中秋節前夕

9月26日星期六


每年媽媽都會同我影中秋節相 , 今年都唔例外 , 响度祝福所有 blog 友仔中秋節快樂 ~!!!!!!!!

珍惜同親人一齊過 , 已經是一份福氣~!! 

今年我有口福呢 , 媽媽買咗和牛同羊肉月餅比我食~!! 

有月餅食當然開心啦~!! 

南瓜羊肉月餅 , 健康得嚟又好味

等食中.................賣萌

仲唔快啲比我食 ? 我開始唔耐煩喇~!!!!!!! 

嘩................好好味呀)))))))) 

簡直停唔到口呢~!! 

响度祝願所有朋友平安 , 健康 , 快樂 , 有個難忘的中秋節~!!!!!!!! 

講返星期五晚( 9月25日 )  , 約咗哈比家一齊提早慶祝中秋節 , 因為夜晚關係 , 所以爸爸無帶相機 , 所有相都係用手機影 , 去相,,,,,,,,,,,,,,,,,,,,,,

當晚約咗哈比家响火炭等

左起: 細佬 "德德 " , 大哥 " 哈比 " , 仲有妹妹 " 卡卡 " 最尾嗰個就係我嚟呢~!! 

行到嚟沙田富豪酒店開餐 

今晚食泰國菜

蝦餅超好味

馬拉盞炒椰菜苗

酥炸筍殼魚

泰式香腸海鮮炒飯

返到屋企仲有甜品食 , 呵呵..................大滿足~!! 

玩到十一點半先返到屋企 , 同好友一齊慶祝中秋節真係超開心呢 !! 

派成績表喇~!!!!!!!

9月20日星期日


三年一次嘅 Body check 又嚟喇 , 今次媽媽 book 咗去睇古醫生 , 呢個醫生第一次睇 , 點解揀佢 ?因為佢係一個有醫德同愛小動物嘅醫生 , 加上佢不時响專頁度分享狗狗醫療資訊及心得 , 教曉媽媽好多嘢呢~!!

三點半去到診所 , 醫生做緊手術 , 所以延誤咗診証時間 , 於是媽媽帶我出診所附近行吓 , 就發生咗一件不負責任嘅事件 , 話說 : 有一對男女 , 拖住一隻小狗行過馬路 , 小狗忽然响馬路中心大便 , 完事之後...............個 pair 男女行咗去攞車 , 開咗車門個女主人攞咗紙巾出嚟 , 準備行去執返啲手尾 , 就响嗰刻...............有架車想泊佢哋個位 , 溜後一定車中啲便便 , 嗰 pair 男女無阻止架車溜後 , 唔知係咪想車中咗就唔駛執 , 可惜打唔响個如意算盤 , 架車差少少就中招 , 嗰女主人行返去架車想走( 以為車中咗 ) , 媽媽即時大聲叫佢執返啲便便先走 , 嗰女主好無奈地行返出馬路清理 , 跟住啤住媽媽 , 點解有啲咁唔負責人嘅狗主 , 將心比己 , 自己架車車中啲便便又點呢 ? 唔只車主會好嬲 , 搞到成條街都係屎印 , 臭氣燻天 , 咪搞到好多人都憎狗囉 , 希望所有狗主自律呢~!!


等咗半個鐘有多 , 終於見到古醫生 , 醫生讚我有腰又無肚腩 , 身形好 fit , 耳仔又乾淨 , 牙仔有少少牙石 , 醫生仲睇得出媽媽有幫我清牙石呢 , 跟住同我抽血 , 可惜只抽得少少 , 醫生話我隻手啲血管太幼 , 於是响我條頸剃咗一忽毛 , 方便抽血 , 真係話咁快就抽完半支血 , 响等報告嘅時候 , 媽媽問咗醫生好多問題 , 最想知點解有時我會胃痛 , 痛到抽住個胃 , 間唔中仲會嘔呢 , 醫生分析咗幾個原因 , 媽媽初時有啲擔心 , 報告出咗 , 所有指數都正常 , 仲好靚仔~!!  醫生嘅所有原因都即時唔成立 , 睇埋呢個醫生都揾唔到原因.............爸媽話盡咗力就算 lu ~!!

