廣告

2012年5月28日 星期一

有美相伴夜遊行


由Yahoo Blog 搬過嚟(累積瀏覽 597 )

5月26日星期六

今日一早天文台掛起黃色暴雨警告 , 仲以為今晚嘅約會要取消 , 好彩到咗下午太陽伯伯出嚟撐住 , 就係咁..............我有機會同靚女夜遊呢~!!

坐咗幾個字車, 準時到達屯門市中心~!!




知道啲朋友仔會遲到 , 媽媽同我响附近嘅公園行吓~!!



呢度仲有個噴水池 , 環境唔錯呢~!!



玩咗一陣.............行番去爸爸架車度等朋友仔~!!



估唔到响呢度識咗呢個靚女 , 佢好慘架 , 呢位係佢第二個主人 , 响二個禮拜前做絕育手術 , 個衰人醫生開咗肚先話唔識做手術 , 又同佢連番針 , 跟住去第二個醫生度做手術 , 咁簡單嘅手術無端端開二次肚 , 你話慘唔慘呢~!!



等咗半個鐘.............啲朋友仔出現喇 , 跟住我哋揸車嚟到悅湖附近嗰公園 ~!!!!!!!!!



等我介紹一吓.................呢位係我個好朋友"多士"~!!!!!!!!!



呢位係佢嘅妹妹"Creamy"



仲有呢位係新相識嘅"摩茶茶" , 得十個月大咋 ~!!  



我哋沿住公園行................兩姐妹嚟張合照~!!



點少得多士family 全家福~!!



仲有"摩茶茶"全家福呢~!!



趁未天黑.............嚟多張大合照先~!!



玩到八點鐘................係時候去開餐 lu ~!!



我哋原本去屯門食泰國菜 , 點知無位 , 改去深井呢間餐廳食 , 我同呢度個老板好熟架 , 所以一定有位呢~!!



啲大人有講有笑...............食得好開心 , 我坐响爸爸度有啲眼瞓添~!!



返到屋企已經十點 , 仲要比媽媽幫我洗白白吹毛毛 , 謝謝多士媽送呢包芝士零食比我 , 真係好好味呢~!!



今晚我玩得好開心 , 又識到摩茶茶呢位靚女 , 又收到零食禮物 , 又可以陪爸媽食 dinner , 仲有包包食 , 真係好滿足呢~!!!!!!!!!!





2012年5月23日 星期三

在家千日好


由Yahoo Blog 搬過嚟(累積瀏覽 1059)

5月20日星期日

今日一早起身陽光充沛 , 但係又因為太熱嘅關係............媽媽話晏啲先同我去街街 , 點知等到晏啲又落起雨嚟 , 唯有開住冷氣响屋企耍樂 , 一樣可以玩得好開心架 , 唔信.................去片~!!!!!!!!!!


扎行馬.............預備..................




mark 實目標................





睇吓我幾認真~!!





拋啦...............仲唔快啲拋..................





咁大支激光棒.............對我嚟講都無難度~!!





呢支棒棒係媽媽睇張學友演唱會得番嚟架 , 啱哂我玩呢~!!





拎番埋自己張床仔度慢慢再玩過~!!!!!!!!!!





睇吓我玩得幾開心~!!





仲好滿足呢~!!





點都要影番張側頭相交貨呢~!!!!!!!!!





抖咗一陣................又輪到玩我至愛嘅波波玩具~!!





唔好掛住影相..............媽媽快啲同我玩啦~!!!!!!!!!!





要出殺手簡至得喇(側頭仔)..................媽媽就會即刻拋波波呢~!!





雖然無得出街街 , 响屋企我都唔會悶 , 只要有爸爸媽媽陪我玩 , 日日都可以好開心呢~!!




所以我好認同..............在家千日好 , 請大家珍惜同小朋友相處嘅時間 , 唔好再比藉口自己喇~!!!!!!!!!!! 咁就過咗一個愉快嘅週日~!!