廣告

2015年11月30日 星期一

新造型


11月25日星期三


今日爸媽攞咗假..............同我去日本姐姐度扮靚靚 , 今次媽媽要求剪短耳仔 , 咀仔要細啲 , 手腳依然係直筒 , 波波尾無得走 , 就係咁.............爸媽放低咗我比日本姐姐 , 然後走咗去嘆茶 , 兩個鐘左右我就扮完靚靚 , 等爸媽嚟接我呢~!!



登.....登.......登.........鄧............呢個就係我個新 look 嚟呢~!! 



又賣吓萌先.................




比個全身 look 大家睇吓呢~!! 




新 look 係咪好 bb 樣呢 ? 




同場加映 , 入秋以嚟最凍嘅一日 , 媽媽幫我著上新衫帶埋頸巾同我影沙龍相~!! 




係咪好有型呢 ? 




媽媽同我都好滿意呢幾張相




唔知大家又鐘唔鐘意呢 ? 



謝謝大家收看 , 記得有時間入去睇廣告 , 我代流浪狗狗謝謝大家呢~!! 








2015年11月27日 星期五

計劃有變


11月22日星期日


今日爸爸話去西九龍海濱長廊探吓路 , 自從早幾個月政府開放給狗狗行之後 , 媽媽一直都想帶我嚟行吓 , 可惜因為天氣太熱嘅關係 , 等到依家先至有機會去呢 , 點知............去到要排好長嘅車龍 , 問過職員起碼要等成個鐘至泊到車 , 要等咁耐.............唔啱我哋 , 唯有改去秘密花園玩~!!


其實我去邊度玩都無所謂 , 最緊要有爸媽陪住~!! 



嚟到.............當然要踩吓草地




比啲海風吹住真係爽爆~!!!!!!! 




睇到我個笑容就知我玩得好開心呢~!! 




又行吓另一邊先.................




呢個位睇海景最正




媽媽過嚟一齊睇吖~!! 




哈哈.................我今日同爸爸幾襯 ? 一齊做迷彩男




話咁快又玩咗個幾鐘頭




係時候返屋企 lu~!! 



咁就過咗一個愉快嘅家庭日~!! 












2015年11月18日 星期三

好有米氣的一天



11月15日星期日



今日咕碌家去咗上水河上村一個農場吸吸新鮮空氣之餘 , 仲有一個目的 , 就係去影稻米田 , 有追開我個 blog 嘅人都知 , 上年我哋都有嚟呢度玩 , 唔講咁多................去相~!!


泊好車 , 由呢條小路行入農場



沿途有開得燦爛嘅小花





仲有好寫意嘅貓咪看守田園




話咁快就行到嚟稻米田 , 今日仲好好風 , 吹到我頭髮亂了~!! 




哈哈...............我今日好有米 , 大家認唔認同 ? 




我仲學人玩懸浮相~!! 




成功咗喇.................!!!!!!!! 




當然唔少得同媽媽影合照留念




一大片稻米田 , 真係好有 feel 呢~!! 




我哋仲導賞到甲蟲 , 好可愛呢~!! 




我身後面係一個開滿花的池塘 , 又企定定影張相留念~!! 




呢隻係農場狗狗 , 佢好 nice , 又識得幫主人拎帽 , 抵讚~!! 




今年有兩幅稻米田早咗收割 , 另外又有兩幅剛剛先插央 , 所以少咗好多稻米田影~!! 





對我嚟講..................無所謂 , 行吓影吓相 , 有爸媽陪住 , 就心滿意足~!! 




周圍都好有田園氣色




綠草如茵 , 咁靚嘅構圖 , 又影張沙龍相留念~!! 




玩咗兩個幾鐘頭 , 係時候走喇....................



 臨走.................幫襯農場買咗一斤新鮮生菜  , 即買即摘  , 保証新鮮 , 茄子就賣哂 lu , 唯有下年  再買過呢~!!




