廣告

2016年3月31日 星期四

第一次行菠蘿山



3月20日星期日


好耐無見大家喇 , 放咗個復活節長假期 , 開心完..............又係時候的起心肝寫 blog  , 有幾篇 blog 要寫 , 睇嚟要加把勁 , 依家出咗一篇先 , 大家唔好心急呢 , 咔咔~!!


今日天蔭蔭 , 爸爸話帶我同媽媽行一個新地方 , 叫媽媽著行山鞋 , 今次挑戰有難度嘅行山 , 心情難免有點興奮 , 去相..............



泊好車..............由呢度開始行上山



沿途睇吓特別嘅植物




睇吓我行得幾開心




行到一半同媽媽影張合照留念




上到山見到呢棵樹好翠綠




呢度真係好大風呢




坐低食啲嘢補充吓體力 , 然後再行過




起行喇................




見到一大片蘆葦草咁靚 , 同媽媽影返張合照留念先~!! 




呢度真係好大風 , 媽媽怕我冷親 , 即刻同我著返件衫 , 吹到耳仔都飛起 , 好搞笑




我哋又無帶雨具 , 唔想好似上次咁(鶴藪水塘)..................淋到濕哂 , 媽媽怕我冷親 , 所以即刻抱住我跑落山 , 爸爸除咗件風褸比我 , 由頭到腳包實我 , 爸媽寧願淋濕自己都要保護我 , 我真係好感動 , 雨真係越落越大 , 好彩我哋明智決定走 , 所以好快就落咗山 , 結果爸媽由頭到腳濕哂 , 而我就好乾爽 , 所以我無冷親呢 , 可惜我哋未行到去目的地 , 爸爸話嗰度好靚架 , 唯有下次揾日再行過 , 再挑戰過 , 返到屋企媽媽幫我洗完手腳 , 佢同爸爸輪住去洗頭沖涼 , 今日真係好難忘 , 我同媽媽都好鐘意呢個地方 , 下次見~!! 











2016年3月22日 星期二

香港花卉展覽2016



3月17日星期四


一年一度花展又嚟喇 , 每年媽媽都會揀第一日去影花花 , 可惜今年天公不造美 , 唯有等唔落雨先去影 , 唔講咁多..............去相~!!



今年媽媽同好友一齊去影花花 , 開心 ing 



媽媽至愛嘅鬱金香花




意外收獲就係呢隻蝴蝶 , 因為手持相機係好難影到咁近而唔飛走呢~!! 




嗰日天氣都係天蔭蔭 , 無太陽之下啲相都算唔錯




小黃菊




鼠尾草




今年都影到蜜蜂 , 真幸運呢~!! 




小菊花




捕咗半個鐘嘅近傑作




金魚草




小白菊




媽媽唔只影昆蟲 , 仲影日本娃娃




又影吓透光美




好可愛的小花




特別的花花




未開哂嘅鬱金香花海




蝴蝶花




最後送上呢張相比大家 , 希望大家睇得開心~!! 




媽媽今年都有少少滿意嘅作品 , 唔知大家又鐘意邊張呢 ~? 









2016年3月16日 星期三

我今日去咗做 spa




3月9日星期三


今日爸媽攞咗假帶我去日本姐姐度扮靚靚 , 由於上次姐姐剪得我太短 , 今次媽媽揾咗張相比姐姐照住剪 , 媽媽話呢排啲天氣又濕又落雨 , 所以係時候要做個 spa 潤潤佢 , 唔講咁多喇 , 去相...............!!


今次做呢個 100% 天然碳酸温泉 , 係有助毛髪柔 , 順  , 滑 , 同治療頭皮問題 , 對於肌膚有抗菌 , 彈力 , 抗老化 , 增強肌膚細胞抵抗力 , 針對濕疹 , 紅腫 , 搔癢等具醫療功效 , 仲有筋肉酸痛 , 關節痛 , 幫助血液循環等 , 其實人都可以做呢~!! 

呢張相係日本姐姐幫我影 , 睇吓我幾嘆~!!



登登登.............鄧....................浸完係咪靚仔咗好多呢 ? 




比個近鏡大家睇吓 , 朝偉眼神又嚟喇 ~!!!!!!!!! 




