廣告

2014年2月26日 星期三

再度重遇你


2月23日星期日
 
今日約咗 Juicy family 去街街 , 因為佢哋住香港區嘅關係 , 好少過嚟九龍區 , 今次就帶佢哋去秘密花園玩吓 , 影吓相 , 未去秘密花園之前 , 我哋約咗响旺角等 , 跟住一齊去奧海城食 lunch , 食飽飽先玩餐飽~!!  
 
 
嚟到秘密花園 , 近門口嗰邊封咗大半草地維修 , 得番呢邊可以跑咋~!!

 



難得天氣咁好 , 等我周圍行吓先....................
 





 Juicy 急不及待要玩波波呢~!!
 
 
 
 
 毛小孩嘅快樂................就係咁簡單~!!
 
 
 
 
 Juicy 有波波玩就唔會理我
 
 
 
 
 好彩仲有豆媽錫我呢 , 卡卡~!!
 
 
 
 
就响呢個時候.................比我重遇 Happy 仔 , 唔知大家仲記唔記得 , 响一年前我第一次見 Happy 仔嘅時候................佢患咗癌症 , 做化療食鏢靶藥................令到 Happy 仔無哂啲毛毛 , 經過一年光景 , 佢終於打勝仗 , 依家佢已經完全康復哂 , 真係好開心又感動~!! ^0^
  
 
 
 Happy 仔 , 你要 Keep 住健健康康 , 做個 happy boy 呢~!!
 
 
 
 
 跟住我識到呢個女朋友仔 , 佢同我玩咗一陣就走 lu~!!
 
 
 
 
 哈哈.................好彩不停都有新朋友仔陪我玩~!!
 
 
 
 
 呢隻係比熊嚟架 , 唔好搞錯呢~!!
 
 
 
 
 熊出沒主意...............佢好鬼熱情 , 同佢玩相樸玩到一身汗~!!
 
 
 
 
 跟住又比我識到呢個新朋友仔 , 佢得一歲大 , 勁爛玩~!!
 
 
 
 
 你唔好咁咸濕啦.................我係男仔嚟架~!!
 
 
 
 
 玩咗咁耐..............我哋行咗去海邊影吓相~!!
 
 
 
 
 大膽到同媽媽擒出去堤壩影相~!!
 
 
 
 
 難得入到嚟堤壩 , 雖然好大風但係都要影番張沙龍相留念~!!
 
 
 
 
 行到尾影埋燈塔先走呢~!!
 
 
 
 
當然唔少得揾人影番張到此一遊大合照~!!
 
 
 
 
 因為吹到好凍嘅關係................等唔到影日落相 , 美中不足呢~!!
 
 

 
跟住我哋揸車去深井陳記食燒鵝 , 今次坐花園呢邊食物水中高好多 , 連隻燒鵝都新鮮好多 , 飲飽食醉已經七點半 , 係時候埋單各自返屋企 , 回到家仲要洗白白吹毛毛 , 差唔多九點我攰到去揾周公傾計呢 , 今日玩得又開心又盡興~!! 

2014年2月19日 星期三

QQ 兩歲生日爬地










2月16日星期日

响一個月前收到 QQ 妹妹嘅邀請 , 出席佢今日搞嘅二歲生日會 , 地點响銅鑼灣 , 好少出香港區嘅我 , 咁啱今日撞正渣馬嘅慈善賽跑 , 好多地方都封咗路 , 搞到我哋一家要行大運 , 好彩都準時到達呢~!!

                              
                                                        入到嚟會場 , 已經見到壽星女個名~!!




 跟住就比呢個咁靚嘅生日蛋糕吸引住 , 仲有咁靚嘅Cupcake , 唔知大家見唔見到我個名呢 ? 






                                                            壽星女 "QQ" 出場喇....................

    
                                                   


                                                             個個都話QQ似金雞sss  , 卡卡~!! 






                                                    趁未有客人嚟 , 做吓 model 比爸爸影~!! 





                                   今年係馬年 , 同吓隻飛馬影張合照 , 攞番個意頭先~!! 





                                         好高興識咗 Billy 兩兄妹 , 原來佢哋有睇開我個 blog ~!! 





