Boxing Day 睇紅葉

12月26日星期五

上個星期媽媽隻手痛到瞓唔到 , 仲無力拎嘢 , 連最基本揸支筆都有困難 , 即刻 book 去睇骨科 , 最快平安夜當日有得睇 , 就係咁平安夜响屋企渡過 , 估唔到聖誕節當日全日落雨 , 媽媽又可以有藉口响屋企休息吓 , 所以聖誕節無節目 , 對我嚟講响屋企都無所謂 , 哈哈...............因為我有聖誕蛋糕同曲奇食 , 又有爸媽陪住我玩 , 一家人平平安安就可以了~!! 

今日係 Boxing Day 好彩天公造美 , 因為一早約好咗朱屎家上大棠行山兼影紅葉相 , 十二點半响元朗一齊食 lunch , 食飽飽先出發 , 今年因為太多人去影紅葉 , 所以一個月前政府開始封咗上山條路 , 泊車要泊去大棠荔枝園嗰停車場 , 然後行上山 , 嚟咁多次都未試過行上山 , 運動量一定夠呢~!! 

上到山就會見到好多青蛙宣傳牌

急不及待影紅葉相

當然唔少得同媽媽合照

今年啲紅葉真係好紅呀)))))))))) 

睇吓我身後面幾多人

唯有爬上樹影先無人呢 , 卡卡~!! 

朱屎小姐影相真係好上鏡

睇吓呢張幾日本 feel 

家庭照一定無得走~!! 

 

真係好似去咗外國睇紅葉 , 好靚呀~!!!!!!!!! 

行到另一邊有幾棵全黃色楓葉 , 真係好特別~!! 

朱屎小姐話唔止特別仲好浪漫呢

爸爸抱到我成隻 bear bear 熊咁 , 好搞笑~!! 

影咗兩個幾鐘頭 , 臨走同豆媽影返張合照

然後去石崗 high tea , 我又有包包食喇 , 食到五點幾車豆媽返元朗搭車走 , 今日行咗好多路 , 攰到爆 , 不過超開心又難忘呢~!! 

聖誕節快樂呀))))))))

12月23日星期二

一年一度嘅聖誕相又嚟喇 , 媽媽今年真係好忙好忙 , 不過好彩仲抽到少少時間幫我影呢輯聖誕相送比大家 , 希望大家有一個又浪漫又甜蜜嘅聖誕節~!!!!!!!!!! 

我呢身聖誕老人打扮 o.k. 嗎?

每年都有呢兩個雪人陪我過聖誕~!! 

唔知今年收到咩嘢聖誕禮物呢 ?

hehee................我最想食聖誕大餐~!! 

呢棵少少嘅聖誕樹陪咗我哋好多年喇 ~!! 

聖誕節我已經安排好哂節目慶祝 , 唔知大家又點過呢 ? 

哈哈...................真係有聖誕老人架 , 睇吓我個願望幾快成真 ~?

嘩................發達喇......................有我至愛嘅和牛蛋糕同紅莓曲奇

今個聖誕節有排食呢 , 超開心呀))))))))))) 

最後由我代表咕碌家送上真摰嘅祝福 , Merry Christmas & Happy New Year ~!! 

充實又開心的一天

12月14日星期日

今日天氣好好 , 最適宜行完街街返屋企打邊爐 , 估唔到願望成真呢~!! 話說爸媽十二點幾食完 lunch 返嚟 , 就即刻同我去街街 , 去咗屋企附近嗰新公園行 , 呢個公園啱啱新開咋~!!

公園出面可以放單車 , 真貼心嘅服務~!! 

未入公園去咗廁所先

睇吓我一見草地就好興奮

我身後面係一個草地足球場

呢度環境好舒服

忍唔住又跑草地

爸爸我嚟喇...................

順利起飛

跑完周圍欣賞吓風景

做吓模豆比爸爸影

點少得同媽媽影張合照留念

一片蔚藍色的天空

响度等爸爸買水比我飲

爸爸咁錫我.....................當然要走去迎接爸爸呢~!! 

沿公園出面行過圈

呢邊係公園正門口

又影返幾張相留念

媽媽快啲嚟同我一齊緩步跑啦 , 做多啲運動身體先好架~!! 

媽媽趁爸爸去廁所 , 又影吓花花

真係開得好燦爛

跟住又影吓紅葉

不知不覺嚟咗天秀墟 , 一場嚟到入去行吓先......................

都唔係好多嘢賣 , 最多係士多店

行完返屋企洗白白 lu ~!! 

洗完白白媽媽去街市買海蝦同菜菜 , 預備招呼今晚嘅客人 , 到咗五點豆豆媽同朱屎哥哥出現喇 , 我同佢哋玩咗一陣 , 大家埋位準備扛邊爐 , 睇吓以下嘅相就知呢餐有幾豐富呢~!! 

美國殼飼和牛配美國無激素雞中翼 , 食得健康又放心

美國黑毛豬肉配海中蝦

加埋台灣義美豬肉丸 , 又爽又彈牙又有豬肉味 , 仲有日式蟹柳 , 獅子狗 , 九龍城寨魚皮鮫 

仲有鯇魚腩同生菜 , 小白菜 , 炸魚皮 , 全部都經過媽媽悉心選購 , 一定無得輸 , 我份晚餐都唔差架 , 有三文魚同蒸海蝦 , 雞肉食 , 好好味呢 , 啲大人有講有笑 , 又玩遊戲 , 仲有交換禮物環節 , 謝謝豆豆媽送比我嘅波點衫衫 , 同送比爸媽嘅朱古力 , 好開心又過咗一個愉快嘅晚上 , 聖誕節見啦 , 謝謝大家收看~!!