廣告

2013年11月27日 星期三

驚喜上咗雜誌

11月27日星期三
 
上星期收到一位朋友通知.............話我做咗一本雜誌嘅 model , 媽媽知道咗即刻買咗本書返嚟了解一吓 , 睇吓朋友講嗰個係咪我嚟呢~!!
 
 
                                打開本相機雜誌 , 著住件聖誕老人衫嗰個真係我嚟嗰喎~!!
 
 
 
                                                  睇埋內容等我了解吓先.................
 
 
 
 
原來係教人點影寵物嘅心得 , 寫得唔錯呢~!!
 
 
 
 
 回想起來.............呢張相係二年前參加一個攝影 party 影嘅~!!
 
 
 
 
 多謝嗰位攝影姐姐登咗我張相 , 比咗一個咁好嘅回憶咕碌家~!!
 
 
 
咁開心嘅事一定要同我啲朋友仔分享 , 謝謝大家捧場~!!




2013年11月19日 星期二

女神之約


11月17日星期日
 
响差唔多一個月前我嘅女神"豆豆" 約咗我今日出街 , 為隆重其事今次嘅約會 , 我揀咗佢未曾踏足過嘅迪士尼碼頭作為今次嘅約會地點 , 希望同佢留下一個難忘嘅回憶~!!
 
一點鐘到達迪士尼樂園 , 女神已急不及待起程呢~!!

 

第一次見咁大條鯨魚 , 豆豆小姐好興奮~!!
 
 

 
 
藍天白雲襯托下 , 心情都特別靚啲~!!
 
 
 

 
 隨行仲有我請番嚟嘅攝影師哥哥 , 同埋佢個得力助手"朱屎" 小姐
 
 
 
 
 同女神嚟到許願池 , 當然要許番個願望呢~!!
 
 
 

 
 我希望"豆豆"永遠都開開心心 , 健健康康~!!
 
 
 

 
 大家話我同女神襯唔襯呢?
 
 
 
 
 呢個"朱屎"小姐最鐘意玩波波 , 無嘢做就自己玩波波 , 好獨立架~!!
 
 
 
 
 話咁快就行咗一半路程
 
 
 

 
 到咗碼頭..............我哋玩捉迷藏 , he.............hee................坐到咁高佢一定揾我唔到~!!
 
 
 

 
 坐呢度比"豆豆"揾到我添~!!
 
 
 

 
 "朱屎" 藏响櫈底又比我捉到~!!
 
 
 

 
 玩咗咁耐...............到我表演玩滑板車比豆豆小姐睇呢~!!

 
 

 
 表演完..............我哋入咗迪士尼樂園酒店影相
 
 
 
 
 趁"豆豆"小姐去咗影沙龍相 , 我坐响呢度等佢~!!
 
 
 

 
 型像指導見我响度咁悶 , 就捉咗我去影合照~!!
 
 
 
 
 玩到三點幾 , 我哋回程 lu
 
 
 

 行到嚟大門口..............估唔到撞到我兩個學生 , 佢哋啱啱嚟咋 , 呢個就係"Mui Mui "
 
 
 

 
 呢個係佢個妹"BeBe"
 
 
 

 
 咁難得撞到 , 影番張合照留念先~!!
 
 

 
影完相...............我同"豆豆"小姐去咗荃灣 high tea , high 完 tea 就各自回家 , 返到屋企即刻比媽媽幫我沖涼涼吹毛毛 , 食埋dinner , 我就攰到去揾周公傾計 , 而爸爸媽媽就趕住扮靚靚過海去飲 , 各自各精彩 , 希望豆豆小姐滿意我今日嘅安排呢~!!
 
 
 
 


2013年11月11日 星期一

罪魁禍首


11月9日星期六

尋晚媽媽買咗個益智玩具返嚟送比我 , 呢個玩具可以放啲零食入去 , 想食到入面啲零食就要諗辦法整出嚟 , 聽落真係幾益智...............有得玩又有得食仲可以做吓運動 , 媽媽以為一舉三得啦 , 點知...............呢個玩具變咗"罪魁禍首" , 仲害到我病咗呢~?

啡色面嗰塊係潔齒骨(超硬) , 底部可以放零食 , 我就係咬咗十幾吓呢塊潔齒骨出事~!!

