廣告

2014年5月27日 星期二

黃昏遊大棠


5月25日星期日

夏天一到 , 我嘅節目就只有兩種 , 一係游水一係夜遊 , 今日唔駛沖涼 , 所以就去咗大棠玩呢~!! 


泊好車已經係黃昏六點半 , 近近地响燒烤場呢邊行一陣~!! 



嚟到緊係要 high 吓草




有得同大自然玩遊戲 , 我就好滿足呢~!! 




睇吓我跑得幾開心




跑到熱哂 , 要坐低休息吓




快啲影啦 , 就嚟天黑喇~!!!!!!!!! 




都係坐响涼亭舒服啲




玩咗半個鐘 , 要提早走喇.................




因為爸爸比蚊針到屎屎吓



為咗爸爸著想 , 唯有走呢 , 咁就渡過咗一個愉快嘅週日~!! 




2014年5月20日 星期二

夏天超短 look


5月18日星期日

夏天話咁快就到................係時候又要去揾日本姐姐扮靚靚 , 每次去扮靚之前..............媽媽都會比我去公園行一陣 , 行完先揾姐姐呢~!! 


今次好快手 , 二個鐘就剪完 , 唔知大家覺得好無睇呢 ?



hehe.............比個全身大家睇吓啦~!! 




側面 show 吓我啲長長嘅眼睫毛




柔情似水加楚楚可憐 , 暈未 ? 




未暈整多張大眼碌過你哋




壓軸送上呢張好 BB 嘅萌爆相比大家呢



希望大家鐘意我呢個夏天碌 , 謝謝大家收看~!! 




2014年5月13日 星期二

世上只有媽媽好


5月11日星期日

好耐無見大家.............有無掛住我呢 ? 上個禮拜因為天氣唔好..............所以無帶相機出街 , 爸媽趁停咗雨帶咗我落樓下公園行吓 , 就係咁.............偷懶咗一個禮拜無寫 blog 呢~!! 

今日係一年一度嘅母親節 , 藉著呢個日子 , 我當然要一盡孝道 , 好好錫錫媽媽 , 雖然天文台掛咗黃雨警告 , 但係都無損我同爸爸為媽媽安排好哂嘅節目 , 聰明嘅爸爸一早睇咗天文台個 apps , 知道屯門無落雨 , 咁我哋就同媽媽去屯門食個 lunch , 然後................去咗屯門某個公園度行吓~!! 



第一次嚟呢個公園..............當然要坐定定影番張相留念 ~!! 




呢啲天氣出街真係好舒服






睇吓我幾鬼馬?






媽媽見到我呢個笑容 , 就即刻冧哂呢~!! 






知道媽媽鐘意望海 , 就冒險同媽媽嚟咗呢度~!! 






呢度風景真係唔錯 , 仲好好風






望完海揾張櫈坐吓先






媽媽快啲過嚟呢度坐吖






睇吓我同媽媽幾 sweet 






真係謝謝天公造美 , 可以比到個咁 sweet 嘅母親節比我同媽媽呢~!! 





祝大家母親節快樂~!!!!!!!!! 




2014年5月5日 星期一

今日做咗件好事


4月27日星期日

依家天氣開始熱 , 媽媽同我出街一定帶備冰水 , 噴壺同風扇仔 , 已備不時之需 , 地點仲要揀啲有樹蔭嘅地方嚟行, 就好似今日咁............我哋揀咗大棠其中一段路仔嚟 hea 行~!! 


上到大棠 , 泊好車................我哋响附近嘅草地仔玩一陣 , 玩到熱就坐响呢個涼亭休息一陣~!! 



响呢度識到新女朋友仔 




係咪好靚女呢~!! 




呢個靚女叫" 福福 " , 佢bb 時有狗防咳 , 好彩救得返 , 所以改名叫 " 福福 " , 得歲半大咋 , 媽媽同福媽傾計期間 , " 福福 " 突然嘔白泡 , 心臟跳得好快 , 似中暑 , 媽媽即刻比支冰水福爸 , 叫佢比 " 福福 " 飲水 , 仲借埋個噴壺比福媽幫" 福福 " 噴濕全身 , 經一輪搶救後 , " 福福 " 心臟變回正常跳動 , 條脷又無咁熱 , 睇到呢張相就知 " 福福 " 無事呢 , 經過今次事件 , 福媽話以後都要學媽媽咁.............帶備呢三寶出街呢~!! 



好開心今次做咗件好事 , 出發 hea 行




呢段路全程樹蔭 , 好好行




我最鐘意周圍聞




呢度仲好好風 , 吹到頭髮都亂了




企定定比爸爸影吓沙龍相




騎吓豬仔




咁就 hea 住行咗半個鐘




係時候回程呢




影埋呢張相返停車場攞車~!! 



我唔介意今次行得一個鐘頭左右 , 對我嚟講...............有得出街就已經好開心呢~!! 




2014年5月1日 星期四

復活節第二激@ 青衣自然敎育徑


4月20日星期日

尋日响屋企休息咗一日 , 今日我又出動喇 , 仲約咗一班好耐無見嘅朋友仔一齊去行山 , 地點係青衣自然教育徑 , 十點半開始浩浩蕩蕩行上山~!! 



由於今日天氣比較焗 , 所以我哋去到呢個涼亭 , 大人同小朋友都要飲吓水休息一陣~!! 




呢兩個咪係我個學生Mui Mui 同 BeBe 






全場最嬌小嘅靚女 " 麥皮 "






仲有佢哥哥 " 奶茶 " 






仲有肥嘟嘟嘅 " 蕃薯 " 






佢細佬 " 可樂 " 






到咗目的地.................等媽媽比零食我補充體力






趁 Mui Mui 同 Be Be 有啲攰 , 叫媽媽影吓佢哋先................



 

he...........hee..............都係 BeBe 對鏡頭比較敏銳





大家知唔知我望緊咩嘢 ?






咪就係望緊兩個學生影相囉 , keke  , 仲做埋閃石人添~!! 






企定定做媽媽嘅御用 model 






咁耐無見...............點少得同 BeBe 學生影番張合照留念~!! 






今次仲約埋 " 奶茶 "同 " 麥皮 " 兩兄妹出嚟玩



 



BeBe 今日心情好靚 , 成日笑笑口





睇吓..............只要有我呢個教練响度 , 佢就好開心呢~!! 






上次比" 可樂 " 咬咗啖 , 好彩今次出嚟佢又無對我點喎 






今次見 " Mui Mui " 佢 fit 咗好多~!! 






我都好安慰呢






壓軸出塲嘅靚女係 " MoMo " , 佢太難影 , 所以得呢張相清~!! 






點少得同兩個學生影張合照留念






" 蕃薯 " 今日全程走嚟走去 , 運動量最高 , 唔知係咪想減肥呢~?






" 奶茶 " 成日追住我 , 追到我忍唔住鬧鬼佢






臨走影番張 8小福相留念






影完相同爸爸行孖咇落山






行行吓都係決定等埋媽媽一齊行 , 係咪好乖呢 ?




跟住我哋仲去咗深井食 lunch , 食飽飽先各自返屋企 , 咁就過咗一個愉快嘅復活節假期~!!