6月20日星期六
今日係端午節 , 原本一早約咗豆媽朱屎家去游水 , 後來因為朱屎爸約咗朋友第二日又去游水 , 唔想一連游兩日 , 所以爸媽只好改地方呢 , 依家天氣咁熱 , 唔游水其實真係無咩嘢地方好去 , 除咗有冷氣涼嘅地方 , 媽媽今次揾咗一個新地方比我哋去玩 , 即刻去相~!!!!!!!!
呢間就係我哋今日嚟玩嘅 Dog Cafe
Cafe 嗰名
環境好大
又有好多靚景比我哋影
仲有玩具比我哋玩呢~!!
呢份係狗狗食嘅 lunch , 有南瓜批 , 藍莓蛋糕同角仔小食
大人就只有呢款全日早餐 , 爸爸媽媽話味道唔錯呢~!!
坐定定開餐喇~!!!!!!!!
豆豆小姐都好期待呢~!!
食飽飽比爸爸影吓相
跟住輪到豆豆小姐
傻豹先生隻腳長啲吖 ? 定係我對腳長啲呢 ?
哈哈................呢張影到豆豆小姐好瘦 ~!!
爸爸幫豆豆小姐影沙龍相
我就周圍行吓 ~!!
有電單車坐 , 扮吓華弟先....................
媽媽話載我出去兜吓風 , Let's go
跟住由我彈琴比大家聽 , 呢首係貝多芬交響樂
睇吓啲樓梯幾有特式
豆豆小姐扮夾公仔
玩到咁上下 , 終於有3個朋友仔嚟喇 , 佢哋好乖架 , 唔會周圍走 , 仲好驚我哋呢~!!
响入面玩咗咁耐 , 係時候出去外面打吓千揪
呢個千揪都幾好玩
行過隔離同豆豆影返張合照留念 , 我哋係咪好有夫妻相呢 ?
當然唔少得同豆媽影合照留念
朱屎豆豆家合照
臨走前..................叫老闆幫我哋影返張大合照留念
朱屎成日掛住玩波波 , 終於企定定影到一張相喇 , 真難得~!!
我玩埋呢架車車 , 媽媽話要走喇...............
食吓影吓 , 咁就玩咗幾個鐘頭 , 五點開車走 lu , 返到屋企洗手腳 , 食埋糧糧 , 我就攰到揾周公傾計 , 爸爸媽媽就揸車出香港區回合朱屎豆豆家食 dinner , 謝謝朱屎豆豆家請客 , 提早請爸爸食生日飯 , 你哋嘅心意 , 爸爸媽媽都收到哂 , 謝謝你們 , 仲請埋爸爸媽媽食甜品 , 太客氣呢 , 咁就渡過咗一個開心的端午節~!!!!!!!!
