廣告

2013年7月31日 星期三

闊別多年@狗展


由Yahoo Blog 搬過嚟(累積瀏覽 601)

7月28日星期日

一年一度嘅狗展又嚟喇.................趁住今日係最後一日 , 媽媽話帶我去瘋狂shopping , 闊別多年...............心情好興奮呢~!!

等咗半個鐘排停車場 , 終於都入到場喇~!!!!!!!!!



台上宣傳緊導盲犬 , 我就坐响台邊支持~!!




呢個品牌係韓國出產 , Quality 非常好~!!




好似我坐緊呢張sofa , 要成$1,500 蚊 , 不過真係好舒服架~!!




場內人山人海 , 媽媽全程都要抱住我 , 辛苦哂媽媽呢~!!




我想買呢間屋仔"金屋藏嬌" , 不過媽媽話咁細................連我都差啲藏唔到呢~!!




行過SPCA ................見到呢隻咁得意嘅唐狗仔等人領養 , 希望佢快啲揾到個好歸宿~!!




行咗咁耐..............媽媽無意中發現呢個空中花園 , 比我出嚟抖抖氣 , 有得跑緊係開心啦~!!




呢度仲有間露天餐廳 , 不過今日無開~!!




玩咗一陣...............行番入會場嘆冷氣 , 遇見呢隻導盲犬~!!




我想同佢影合照 , 可惜佢主人唔比 , 唯有同呢兩隻公仔影~!!




响Pet Pet Shop 撞到以前幫我扮靚靚嘅姐姐 , 佢介紹呢個靚女比我識 , 叫"哈哈" , 想同佢影張合照 , 點知佢發惡咬我 , 嚇到媽媽即刻抱起我 , 檢查過好彩無受傷~!!




响場內不停試食 , 食到媽媽決定cut 夜晚餐糧 , 只比烚雞胸肉我 , 慘慘~!!




爸爸見有個攤位買骨灰箱 , 貪得意影低佢~!! 真係大吉利是~!!




行咗三個鐘頭 , 係時候走lu , 出番場外等爸爸去洗手間~!!




好耐無行過商場 , 超爽呢~!!




落到地下見到惡搞公仔 , 又影吓相留念~!!




買咗好多嘢..............爸爸放番上車度 , 我坐定定等爸爸返嚟~!!




我坐响呢度影相 , 有幾位姐姐行過.................仲以為我係公仔 , 嚇咗佢哋一跳呢~!!




爸爸叫我做呢位大叔嘅 fans , 睇吓我幾唔願意~!!




he.........hee..............坐响呢架馬車影相 , 好多人讚我又定又乖~!!




第一次同仙人掌影相~!!




點少得同媽媽影合照留念~!!




等咗咁耐都無得騎馬仔 , 失望呢~!!




睇吓我坐到幾三角型~!!




影埋呢張相已經六點鐘 , 係時候返屋企lu~!!




哈哈..............影吓我啲戰利品比大家睇吓啦 , 食得嘅有................我至愛嘅骨骨3包 , 仲有風乾鹿肉 , 雞肉 , 鴕鳥肉 , 全部都係台灣製造 , 全天然 , 食得安心又放心~!!  唔食得嘅只有呢個蛇餅型喇叭 , 唔好睇呢度咁少嘢................都買咗差唔多$800 蚊呢 , 爸爸話真係大出血~!!




一年一度無所謂啦 , 咁就過咗一個開心嘅星期日 , 多謝大家收睇~!!