其實佢哋又駛咩嘢咁擔心我 , 我有份咁靚仔嘅報告 , 佢哋應該高興先啱~!! 

報告咁靚仔 , 一定要同我去公園行吓慶祝一番~!! 

六點鐘行真係幾舒服 , 睇吓我玩得幾開心~!! 

行咗半個鐘就返屋企 , 洗完手腳吹完毛 , 食埋糧我就要休息 , 爸媽返嫲嫲家做節食飯 , 咁就過咗一個愉快嘅週日~!! 

hea 行葵涌

9月13日星期日

呢排天氣開始無咁熱 , 下午出街行都會舒服啲 , 今日我哋四點鐘出到葵涌 , 响工廈林立嘅地方 hea 行 , 唔講咁多 , 去相~!!

我身後面係一座舊色嘅工廠大廈 , 由房署興建而成 , 全香港已經所剩無幾 , 一定要影返張相留念~!! 

假日呢條路變得好寧靜

估唔到呢度有個公園仔比我行

公園雖然細 , 但係好好風 , 吹到我頭髮亂了~!! 

球場一個人都無 , 我可以周圍走~!! 

行完公園................上呢條樓梯影吓相 , 睇吓我同媽媽幾合拍~!! 

行到一半 , 企定定比爸爸影相

爸爸又偷影我行樓梯喇~!!!!!!!! 

好彩影得我幾靚仔

上到一半 , 見到呢隻可愛嘅貓咪 

玩咗個幾鐘 , 係時候回家洗白白呢~!! 

大家睇到我呢個笑容 , 就知我玩得好開心呢~!! 

抗戰日@ 赤柱遊

9月3日星期四


今日係公眾假期 , 媽媽一早就安排好帶我去赤柱度玩 , 因為有 ee 同叔叔想見吓我 , 約好二點响赤柱大街等 , 唔講咁多...............去相~!!

嚟到美利樓 , 當然要影張相留念  ~!!!!!!!! 

又行吓美利樓地下通道

由於太多人嘅關係 , 媽媽提議行"赤柱馬坑公園 "

好靚嘅花花

仲有草蜢

終於行到上嚟觀景台

响度 hea 吓同 ee 影吓相

 

謝謝 Myth ee 主動想見我

仲有 Erilie 叔叔同 Cally ee 

當然要影返張大合照留念呢~!! 

睇吓我哋玩得幾開心~!! 

我條 poodle 圍巾靚唔靚呢? 係一位 ee 去歐洲送比我嘅手信(一塊布) , 於是媽媽揾人整咗呢條圍巾比我 , 係獨一無二架 , 我同媽媽就好鐘意勒~!!!!!!!!  

落山嗰陣時 , 見到呢隻螳螂

今日雖然天蔭蔭 , 但係都幾焗 , 去咗碼頭吹吓風

响呢邊望返過去酒吧區

啲大人頂唔住 , 要坐低 high tea 

揀咗食泰國菜 , 有柚子沙律同串燒

其實大家最想嘆返杯冰凍飲品就真

食飽飽又行吓海旁

我身後就係碼頭同美利樓

山長水遠嚟到赤柱 , 緊係同媽媽留多幾張倩影啦~!! 

行返出大街 , 見到呢隻 poodle 等緊佢個主人返嚟

呢隻等到攰坐咗响地下休息

估唔到近海灘有一排咁懷舊嘅屋/村

好有特式 , 一定要影相留念

行返出大街 , 又影吓咁懷舊嘅郵政局

跟住揸車出銅鑼灣食 dinner , 飲杯...............

 

好美味嘅魚蓉湯同包包

牛肉漢堡餐

媽媽同 Myth ee 都食魚配扁意粉

爸爸同另一位 ee 食鴨腿蛋配扁意粉

最後揾姐姐幫忙影返張全體大合照

今日真係玩得好盡興 , 攰到我一上車就揾周公傾計呢 , 話明係抗戰日 , 我今日好叻叻..................俘虜咗叔叔同兩位 ee 嘅心 , 佢哋錫到我出哂面 , 叫媽媽去買包包比我食 , 我嗲吓叔叔................叔叔忍唔住又餵包包比我食 , 笑屎爸媽呢 , 咁就過咗一個愉快嘅假期 lu ~!!!!!!!!!