟




同媽媽响樓梯影埋呢張 sweet 相就回程 lu




呢個地方真係唔錯




睇到我呢個笑容就知我今日玩得好開心呢~!! 



行山嘅季節又到喇..................今日我哋出咗好多汗水 , 希望對身體有幫助呢~!! 






2014年9月17日 星期三

打扮靚靚踩新場


9月14日星期日

今日爸媽帶我去一個新地方玩 ,  為咗隆重其事 , 我帶咗條新 collar 去踩場 , 睇吓識唔識到靚女先 , 唔講咁多.................去相~!! 


登登登...............鄧......................就係嚟呢度喇~!!!!!!!!! 



唔知我呢身打扮識唔識到靚女呢 ? 




入咗閘企定定同吓啲貓貓狗狗影張相留念先...................




沿住斜路行上去





沿途仲可以欣賞吓牆上啲畫




每張都好有特式




上埋樓梯就見到個公園 , 呢度真係唔錯 , 陽光幾猛都唔驚會曬親 , 今日仲有風添~!! 




嚟到當然要跑吓草地




跟住玩吓捐山窿




識到呢個新朋友仔 , 不過佢太熱情 , 追到我氣咳




媽媽唯有出手救我 , 我終於可以坐低休息吓喇~!! 




原來鐵欄後面係個靜水池 , 唔怪之得欄住咗啦~!! 




玩咗一陣 , 識到呢個自己友 , 可惜佢係男仔




點解今日無靚女架 ? 




唔緊要 , 睇到我呢個笑容都知我玩得好開心~!! 




玩咗個幾鐘................係時候返屋企洗白白~!! 



有機會一定再嚟玩過 , 下次見呢~!! 






2014年9月10日 星期三

今年中秋玩得好開心


9月8日星期一

一年容易又中秋 , 今年中秋節我過得好快樂 , 因為媽媽一早訂咗月餅比我食 , 又約咗我啲好朋友一齊過節 , 玩到十一點先返屋企 , 不知幾盡興 , 係呢..............唔知大家又點過呢 ?


首先同大家講聲: 中秋節快樂~!!!!!!!! 



媽媽買咗呢4款月餅返嚟
味道包括:三文魚紅蘿蔔  , 鴨胸小紅梅  , 雞胸羊奶芝士 , 鱷魚肉杞子 



不得不點名讚呢間公司 , 今年月餅收益全數變賣狗糧捐贈屯門MT狗場 , 咁有義意嘅活動又點會無我份支持呢~!! 




媽媽話我只可以食一個 , 其他留返夜晚請朋友仔食 , 我唔制呀))))))))) 





咁大個仔都未食過鱷魚肉 , 點都要試吓 , 卡卡~!! 




坐定定响度




開餐喇...............我唔客氣呢~!! 




好好味呀))))))))))))) 




仲有無呀? 




睇到我呢個樣...............就知我有幾滿足呢~!! 




等爸爸放工返嚟 , 跟住出發陪啲大人去食齋 , 食飽飽行公園 , 行咗個幾鐘 , 影埋呢張大合照跟住去 B仔食甜品 ~!! 




估唔到我有士多啤梨食 , 食埋甜品各自返屋企 , 咁就過咗一個開心又滿足嘅中秋節呢~!! 





2014年9月3日 星期三

爽爆新 look


8月31日星期日

今日爸媽晨咁早就起咗身................原來捉我去扮靚靚 , 都唔明立咗秋啦..............天氣仍然咁熱 , 我啲毛毛又長得咁快 , 唔剪返短啲毛毛無得出街街呢~!! 


登登登..................鄧...................係咪好短呢 ?



從未剪過啲手手腳腳咁短架~!! 




哈哈................企响度比大家睇清楚啲啦




今次姐姐剪耳仔剪得唔太齊 , 媽媽返到屋企同我修返齊對耳仔呢~!! 




我呢個樣係咪好萌爆呢 , 卡卡~!! 



希望大家鐘意我呢個新 Look 啦~!!