11月9日星期六
尋晚媽媽買咗個益智玩具返嚟送比我 , 呢個玩具可以放啲零食入去 , 想食到入面啲零食就要諗辦法整出嚟 , 聽落真係幾益智...............有得玩又有得食仲可以做吓運動 , 媽媽以為一舉三得啦 , 點知...............呢個玩具變咗"罪魁禍首" , 仲害到我病咗呢~?
啡色面嗰塊係潔齒骨(超硬) , 底部可以放零食 , 我就係咬咗十幾吓呢塊潔齒骨出事~!!
.JPG)
半夜三點幾開始肚痛 , 肚疴咗二次 , 到咗今朝7點至12點 , 疴咗4次爛便便 , 媽媽即刻帶我去睇醫生 , 好多謝張醫生full booking 都肯睇埋我先收工 , 驗咗便便................証實腸炎 , 要食5日藥 , 食哂啲藥仲未好就要返去覆診~!!
返到屋企 , 媽媽即刻煲白粥溝少少雞肉比我食 , 每次只可以食一茶匙 , 醫生話要少食多餐~!!
睇吓我食白粥個病樣 , 幾無奈 ~!!
每次食完藥都會好眼訓
媽媽為咗照顧我呢兩日都無覺好瞓 , 真係辛苦哂媽媽呢~!!
休息多啲..............希望快啲打敗啲病菌~!!
响呢件事件上...............媽媽好自責 , 如果無買呢件玩具返嚟................我就唔會搞成咁 , 媽媽我無怪過你呢 , 我知道你都唔想嘅 , 爸爸話嗰舊潔齒骨可能過咗期 , 或者保存方面出現咗問題 , 導致有菌 , 我咬咗十幾吓其實食咗好少好少落肚(因為真係超硬) , 估唔到咁都出事 , 媽媽即刻掉咗舊潔齒骨 , 因為病咗..............所以星期日無街去.............全家人响屋企休息 , 希望快啲好番可以出街街玩呢~!!
噢，圓咕碌媽咪唔好咁自責喇... 其實媽咪都唔想架嘛﹗努力照顧好圓咕碌就ok喇~~ 希望圓咕碌早日康復﹗
回覆刪除我都安慰咗媽媽...........叫佢唔好怪自己，最多我食藥嗰陣時合作啲，應該好快好番呢。謝謝水太太關心。
刪除大家都估唔到咬潔牙嘢會有事的, 好彩睇得切醫生, 準時食藥快點好返下星期才出去玩吧 ^^
回覆刪除珍妮姐姐有心呢，醫生full booking 去到下星期六架，係媽媽扭到醫生插比我睇呢，真係好多謝醫生咁體諒我哋，希望快啲好番啦。
刪除近日天氣變, 好多朋友病咗, ee都病咗幾日, 感冒同喉嚨痛, 可能抵抗力低咗. 腸胃炎有時真係'撞到正', 只可以講唔夠運, 咕碌媽唔好咁內疚喇, 仔仔好快好返ga.......
回覆刪除Grey ee 你都要快啲好番呀)))))))))
刪除我哋一齊努力戰勝病魔吖，媽媽聽完你咁講..........嗰心都舒服咗少少呢。
小病是福,小休是樂.祝你早日康復.
回覆刪除哈.........又幾有道理喎，謝謝Angelo ~!!
刪除陰公豬囉，不過有阿娘悉心照顧，圓咕碌你一定好快好番
回覆刪除希望可以快啲好番啦，今個禮拜約咗靚女去街街，唔想失約呢，謝謝ee關心。
刪除食藥就好快好番架啦，下星期再去街街啦
回覆刪除知道..........謝謝關心呢。
刪除OMG!! 圓咕碌休息多D快D好返呀!!
回覆刪除媽媽唔好自責啦~ 點會估到個潔齒骨係有問題既呢!!
JimJim問係咪佢放毒搞到咕碌媽買新益智玩具，如果有關JimJim都好內疚呢!! >"<
謝謝 Jim Jim 關心，我會加油架喇。
刪除好多謝你安慰我媽媽呀，佢真係唔開心咗幾日。
傻啦..........唔關 Jim Jim 事，係我哋唔好彩買咗個有問題嘅玩具呢。
其實都係意外，而且小病是福，圓咕碌一定好快好番架~~哩兩日好大風，圓咕碌同爸爸媽媽都要保重身體呀！
回覆刪除真係好感動.........你咁關心咕碌家，錫哂艾華斯呢。
刪除原來碌碌輸咗比舊潔齒骨, 唔緊要, 小病是福, 碌碌就會有更多預防能力! 無有怕! (^0^)b
回覆刪除B 姐姐 , 真係唔好意思呀...............响 FB 無答你呢個問題 , 因為太長篇喇..............媽媽同我都無心情講 , 尋晚好咗少少先有心機講番件事呢~!! >.<
刪除謝謝B姐姐關心 , 抵錫~!!