 
 
 
半夜三點幾開始肚痛 , 肚疴咗二次 , 到咗今朝7點至12點 , 疴咗4次爛便便 , 媽媽即刻帶我去睇醫生 , 好多謝張醫生full booking 都肯睇埋我先收工 , 驗咗便便................証實腸炎 , 要食5日藥 , 食哂啲藥仲未好就要返去覆診~!! 
 

 
 
 返到屋企 , 媽媽即刻煲白粥溝少少雞肉比我食 , 每次只可以食一茶匙 , 醫生話要少食多餐~!!
 

 
 
                                                     睇吓我食白粥個病樣 , 幾無奈 ~!!
 
 
 
 
                                                           每次食完藥都會好眼訓
 

 
 
                                   媽媽為咗照顧我呢兩日都無覺好瞓 , 真係辛苦哂媽媽呢~!!  
 

 
 
                                            休息多啲..............希望快啲打敗啲病菌~!!  
 

 
 
响呢件事件上...............媽媽好自責 , 如果無買呢件玩具返嚟................我就唔會搞成咁 , 媽媽我無怪過你呢 , 我知道你都唔想嘅 , 爸爸話嗰舊潔齒骨可能過咗期 , 或者保存方面出現咗問題 , 導致有菌 , 我咬咗十幾吓其實食咗好少好少落肚(因為真係超硬) , 估唔到咁都出事 , 媽媽即刻掉咗舊潔齒骨 , 因為病咗..............所以星期日無街去.............全家人响屋企休息 , 希望快啲好番可以出街街玩呢~!!
 
 
 
 
 





2013年11月5日 星期二

一號風球下行山


11月3日星期日

今日一號風球適逄十月初一係媽媽嘅齋期 , 媽媽決定帶埋我去食齋 , 估唔到元朗有間有露天嘅齋舖 , 以後我又有多個機會嚟食齋呢~!!

 就係呢間齋舖喇 , 食物一般啦 , 媽媽分享咗少少白飯同西蘭花比我食~!!
 
 
 
 
食飽飽............去攞車經過呢個公園 , 媽媽話啲花花好靚 , 叫我坐定定影番張花花相~!!  



 
 
今日我哋行大欖自然教育徑 





呢啲天氣最適宜行山 , 好爽呢~!! 
 

 
 

片地枯葉 , 影出嚟又有另一番美感~!!
 
 
 
 

 望住咁靚嘅環境 , 好似置身响外國嘅森林~!!
 
 
 
 

 城牆係我哋嘅目的地~!!
 
 
 
 

 坐响度同媽媽一齊吹吹風 , 欣賞吓沿途風光 , 真寫意~!!
 
 
 
 

 hea 咗咁耐..............
 
 
 
 

係時候回程 lu
 
 
 
 
 
回程同媽媽一齊行孖咇 , 係咪好sweet 呢~!!
 
 

 

行咗二個鐘頭好滿足呢~!!
 



返到屋企仲要比媽媽幫我洗白白吹毛毛 , 搞好哂我 , 爸媽就聯手整麵包 ,  今次整煙肉芝士麵包 , 我又有口福喇 , 開心 ing , 快樂就係咁簡單~!!


 

2013年11月2日 星期六

媽媽學做麵包達人


10月29日星期二

話說响上個星期媽媽托朋友訂咗部麵包機 , 仲係最新款嗰部 , 價錢當然平宜 , 所以媽媽呢個精明眼先會決定學做麵包達人~!!

等我呢個小廚神教吓媽媽點整麵包啦~!!
 
 
 
 
話明係新手 , 材料同用具都要分幾次去烘焙店先買得齊~!!

 
 
 登...........登..............登..............鄧................第一機麵包出爐喇~!!!!!!!!
 
 
 
 
 
 
 等我睇真啲...............色香味都俱全
 
 
 
 
 
 
 等我介紹吓呢個包先..............係紅莓藍莓麵包
 
 

 
 
 
等我呢個小廚神試食吓先...............
 
 
 
 
 
 
嘩...............外脆內軟 , 口感唔錯~!!
 
 
 
 
 
 
 為咗冧媽媽比多件 , 朝偉嘅眼神又再出現~!!
 
 
 
 
 
 
 真係食到 lam lam 脷 , 無呃大家架~!!
 
 
 



以後我就有口福喇 , 仲食得越來越健康添~!! 話比大家知吖............遲啲媽媽學人整湯種 , 仲話整腸仔包比我同爸爸試添 , 希望佢成功呢~!!