大年初一

2月19日大年初一

今日我著上賀年衫同爸媽拜年 , 祝爸媽工作順利 , 羊年行大運 , 心想事成 , 最緊要身體健康 , 因為媽媽年廿八病咗去咗睇醫生 , 好彩响屋企休息咗兩日 , 年初一好返過新年呢~!! 

同爸媽逗完兩封羊羊利是 , 當然影張相留念呢~!! 

我呢個賀年碌係咪好好睇呢 ? 

今年嘅水仙花趕得及年三十晚開花

水仙花嘅清優香味 , 令到全屋都好香噴噴

今年買咗兩棵蝴蝶蘭 , 開得好燦爛 , 花開富貴好意頭呢~!! 

每年初一同初二 , 爸媽都要去拜年 , 我就乖乖响屋企等爸媽返嚟 , 初三赤口唔駛拜年 , 我就有街街去呢 , 期待 ing ~!! 

恭祝大家羊年行大運 , 喜氣洋洋~!!

2月18日星期三

今日係年三十晚 , 咕碌同大家拜過早年 , 恭祝大家羊年行大運 , 羊羊得意 , 心想事成 , 身體健康 , 笑口常開 , 喜氣羊羊 , 恭喜..........恭喜.............!!!!!!!! 

Happy Valentine's Day ~!!!!!!!!

2月14日星期六

今日係一年一度嘅情人節 , 响度祝我嘅 Blog 友仔們 , 有個甜密又浪漫嘅情人節 , 情人節大快樂呀))))))))))

行青山寺

2月1日星期日

今日爸爸帶我同媽媽去青山寺行山 , 順便入廟祈福 , 第一次嚟呢度..............感覺好舒服好寧靜 , 我同媽媽行得好開心呢~!! 

泊好車 , 响門口影張相留念~!! 

門口有兩棵桃花樹 , 開得好燦爛

爸爸同我都忍唔住要行返個桃花運

由呢度開始行上山

又講吓啲歷史比大家知吖 , 青山禪院又名青山寺 , 於1985年評為一級歷史建築 , 好值得行架~!! 

睇吓啲燈幾懷舊 , 點都要同媽媽影張合照留念

响呢度見到隻咁靚嘅"蟬 " , 爸爸又點會錯過機會影相呢~!! 

跟住行石級上去

就會嚟到青雲觀 , 有好多龜龜睇呢

五德堂有著好濃厚嘅中國色彩

青雲觀全景真係好古色古香

一定要入去參觀吓 , 順便捐啲香油錢

點解無人嘅 ? 爸爸你去影相 , 等我响度幫手賣香啦~!! 

睇吓幾有氣勢

呢個鐘唔知係咪青銅整造

爸爸响上面睇嘢 , 我坐响樓梯等佢

跟住行上山有座大雄寶殿 

等我坐响度靈修一吓

靈修完................行嚟睇李小龍 , 原來李小龍以前响度練功夫架~!! 

呢座係西藏嘅佛塔 , 富有濃厚色彩 , 夠哂特別~!! 

不二法門評為二級歷史建築物 , 當然要企定定影張相留念

估唔到.................呢度仲有個公園仔比我跑 , 玩咗一陣係時候落山 lu 

沿途輪到媽媽影花花

參觀完...............我深深體會到緣份係好多世修返嚟嘅 , 好似我同媽媽咁................就要修好多年先做到兩母子呢 , 大家真係要珍惜身邊人 , 記得行善積福~!! 

阿彌陀佛

謝謝大家收看

同好友行山慶生

1月27日星期二


今日好開心可以約到 "哈比" 家一齊去行山 , 好耐無同佢哋一齊 walk walk 喇 , 順便同 "哈比" 提早慶祝生日 , 响元朗一齊食完 lunch 先揸車出發 ~!! 

照舊行老地方

我身為大哥哥 , 要負責殿後...............

祝 "哈比" 十歲生日快樂 , 最緊要身體健康呢~!! ^0^

"卡卡" 妹妹性格最似我 , 一樣咁鐘意食 ~!! 

 "德德" 細佬都仲係咁緊張

當然唔少得輪到我笑住出場~!! 

中段零食時間 , 順便影返張大合照留念

睇吓大家眼神幾一致 ?

哈哈................難得可以同 "德德 " 細佬坐咁埋

壽星仔今日笑容滿臉

" 德德 " 今日算乖 , 只係兇我 , 無咬到我呢~!! 

"卡卡" 妹妹依然咁鐘意同我一齊行孖咇

今年多咗呢啲路牌

估唔到仲有少量紅葉睇

我今日好叻叻 , 行足全程

睇吓兩兄弟跑得幾開心

快樂就係咁簡單

擺個靚 post 比媽媽影 , 睇吓我嘅眼神幾有自信

地下好多花花舖滿地

行返出呢度..................回程 lu 

估唔到識到呢個朋友仔 , 可惜佢只同 " 卡卡 " 玩 , 仲女輕男

好特別嘅花花 , 一串串 , 可惜唔知叫咩嘢名 ? 

行到日落西山 , 係時候返屋企 , 爸爸等緊我呢~!! 

今日真係玩得好開心 , 希望 "哈比" 鐘意我送比佢嘅生日禮物~!! 

再一次祝 "哈比" 生日大快樂~!!!!!!!!! ^0^