3月20日星期日
好耐無見大家喇 , 放咗個復活節長假期 , 開心完..............又係時候的起心肝寫 blog , 有幾篇 blog 要寫 , 睇嚟要加把勁 , 依家出咗一篇先 , 大家唔好心急呢 , 咔咔~!!
今日天蔭蔭 , 爸爸話帶我同媽媽行一個新地方 , 叫媽媽著行山鞋 , 今次挑戰有難度嘅行山 , 心情難免有點興奮 , 去相..............
泊好車..............由呢度開始行上山
沿途睇吓特別嘅植物
睇吓我行得幾開心
行到一半同媽媽影張合照留念
上到山見到呢棵樹好翠綠
呢度真係好大風呢
坐低食啲嘢補充吓體力 , 然後再行過
起行喇................
見到一大片蘆葦草咁靚 , 同媽媽影返張合照留念先~!!
呢度真係好大風 , 媽媽怕我冷親 , 即刻同我著返件衫 , 吹到耳仔都飛起 , 好搞笑
我哋又無帶雨具 , 唔想好似上次咁(鶴藪水塘)..................淋到濕哂 , 媽媽怕我冷親 , 所以即刻抱住我跑落山 , 爸爸除咗件風褸比我 , 由頭到腳包實我 , 爸媽寧願淋濕自己都要保護我 , 我真係好感動 , 雨真係越落越大 , 好彩我哋明智決定走 , 所以好快就落咗山 , 結果爸媽由頭到腳濕哂 , 而我就好乾爽 , 所以我無冷親呢 , 可惜我哋未行到去目的地 , 爸爸話嗰度好靚架 , 唯有下次揾日再行過 , 再挑戰過 , 返到屋企媽媽幫我洗完手腳 , 佢同爸爸輪住去洗頭沖涼 , 今日真係好難忘 , 我同媽媽都好鐘意呢個地方 , 下次見~!!
咁大風既. d 相好靚!
回覆刪除嗰日真係超大風呢，謝謝小月讚美。
刪除落雨......噢~~~
回覆刪除下次再去過啦~~咁大風吹到你好可愛呢~~
係啦，好掃興呢。
刪除聽到殷師奶咁讚我，飄飄然呢。
上次我行菠蘿山行到我CC吓! 你哋回程嗰處, 只係行咗五分一咋! 條路好斜好辛苦咖! 行到一半仲有條得兩尺闊的懸崖路, 好鬼危險咖! 如果你哋下次再去, 一定要小心啲呀!
回覆刪除B姐姐，我上次約你行山，你又話唔行得，依家又同我講..........行過菠蘿山？即係唔想見我呢，傷心ing
刪除我哋就係想去懸崖路嗰邊，可惜落雨，唯有下次再挑戰過。
我就係比朋友叫到行呢條路, 先知自己唔行得山咋! 因為條路太斜我行到CC吓! 仲有條懸崖路, 我畏高咖, 一路行, 一路震, 嚇到流馬屎呢! 好失禮呀!
刪除哈哈........原來係咁，怪錯咗B姐姐呢，sorry ~!!
刪除下次如果你行一啲低難度的地方, 就可以預我啦! (^皿^)(^皿^)
刪除好呀，因為好耐無見呢。😉
刪除落雨，好掃興呢
回覆刪除無辦法，天有不測風雲。
刪除行山落雨絕對係最掃興！
回覆刪除認同，唯有下次再行過。
刪除歌仔都有得唱喇，風雨同路見真心，圓咕碌爸媽真係好錫你架。
回覆刪除我知道，所以我都好愛佢哋呢。
刪除Daddy Mummy all along protect you....soooooo touching!
回覆刪除Reach home also let you dry up first le. Lucky they're so strong otherwise easy to get flu ...
靚姐姐都同意我所講.........父母真係好偉大呢~!!
刪除因為我年紀開始大 , 佢哋仲年青.........所以捱得住 , 我病就好大件事呢 , 咔咔~!!
菠蘿山我都未去過呢！但... 我想食菠蘿包多 d :P
回覆刪除Wakakaaa..........呢個山有難度，你都係食菠蘿包啱你多啲呢。
刪除最尾張相好得意!
回覆刪除吹到耳仔都飛起，係得意嘅。😁
刪除