廣告
2012年11月26日 星期一
探路
由Yahoo Blog 搬過嚟(累積瀏覽 909 )
11月25日星期日
今朝起床.................仲落緊雨 , 以為無得出街 , 好彩天公造美 , 爸爸媽媽响荃灣嘆完茶返嚟...............見無落雨就即刻執嘢同我出街街~!!
無諗過...............會見到藍天白雲~!!
有街去...............心情當然興奮 , 不時探頭出窗吹風風~!!
嚟到大棠已經四點幾 , 周圍行吓先...............
由閘口開始出發~!!
我身後面嘅紅葉..............開始變黃色呢~!!
行遠啲睇吓仲有無紅葉先~!!
揾到幾棵變咗橙色嘅紅葉樹................好有冬天氣氛呢~!!
坐定定影番張相留念~!!
沿途最多就係呢種花~!!
行到六點天開始黑...............要回程 lu~!!
全程只係遇見一隻大唐狗 , 唔好以為落完雨無咩嘢人嚟行山 , 駛估唔到...............咁晏都仲有好多人嚟影紅葉 , 不過佢哋嚟到一定好失望 , 因為未係時候 , 爸爸媽媽今次上嚟嘅目的就係嚟探路 , 見啲紅葉樹好多都仲未變色 , 睇嚟要遲少少先嚟得影紅葉相呢~!! 我今日玩到腳仔濕哂 , 返到屋企當然要大洗啦 , 吹完毛毛食埋糧 , 爸爸媽媽就趕住走 , 原來佢哋要去爺爺嫲嫲家食dinner 呢~!! 謝謝天公造美..............令到我有得去街街玩~!!
2012年11月20日 星期二
道風山
由Yahoo Blog 搬過嚟(累積瀏覽 816)
11月18日星期日
今日 M ee 約咗媽媽出嚟行山 , 呢位ee 同媽媽識咗十幾年 , 仲啱啱歐遊返港 , 今次ee 出嚟嘅目的有兩個 , 第一個係ee 好想見吓我 , 第二個當然係派手信比媽媽呢~!! 仲有仲有ee 話好耐無做運動.............所以陪我哋全家人一齊行山~!!
今次爸爸又揾咗個新地方比我哋行 , 就係呢度喇~!!!!!!!!!!
約咗ee 兩點鐘响沙田火車站集合 , 然後我哋沿排頭村旁嘅山路往上走~!!
行到嚟山腰轉行我身後面嘅行車路~!!
沿道風山路行 , 全程上斜 , 半小時左右便到達"道風山基督教叢林" , 行上十幾級樓梯便見到呢個用石塊砌成嘅圖型 , 非常特別~!!
跟住會見到一個古色古香嘅荷花池~!!
池內有一朵荷花咁多呢~!!
再沿樓梯向上行.............嚟到呢個亭園 , 好有中國特式 , 當然要影番張相留念~!!
跟住行入嚟呢度...............
上幾級樓梯................
就會見到呢座咁宏偉嘅聖殿 , 唔講你唔知...............媽媽初時以為係佛廟嚟架 , 原來唔係..............係一個挪威藉宣教士"艾香德"牧師創辦 , 佢响1904年去過中國傳道之後.............對中國宗教產生濃厚興趣 , 仲揾咗丹麥一位著名嘅建築師"艾術華"設計呢度~!! 屬香港二級歷史建築 , 好有紀念價值架~!!
一場嚟到.............要影番張相留念~!!
睇吓所有建築物都充滿佛教色彩~!!
原來有好多人响聖殿靈修緊..............等我都坐响地下吸收吓靈氣先~!!
草地只可以影相 , 原來唔比跑呢~!!
蓮花十字, 代表蓮花出污泥而不染, 比喻君子人格高尚, 純潔清心, 很多人渴望呢種情操 , 但往往很難做到~!!
我身後面座山..............萬佛寺响嗰度呢~!!
行咗咁耐.............同媽媽 M ee 影張合照留念~!!
睇吓媽媽同ee 拉埋我玩得幾開心~!!
去第二個景點 lu .............沿石級而行~!!
就會見到我身後面嘅門~!!
坐定定影張相留念~!!
呢度有個感恩亭~!!
我哋嚟睇呢個高12米嘅十字架 , 屹立响東面 , 成為呢區嘅地標~!!
睇完第二個景點回程lu ~!!
响呢個時候.............ee 正想比佢手上嘅羊毛氈貓貓我睇吓 , 點知媽媽呃我.............話ee 送呢個玩具比我玩 , 睇吓我嘅眼神幾認真~!!
咁就上演咗一幕虐待貓貓嘅案件~!! 最後要勞動到媽媽出手 , 先可以幫ee 攞番隻貓貓呢~!!
行番出嚟停車場呢邊..............仲有呢座建築物未影過~!!
一場嚟到...............影埋先走~!!
沿山路行番落排頭村 , 因為太多蚊關係 , 無再影相 , 仲要加快腳步落山呢~!! 落到山我哋响村入面間茶餐廳食埋個 tea 先走 , 因為返到屋企媽媽要同我沖涼涼 , 吹毛毛 , 搞到七點半先開始預備食物响屋企打邊爐 , 媽媽仲整咗駝鳥肉比我食 , 我今日又有口福呢~!! 謝謝ee 响法國買比媽媽嘅靚靚手信 , 媽媽好鐘意~!!
訂閱:
文章 (Atom)