3月5日星期六
今日好開心 Apelles ee 邀請我哋去佢屋企 BBQ , 因為要等爸爸收工返嚟屋企接我同媽媽 , 媽媽見有時間 , 於是提早少少帶我落街行吓 , 唔講咁多..............去相~!!
以下所有相都用手機影 , 希望大家見諒~!!
行行吓見到咁靚嘅炮仗花 , 企定定影張相留念先~!!
行咗一個鐘頭爸爸嚟到接我同媽媽 , 然後去西鐵站接埋細 e , 驅車直入大圍 , 泊好車 , 媽媽抱我行樓梯上六樓 , 再上天台..............見到 Apelles ee 已經响度生梗火 , BBQ 之夜正式開始~!!
首先燒啲易熟嘅食物 , 有芝士蕃茄 , 芝士大磨菇 , 仲有丸 , 腸等等
跟住再燒羊架同燒賣 , 羊架我有少少食呢~!!
發達喇.................咁大個仔第一次食龍蝦 , 當然要影張相留念~!!
睇吓我個笑容 , 就知我玩得好開心呢~!!
我仲有三文魚 , 少少和牛同蕃薯食 , 大滿足~!!
大家有傾有講 , 燒到零晨十二點先走 , 好開心的一個晚上 , 我同爸媽好耐未試過玩到咁夜呢 , 雖然攰..............但真係好開心 , 謝謝 Apelles ee 嘅邀請 , 下次見~!!
好開心呀~~用咩影都無所謂啦~~
回覆刪除食物好豐富，引死人！
哈哈.........真係好豐富架，食到無停口呢，不過玩完真係好攰，車完細e返屋企先到我哋，仲要洗手腳先可以瞓，搞到好夜呢。
刪除住嘅地方可以BBQ真好, 咁就可以成日同朋友一齊玩! (^0^)b
回覆刪除BBQ 碌碌就有好多嘢可以食! 真好!
嗰天台好開陽，真係好舒服，一路燒一路望星星，好正呢。
刪除係呀，ee只明要我嚟，所以好多食物無醃料，係預埋比我食呢。
你都有好多野食喎
回覆刪除有天台好玩好多~~
我嗰日食唔停，大滿足呢。
刪除真係好正架，我又可以周圍走，又預咗好多嘢比我食，超開心呢。
咕碌仔最開心係除咗有得玩，仲要有得食
回覆刪除哈哈.........當然，民以食為天吖嫲。
刪除嘩，有咁多嘢食，圓咕碌你一定開心啦。
回覆刪除開心呀，龍蝦第一次食咋，好好味呢。
刪除而家個天氣露天 BBQ 真係好過癮嘎！
回覆刪除我都好耐無 BBQ 喇，呢度熱屎人！
我哋嗰日都幾凍吓，一班人一齊BBQ又真係幾開心架。
刪除你同圓咕碌一定玩得好開心 (你倆笑容咁燦爛)
回覆刪除咕碌: CiCi 姐姐 , 綠色衫嗰個唔係我媽媽嚟架 , 佢係邀請我哋去佢屋企BBQ 嘅姐姐嚟架 , 不過我哋倆個真係玩得好開心呢~!!
刪除Look so yummy! I also keep on BBQ when stay in HK (winter time) after stay in Singapore...long time no touch lu...(too hot here)
回覆刪除星球太熱真係無心情BBQ ，唯有秋冬返嚟香港再燒過呢，嗰晚啲食物真係好好味。
刪除