10月16日星期日
今日約咗 Qubi family 去蒲台島郊遊 , 八點幾响屋企開車出發 , 首先揸車去柴灣 , 放低咗架車就坐綠色小巴入赤柱 , 好彩大譚段無塞過車 , 順順利利入到赤柱 , 比原定時間早咗 , 以為同 Qubi family 可以慢慢嘆過早餐先 , 點知揀錯咗間餐廳 , 出食物好耐 , 等咗四個字都仲未有野食 , 要不停詢問..............半小時先有野食 , 搞到我哋食得好趕 , 好彩行到去碼頭仲有位上船呢~!!
一上船................影吓個地標先
生曬新鮮海帶
沿草叢開始行
今日實在太熱喇 , Qubi 同我都要不停補水
見到呢個路牌 , 繼續行上山
行到嚟海邊呢條橋 , 企定定影張相留念
放我落地下同媽媽影張合照又抱返起我呢 , 因為地下曬到好熱
好靚嘅藍天白雲
嚟到呢個位係最大風 , 所以啲石頭唔熱
Qubi 戴咗黑超影相 , 幾型仔~!!
點少得同 Qubi 影合照留念
有媽媽抱住影相係最開心~!!
同媽媽欣賞咁靚嘅風景 , 係一大樂事
行到嚟涼亭..................附近有個用海膽砌成嘅心心 , 一定要影相留念
Qubi 都話要影埋一份呢~!!
我哋就係由涼亭行上嚟架
原來都好高呢
到咗第一個景點 : 僧人石
有路牌介紹架
景點之二 : 靈龜上山
景點之三 : 126 燈塔
仲比我哋見到一隻白鶴
好寫意地望海
Qubi 同芒草影合照
我都係鐘意媽媽抱我影相相
呢度好正架 , 360度全海景 , 仲好好風添 ~!!
Qubi 都話好舒服
睇到我哋嘅笑容 , 就知我哋玩得好開心呢~!!
嚟到燈塔 , 點都要打吓咭
Qubi 都係咁諗
玩咗咁耐...................係時候回程 lu
太陽伯伯收咗工 , 我哋唔駛媽媽抱 , 可以自己行 , 落咗山..................我哋去咗一間士多食紫菜湯公仔麵醫肚 , 飲咗支呢度特有嘅米仔樹糖水 , 真係好好味 , 味道有啲似冬瓜去濕茶 ~!! 食飽飽啲大人再出發去海灘呢邊 , 買特式紫菜 , 海帶同米仔樹糖水拎走......................