11月15日星期日
今日咕碌家去咗上水河上村一個農場吸吸新鮮空氣之餘 , 仲有一個目的 , 就係去影稻米田 , 有追開我個 blog 嘅人都知 , 上年我哋都有嚟呢度玩 , 唔講咁多................去相~!!
泊好車 , 由呢條小路行入農場
沿途有開得燦爛嘅小花
仲有好寫意嘅貓咪看守田園
話咁快就行到嚟稻米田 , 今日仲好好風 , 吹到我頭髮亂了~!!
哈哈...............我今日好有米 , 大家認唔認同 ?
我仲學人玩懸浮相~!!
成功咗喇.................!!!!!!!!
當然唔少得同媽媽影合照留念
一大片稻米田 , 真係好有 feel 呢~!!
我哋仲導賞到甲蟲 , 好可愛呢~!!
我身後面係一個開滿花的池塘 , 又企定定影張相留念~!!
呢隻係農場狗狗 , 佢好 nice , 又識得幫主人拎帽 , 抵讚~!!
今年有兩幅稻米田早咗收割 , 另外又有兩幅剛剛先插央 , 所以少咗好多稻米田影~!!
對我嚟講..................無所謂 , 行吓影吓相 , 有爸媽陪住 , 就心滿意足~!!
周圍都好有田園氣色
綠草如茵 , 咁靚嘅構圖 , 又影張沙龍相留念~!!
玩咗兩個幾鐘頭 , 係時候走喇....................
臨走.................幫襯農場買咗一斤新鮮生菜 , 即買即摘 , 保証新鮮 , 茄子就賣哂 lu , 唯有下年 再買過呢~!!
行返出嚟攞車 , 經過呢間出名賣豆腐花嘅店鋪 , 入去試吓先~!!
$8蚊一碗豆腐花 , 比$12蚊仲可以任食 , 真係抵抵抵 , 啲豆腐花真係超滑 , 好好味 , 除咗豆腐花 , 仲有豆漿 , 腐竹 , 好多醬料賣 , 有興趣嘅朋友 , 一定唔好錯過喇~!!
食完豆腐花大滿足 , 今日嘅行程到此為止 , 揸車返屋企 lu , 謝謝大家收看~!!
嘩, 懸浮相好勁 ^^
回覆刪除好耐無影，特登叫爸爸影呢，咔咔。
刪除每年去看一次米田都幾好,靜靜地多個好去處
回覆刪除係呀,你好有米呀)))))大把米))))))
其實當郊遊都唔錯，好寧靜好寫意，又可以比媽媽買新鮮菜，一舉兩得呢。
刪除哈哈.........得一日咁多呢。
Wow...never know HK also got this kind of farm le...Have you consider purchase that local rice on the spot?
回覆刪除靚姐姐 , 我哋真係心有靈犀 , 啱啱先去你度留言 , 見你咁耐無寫 blog , 擔心屎我呢 , 無事就好喇~!!!!!!!!
刪除我都有諗過 , 不過啲米仲要經過幾個程序先可以出售呢~!!
Sor Da Yo~ Thank you for your concern my dear !!(hug hug)
刪除唔駛客氣呢，朋友嫲。
刪除想食咕碌仔豆腐，哈哈
回覆刪除咁就要快啲返香港呢，咔咔。
刪除玩懸浮相！碌BB跳得咁高嘅！呢度好似好大風喎，行得舒舒服服囉。
回覆刪除嗰日真係好大風又天蔭蔭，我行得好爽呢。
刪除hehee..........開心咪跳得高呢。
Model 做得好，攝影師角度拿得好，非常配合，懸浮相滿分！
回覆刪除謝謝 charmaine 讚賞，好多人都鐘意睇我嘅懸浮相，我叫爸爸幫我影多啲呢。
刪除我仲以為你無耐前去過米田， 可能我記錯．
回覆刪除一年前係去過呢度影相，時間過得真係快呢。
刪除好可愛的村狗狗! (^0^) 基本上好多村狗都好友善咖! 只要我到哋唔騷擾佢哋就可以! (^0^)b
回覆刪除呢隻狗狗係農場養嘅，佢初時走過嚟問我哋攞嘢食，可惜無嘢比佢食，過一陣見佢咬住頂帽走嚟走去，咪同佢影張相留念呢。
刪除我都鍾意圓咕碌d懸浮相! 同埋隻村狗都好可愛呢....:)
回覆刪除謝謝Grey ee 喜歡啲相呢。
刪除農場狗真係好可愛。
好似打開個米海比咕碌行咁heheee
回覆刪除哈哈...........又幾似喎。
刪除