                                                           Billy 仔好乖架 , 坐定定任影~!! 





                                                         仲有佢妹妹 , 係一隻 tea cup poodle ~!! 





                                             跟住識到呢個女朋友仔 , 佢原來係我個 Fans 嚟~!! 





                                                       佢肉騰騰 , 肥得好可愛 , 仲做埋媽媽添~!! 





                                                                   呢隻長毛芝娃娃好型仔~!! 





                                                             全場最惡就係佢 , 成日撩人打架~!! 





                                                                   好耐無見 "QQ" 媽媽 ~!! 





                                                                          仲有豆豆小姐呢~!! 





                                                         呢隻最似壽星女 , 不過佢大隻少少~!! 





                                  呢個小朋友好主動 , 成日走嚟撩我玩 , 係一隻 happy dog 嚟~!! 





                                                             我都要同蛋糕影張相留念~!! 





                                                    又點少得同 " QQ " Family 合照呢~!! 





                                                       兩家 " QQ " 都話要影張合照留念~!! 





                                                          點少得幫壽星女影張合照呢~!! 





                                  等咗咁耐 , 終於都切蛋糕喇~!!!!!!!! 生日快樂呀..............QQ 





                                                                     唱完生日歌 , 有蛋糕食~!! 





                                                            食飽飽當然要影返張大合照~!! 




我哋玩到四點半走人 , 今日食咗好多嘢 , Cupcake 要攞返屋企慢慢嘆 , 再一次謝謝 "QQ" Family嘅邀請 , 咕碌家玩得好開心呢 , 响度祝壽星女身體健康 , 每日都過得開開心心~!! 










2014年2月14日 星期五

中西合璧情人節


2月14日星期五

今日係十九年嚟第一個中西合璧嘅情人節 , 首先祝我一位識咗好耐嘅 Blog 友仔同佢情人百年好合 , 永結同心 , 揀咗今日咁特別嘅日子共諧連理 , 恭喜月ee 呢~!!!!!!!
對於我嚟講.............今日同平時無咩嘢特別 , 因為每逢初一十五媽媽都要食全齋 , 所以今日都唔例外 , 爸爸一早訂定位同媽媽食齋慶祝 , 响度祝大家情人節快樂 , 無情人嘅都可以同親人朋友慶祝一番 , 過一個 sweet 又溫馨嘅情人節~!!!!!!!

 
Happy Valentine's Day 

 
我呢份心意唔知大家收唔收到呢?

2014年2月10日 星期一

新年新形象+ 愛心餅餅


2月8日星期六

今日真係好好彩 , 行完公園.............先去日本姐姐度扮靚靚 , 扮完靚靚走嗰陣時先開始落雨 , 真係好幸運呢~!! 


                                                            呢個就係我個新 look 喇~!!!!!!!  




                                                今次留番長隻耳仔 , 仲偷薄咗好多呢~!! 





                                                            咀仔都比以前剪細咗好多~!! 





                                                            比個全身大家睇吓先~!! 





                                                              似唔似 bear bear 呢 ? 





                                     大家話今次呢個新碌好睇無 ? 我同媽媽就好滿意呢~!! 






講番年初五 , 媽媽仲放緊假 , 响屋企太得閒 , 決定獻出佢生平第一次整餅餅比我食 , 去片~!! 


材料 : 有機紅莓乾 , 無鹽芝士2粒 , 低筋麵粉 , 高筋麵粉 , 原味無糖純乳酪 ~!! 

先將紅莓乾用熱水浸一會 , 然後將粉徹底伴勻 , 再遂少加入乳酪 , 搓成不黏手的麵糰 , 然後加上芝士粒及紅莓碎搓勻 , 用保鮮紙包好麵糰 , 靜待半小時等發酵 , 跟住用餅模印出~!! 





                                                                  排放在焗盤上





預熱180度15分鐘 , 再以180度大約焗30分鐘完成 , 呢個就係" 紅莓芝士乳酪餅 " , 大家話賣相得唔得呢~!! 



健康得嚟仲好好味 , 我食到停唔到口 , 証明媽媽成功咗 , 好嘢...............以後我有口福喇 , 錫哂媽媽呢~!!