11月1日星期日
今日約咗兩位靚女陪我去行山 , 心情真係又興奮又緊張 , 由於兩位靚女好少行山 , 細心嘅我幫佢哋揀咗條易行嘅家樂徑熟習吓先 , 目的地係我好鐘意嘅 "鶴藪水塘" , 首先約咗佢哋响元朗等 , 蛋媽仲約埋我哋一家人响元朗一齊食個 lunch , 然後再回合 Horlick 家 , 一點鐘全部人集合哂 , 開車出發 lu ~!!
泊好車 , 由營地開始行去水塘 , 當然要影張合照留念呢~!!
話咁快就行到嚟水塘 , 打吓咭先..................
呢位就係 " 蛋蛋 " 妹妹 , 蛋媽响佢歲半嘅時候領養咗佢~!!
呢位就係 " Horlick " 妹妹 , 佢之前有癌症 , 啱啱先停咗唔駛再食類固醇 , 繼續加油呢~!!
蛋蛋同蛋媽合照
Horlick family
當然唔少得三位靚媽加埋我哋啲寶貝影合照留念~!!
行行吓遇見呢隻柴犬 , 佢又乖又靚仔
中途休息吓 , 順便影吓相相 , 蛋蛋眼細細真係好迷人
而我就眼大大好英偉
Horlick 妹妹就最愛笑
行到去大草地 , 一定要跑返夠本 , 順便比爸爸影吓沙龍相
呢度啲草真係好嫩綠 , 影沙龍相真一流 , Horlick 妹妹影先 , smile ~!!
蛋蛋著返條靚裙仔影相 , 成個 pink lady 咁
我就正正經經影~!!
同蛋蛋影張合照 , 我哋襯唔襯呢 ?
呢度仲有條橋比我哋影相
有講有笑..................話咁快就行返出嚟水塘 , 呢啲難度咁高嘅 pose , 得我影到咋~!!
我哋仲上埋長長嘅樓梯影水塘景 , 環境真係好優美 , 啲水仲滿滿呢~!!
响咁高影返落水壩 , 真係好震撼~!!
咁靚嘅環境又點少得同媽媽合照呢~!!
臨走影多張大合照就行返落山 lu
唔經唔覺我哋玩咗三個幾鐘 , 快樂嘅時光過得特別快 , 下次見~!!
巧開心豬啊, 而家天氣真係好正 ~
回覆刪除係呀，有美相伴特別開心呢。
刪除又真係喎, Horlick 好好笑容, 蛋蛋好女仔 ^^ 鶴藪廿幾年前去過, 以前喺粉嶺嗰邊上,唔記得條路係乜名, 一條斜路上, 一邊係去流水响, 一邊係去鶴藪, 嗰到有兩棵大松樹,啲松菓有手掌咁大, 而家仲放喺屋企,之後隔咗好多年再去, 唔同晒, 多咗好多茶園, 士多啤梨園, 都唔認得 lu ^^
回覆刪除我哋都係呢條路上，另一邊係流水响，咁啱嘅...........媽媽好多年前都係流水响執過松果，真係又大又完整，依家嗰2隻松果........每年聖誕節都會放出嚟廳呢。
刪除係呀.........我都知有個士多啤梨園，茶園就唔知呢。
"眼大大好英偉"呢張我鍾意，碌BB咁大膽呀，有幾張相都企得高高咁，我就怕怕囉。
回覆刪除ps：8月銅鑼灣餐廳約會影嘅相，我放左呢度：http://travelling-janejane.blogspot.hk/2015/08/bb.html
janejane 放心呢，媽媽叫得我影相相嘅地方都係安全嘅，所以我唔怕呢。
刪除好嘢........有相相睇呢，唔該曬janejane 呢。
大人細路都玩得好開心
回覆刪除真係高難度,得少少企位都咁淡定,比個叻叻你
hehee..........我最鐘意高難度嘅影相位，不過你放心，媽媽响下面扶住我架，縮手即影呢，卡卡。
刪除兩位靚女都咁可愛，咕碌仔嗰日一定行得好開心啦
回覆刪除我嗰日真係好有艷福，開心屎我呢。
刪除圓咕碌又cool 又handsome
回覆刪除Horlick 妹妹的笑容最迷人
蛋蛋妹妹的眼睛很有神，眼細細得來很柔和又帶點個性
這輯相靚到不得了
哈哈.........charmaine 真係好細心，講出哂我哋嘅優點，厲害厲害。
刪除謝謝你欣賞呢。
三個都係靚仔靚女喎。
回覆刪除ManMan 真抵錫呢。
刪除碌碌, 就最開心, 可以一路行, 一路同兩個靚女玩! (^皿^) (^皿^)
回覆刪除話比你知吖，好多朋友仔好羡慕我呢。
刪除眼大大英偉嘅你同蛋蛋冇咁襯，同我應該会襯啲。。。wakakaka
回覆刪除咁就一定啦，我都係鐘意靚姐姐多啲呢。
刪除有伴行山真開心:) 圓咕碌好醒神呀~~
回覆刪除原來同靚女行山係咁開心嘅，我叫媽媽同我揾多啲朋友陪我行山呢。
刪除我嗰日又真係幾英偉架，咔咔。
已被電暈……
回覆刪除哈哈.............估唔到有機會電暈狂小子呢~!!
刪除咕碌好多女仔朋友啊hehehee
回覆刪除開始涼少少大家都開始出動行山了 yeah ~
係呀，我女人緣好好呢，卡卡。
刪除再涼少少就好喇。