今次剪得好好 , 媽媽同我都好滿意




天氣凍 , 我又做 model 比媽媽影




係咪好型仔呢 ? 




哈哈..................萌唔萌 ? 




整多張側頭 look 比大家睇吓



希望大家都鐘意我呢個 new look 呢 ? 






2016年3月13日 星期日

天台BBQ之夜


3月5日星期六



今日好開心 Apelles ee 邀請我哋去佢屋企 BBQ , 因為要等爸爸收工返嚟屋企接我同媽媽 , 媽媽見有時間 , 於是提早少少帶我落街行吓 , 唔講咁多..............去相~!!



以下所有相都用手機影 , 希望大家見諒~!! 

行行吓見到咁靚嘅炮仗花 , 企定定影張相留念先~!! 



行咗一個鐘頭爸爸嚟到接我同媽媽 , 然後去西鐵站接埋細 e , 驅車直入大圍 , 泊好車 , 媽媽抱我行樓梯上六樓 , 再上天台..............見到 Apelles ee 已經响度生梗火 , BBQ 之夜正式開始~!! 


首先燒啲易熟嘅食物 , 有芝士蕃茄 , 芝士大磨菇 , 仲有丸 , 腸等等



跟住再燒羊架同燒賣 , 羊架我有少少食呢~!! 




發達喇.................咁大個仔第一次食龍蝦 , 當然要影張相留念~!! 




睇吓我個笑容 , 就知我玩得好開心呢~!! 




我仲有三文魚 , 少少和牛同蕃薯食 , 大滿足~!! 



大家有傾有講 , 燒到零晨十二點先走 , 好開心的一個晚上 , 我同爸媽好耐未試過玩到咁夜呢 , 雖然攰..............但真係好開心 , 謝謝 Apelles ee 嘅邀請 , 下次見~!!









2016年3月3日 星期四

愉景灣一日遊



2月28日星期日



今日我就威喇...............約咗四個女朋友仔一齊行愉景灣 , 當然有家長陪同出席呢 , 唔講咁多..............去相~!!



首先入到嚟愉景灣 , 嘆返個 lunch 先



食飽飽去影心心鎖




咁多心心 , 同媽媽影返張合照留念




呢個係 Birthday 妹妹





呢個係"蛋蛋 " 妹妹




左起: Horlick , Birthday , 蛋蛋同我影合照留念




行到嚟海旁 , 呢度環境又靜又舒服




話咁快就行到嚟呢座學校 , 同媽媽影返張合照留念




點少得嚟張大合照呢~!! 




學校對出有片大草地 , 可以比我哋自由活動




仲欠呢個女朋友仔未介紹出場 , 佢就係 QQ 妹妹




蛋蛋跑到衫都除埋




我都係鐘意企响度吹吹風




Horlick 妹妹都玩得好開心呢~!! 




比 QQ 媽捉咗我影合照留念




最開心係同媽媽互動




五個靚媽有傾有講 , 不知幾開心呢~!! 




嚟到噴水池 , 我又有艷遇喇 , 呢個小妹妹不知幾冧我~!! 




同小妹妹傾完計 , 企定定比爸爸影吓相




Birthday 比啲風吹到幾飄逸




蛋蛋同我影合照留念




Horlick 妹妹一定要身體健康 , 努力打敗啲癌細胞 , 咕碌家支持你~!! 




QQ family 




蛋蛋家




Birthday family 




Horlick family 




全 Poodle 影合照留念




今日好好風 , 响公園玩咗好耐




係時候同媽媽坐哥爾夫球車出沙灘喇




嚟到沙灘...............同媽媽坐低聽吓海浪聲 , 不知幾 relax 




行返出嚟碼頭 , 又影吓相相




影埋呢張 sweet 相就去坐車車出欣澳




落到嚟欣澳.................吹吓海風 , 睇吓日落




真係好寫意呢~!! 




同幾個女朋友仔影埋呢張合照就各自回家




去攞車途中見到咁靚嘅花花 , 影返張相留念~!! 



今日真係玩得好盡興 , 攰到一上車我就去揾周公 , 快樂嘅時光過得特別快 , 下次見~!!