回顧呢兩個星期

5月17日星期日

呢排一係太熱一係就落雨 , 難得今日天蔭蔭未落得出雨 , 爸媽食完 lunch 就拿拿淋帶我落屋企附近行吓 , 所以無帶相機 , 媽媽用手機同我影咗兩張相咋~!!

好鐘意嚟呢個空地度玩 , 因為無咩嘢人 , 又容易撞到朋友仔 , 加上今日好好風呢~!! 

跑完企定定吹吓風 , 爽哂~!! 

玩咗一個鐘唔夠就返屋企 lu ~!! 

5月25日星期一

落咗成個星期雨 , 原本約咗朋友仔星期日食 dinner , 因為落雨嘅關係改咗今日佛誕食 , 爸媽仲預早咗一個鐘比我去秘密花園玩一陣 , 以下係媽媽用手機影嘅相~!! 

咁耐無跑草地 , 嚟到一定要伸展一吓

點解黃昏五點幾 , 一個人都無架 ? 

咁唯有自己周圍行吓啦~!! 

响呢度望吓海景都唔錯

玩咗咁耐.................坐低休息吓先

時間過得真係快 , 約咗靚女唔可以遲到呢~!! 

我今日好開心可以同爸媽一齊食 dinner , 仲有 GiCi family 同 傻豬家呢~!! 

睇到啲菜式就知食泰國菜

我有少少飯同雞肉食

啲大人一路飲白酒一路傾計 , 呢餐飯仲食得好開心呢~!! 

食到八點半尾聲開始落雨 , 仲越落越大 , 簡直係橫風橫雨 , 埋完單想走都走唔到 , 老闆好好人比我哋坐室內避雨  , 坐咗半個鐘啲雨叫做細咗啲 , 爸爸拿拿淋跑去攞車 , 跟住侍應生哥哥遮我同媽媽上車呢 , 我啲朋友仔個個上咗車走人 lu , 今年嘅佛誕真係好難忘~!! 

summer look 多面睇

5月13日星期三


今日明明係平日 , 點解爸爸媽媽放假嘅 ? 原來立咗夏...............係時候剪返個清爽 look 迎夏日呢~!!

燦爛嘅一面

迎望嘅一面

 BB 樣一面

全身嘅一面

朝偉眼神嘅一面

悠情嘅一面

top model 嘅一面

壓軸嚟張公仔嘅一面

唔知大家鐘意我邊一面多啲呢 ? 

母親節 2015

5月10日星期日

今日係一年一度嘅母親節 , 我決定全日陪住我至愛嘅媽媽 , 因為佢對我嘅愛係無微不至嘅 , 好開心比幸運之神選中 , 可以嚟到呢個咁温暖嘅家 , 謝謝媽媽呢十年嚟一直都咁照顧同關懷我 ,
媽媽 , I LOVE U ~!!!!!!!!!! ^0^

今日天蔭蔭 , 仲落過少少微雨 , 所以近近地响屋企附近行吓 , 行到嚟呢度影張相留念~!! 

世上只有媽媽好 , 有媽的孩子像個寶................., 一定要放張同媽媽嘅合照先~!! 

呢張 sweet 嗎 ? 

原來呢度開咗個新公園 , 雖然細細地 , 但係可以比狗狗入呢~!! 

其實去邊度行都無所謂 , 我都一樣行得好輕鬆自在 , 快樂就係咁簡單~!! 

當然一定要一家人一齊行先最開心呢

行到攰..................同媽媽一齊坐响度吹風風 , 順便欣賞吓呢棵咁靚嘅樹

行咗個幾鐘 , 係時候返屋企 lu ~!! 祝天下母親 , 母親節快樂呀)))))))))) 

Blog 友自遠方來

1-5-2015 星期五

今日係五.一勞動節 , 呢日對咕碌家嚟講真係好特別 , 因為住响馬來西亞嘅一位 blog 友嚟咗香港旅行 , 仲約咗我哋同另一位 blog 友一齊見面 , 期待同興奮嘅心情真係非筆墨能形容~!!

第一站 : 屏山和記食午餐

因為無 outdoor , 所以我派咗媽媽陪 Joyce 姐姐同殷師奶 , 睇吓佢哋一行五人食咗咩嘢先................

由於最出名嘅波羅油賣哂 , 唯有食滑蛋牛肉包 , 估唔到比到驚喜大家 , 值得推介~!! 

蕃茄湯墨魚丸通粉

餐肉蛋出前一丁麵 , 蕃茄湯底 , 正)))))))) 

五香肉丁拼牛肉出前一丁麵 , 食飽飽啲大人返嚟車埋我一齊去街街

第二站 : 馬鞍山家樂徑

嚟到因為太多人 , 所以我哋決定行上山 , 當然由我帶路呢~!! 

全條山路都濕哂 , 應該一早落過一場大雨 , 不過都無損我哋嘅靚靚心情~!! 

話咁快就上到嚟山頂 , 呢兩個妹妹仔好鐘意同我玩 , 仲玩到唔捨得走添~!! 

從馬鞍山觀景台望落去 , 風景真係好美~!! 

點少得同 Joyce 姐姐照合照留念呢~!! 

加埋殷師奶 , 我真係艷福無邊 , kaka ~!! 

行山途中又影吓相 , 傾吓計

落咗山周圍聞吓先

又玩吓平衡木

做埋腳底按摩就舒服哂呢~!! 

第三站 : 烏溪沙心型石

第一次嚟呢度 , 同媽媽影張合照留念~!! 

真係好大個心心呢~!! 

又嚟張大合照

玩到耶穌光都出埋 , 好盡興呢 , kaka ~!! 

第四站 : 大埔三小姐食 dinner 

呢間小菜非常出名 , 由一位歌手開嘅 , 當然要帶姐姐嚟試吓啦~!! 

招牌沙薑雞 , 啲肉真係好滑 , 推介~!! 

椒鹽九肚魚

椒鹽鮮魷

菠蘿咕嚕肉

金銀蛋浸莧菜

最後一站 : 彩虹甜品店

啲大人食完晚飯仲未夠喉 , 走咗去食甜品 , 見到個個笑到四萬咁嘅口 , 就知大家食得好開心呢~!! 

特別鳴謝 : 

謝謝 Joyce 姐姐送咗咁多手信比我哋 , 有食嘅又有著嘅 , 仲有我件雨褸同玩具 , 真係好有心思嘅禮物 , 抵錫~!!  

當然唔少得殷師奶送嘅見面禮 , 一樣咁有心思架 , 親手做嘅皮革散紙包同日本煎餅 , 媽媽好鐘意呢 , 謝謝你~!! 

返到屋企沖埋涼涼 , 已經十點幾 , 謝謝你哋比咗個開心又難忘嘅勞動節咕碌家呢~!!