行返出嚟攞車 , 經過呢間出名賣豆腐花嘅店鋪 , 入去試吓先~!! 




$8蚊一碗豆腐花 , 比$12蚊仲可以任食 , 真係抵抵抵 , 啲豆腐花真係超滑 , 好好味 , 除咗豆腐花 , 仲有豆漿 , 腐竹 , 好多醬料賣 , 有興趣嘅朋友 , 一定唔好錯過喇~!! 




食完豆腐花大滿足 , 今日嘅行程到此為止 , 揸車返屋企 lu , 謝謝大家收看~!! 







2015年11月17日 星期二

廣告合作


11月17日星期二


今日對咕碌家嚟講係一個好有意義嘅日子 , 話說早一個月前 , 有間廣告公司揾媽媽合作 , 想响我個 blog 度落廣告 , 仲好有誠意揾 courier send 咗份同意書比媽媽睇 , 講真由 Yahoo 寫 blog 到 Google , 無諗過會得到廣告商認同 , 心情難免開心又興奮 , 媽媽話 : 我已經好幸福 , 咩嘢都有 , 決定將所得嘅佣金全部捐去比流浪狗狗嘅機構 , 嚟得仲有意義呢 , 所以好希望大家入嚟睇我個 blog 之餘 , 有時間就 click 入去睇埋廣告 , 咁我哋先會有佣金分 , 因為每 click入一次計一次數 , 希望大家多多支持 , 咕碌家代所有流浪狗狗謝謝大家呢~!!






2015年11月12日 星期四

大東山之旅


11月8日星期日


昨晚見到爸媽不停响度執執執 , 好似今日有大 project 要搞咁..............., 原來約咗幾個朋友仔一齊行大東山 , 目的係為咗影芒草 , 大東山係香港第三大高山 , 要爬上869公尺高 , 真係小啲體能都唔得 ,  仲要超多梯級 , 好彩我唔駛行樓梯 , 全程由媽媽揹我上山同落山 , 約咗朱屎家同另外兩位朋友响東涌坐巴士去伯公坳 , 落咗車由鳯凰徑開始行上大東山 , 頭段............因為媽媽未試過揹7磅幾嘅我行山 , 所以初段非常吃力 , 差啲暈低 , 要坐低休息同搽白花油 , 抖順咗先再行 , 斷斷續續休息咗三次 , 媽媽決定唔揹我 , 由爸爸負責揹 , 輕鬆咗之後 , 媽媽就行得好舒服 , 仲習慣咗放慢腳步行山同呼吸 , 之後媽媽主動提議揹返我 , 因為見爸爸都好辛苦 , 好開心咕碌家到最後都戰勝咗大東山 , 真係一個好好嘅回憶呢~!!!!!!!!




大東山我哋嚟喇~!!!!!!!!



風景真係好美




第一次見咁多芒草




仲有無敵海景睇




睇吓我嗰日幾開心




當然唔少得同媽媽影合照留念




媽媽帶咗蕃薯同三文治充飢




太陽一出 , 即刻抓緊機會影金光閃閃嘅芒草




到咗爛頭營.....................坐定定影張沙龍相~!! 




環境真係超正




媽媽當日就係咁揹我上落山呢~!! 




Juicy family 




大東山嘅高度 , 真係同啲雲好接近




好開心遇見朋友仔




你唔好阻住我去廁所啦




唔發威當我無到




快啲行開 , 媽媽叫我呀................




企定定同芒草合照




點都要揾人影張全體大合照留念




又起程.................响東涌出發 lu 





如果唔揀行落東涌 , 又可以去梅窩呢~!! 




估唔到香港有個咁靚嘅地方




落山時仲見到赤立角機場跑道




謝謝爸媽唔怕辛苦都帶埋我嚟




我都好鐘意呢個地方呢~!! 




希望下年可以再嚟過 , 謝謝收看~!!