內疚, 自責, 我最感同身受.....哩種心情我最明白, 但..事情已經發生咗,最重要係積極面對, 碌碌叻仔黎咖嘛, 一定好快冇事, 碌碌媽媽,我地大家一齊加油 !!!!!
回覆刪除ee 媽媽明白架喇 , 你都唔好再自責 , 由尋晚開始到今朝我都仲未有便便 , 唔知係咪有好轉? 希望今晚會有靚便便出爐 , 謝謝ee 咁關心我呢~!! ^0^
刪除圓咕碌你好番d未呀？你要好好休息至得，好番爸爸同媽媽會帶你出街玩，你要加油快d好呀！
回覆刪除圓咕碌媽媽你唔好咁自責，係個產品有問題啫，你都唔知道嘅，放鬆d喇！
我今日胃口好咗 , 精神都好咗 , 不過由尋晚開始到今朝都仲未有便便 , 媽媽有少少擔心 , 希望今晚會有靚便便啦 , 謝謝 ManMan 關心~!!
刪除圓咕碌，好返未呀
回覆刪除無咗疴喇，今朝食番糧，不過仲未有便便，希望今晚有番便便仲係正常就好喇。
刪除哎喲！圓咕碌快d好返哂啦！媽媽唔好怪自己啦！咕碌咁乖咁靚都係你功勞呢！
回覆刪除janejane 多謝你入嚟探我呀 , 我個病已經好咗好多喇 , 今日開始唔駛再食藥 , 謝謝janejane 關心 , 媽媽見到我好番都無再怪自己呢~!!
刪除圓咕碌，你媽媽親自幫你打針嗎？＠O＠ 媽媽好勇敢啊！
回覆刪除支針係用嚟餵我食藥架，媽媽為咗我好，真係好勇敢呢。
刪除如人類的腸胃炎, 發左出來是好事, 總好過收收埋埋在身體入面, 但而家辛苦一定是辛苦, 但既然你媽媽咁體貼就咩都開心晒啦 ~ 咕碌媽, 不要怪自己, 你都唔想架麻, 多用心照顧佢吃藥就可以了, 祝早日康復 ~
回覆刪除月ee , 媽媽呢幾日照顧我真係瞓得好少好少，好彩食完啲藥無再疴，媽媽即刻放心哂，我今日好番好多，啲便便正常番，無哂事喇，你唔駛掛心呢。
刪除Oh no...heart pain now my babe! Take a good rest with mummy~I believe you can chill out with best friend again soon (kiz)
回覆刪除靚姐姐 , 我唔準你為我心痛 , 我係男仔(仲要係好man 嗰隻) , 小小肚疴無咩嘢大不了 , 何況我已經好番哂 , 尋日仲約咗兩位靚女出街玩呢~!! ^0^
刪除嗚嗚嗚......好返未呀
回覆刪除痾完要飲多D水......你好乖呀~
殷師奶唔好喊啦 , 我都係鐘意你笑多啲 , 笑一笑 , 世界更美妙 , wakakaaa~!!
刪除唔駛擔心..............我已經好番哂 , 你叫我飲多啲水 , 我就聽哂你話呢~!! ^0^
Oh... Poor baby.... wish you get well soon!@
回覆刪除茶茶姐姐 , 我已經好番哂喇 , 有心呢~!! ^0^
刪除圓咕碌保重啊！要早日康復！^_^
回覆刪除謝謝狂小子關心。
刪除好返就好喇!
回覆刪除係呀............上星期日仲約咗兩個靚女出街街玩呢~!!
刪除圓咕碌你好番d未呀？你要保重，好番再出去行街街啦。
回覆刪除Man Man 我已經好番哂喇.............., 仲約咗靚女去街街呢~!!
刪除唉吔, 原來你早前病左, 肚仔痛真係可憐呀! 而家應該冇哂嗎? 痛左幾多日呀?
回覆刪除肚仔痛真係好慘架，痛咗4日啲便便先正常返呢。
刪除圓咕碌媽, 唔好咁自責啊!
回覆刪除我好明白身為家長的我哋, 有時買新產品俾寶貝仔食, 等佢哋開心吓.
媽媽見我無哂事都無再自責lu , 加上我都無怪過佢呢。
刪除圓咕碌, 好番晒未??
回覆刪除好番哂喇，有心呢。
刪除