廣告

2012年10月30日 星期二

預祝大家萬聖節快樂~!!!!!!!!!!


由Yahoo Blog 搬過嚟(累積瀏覽 440 )

10月30日星期二

一年一度萬聖節又嚟喇..................., 每年呢個節日 , 我都會出嚟扮鬼扮馬 , 今年都唔例外 , 我個型像顧問(媽媽) 今年幫我訂咗件新衫 , 又買咗份萬聖節禮物送比我 , 我好開心呢~!!


呢份就係我今年嘅萬聖節禮物 , 入面唔知裝咗啲咩嘢嘅呢??




我出場喇..............大家估唔估到我呢身打扮係咩嘢呢??





比個貼士大家................係一個卡通人物~!!





比佢側面你哋睇.................我有把刀架~!!





媽媽話呢個側面最似呢~!!





禮物盒入面原來有蝙蝠餅餅 , 仲有風乾雞條 , 仲有星星玩具 , 有得玩又有得食 , 正呀~!!!!!!!!!!





開估喇...............就係家喻戶曉嘅Peter Pan 就係我~!!





時至今日 , 不管世事如何 , 小飛俠(Peter Pan ) 都保留一顆未泯的童心 , 我明白點解媽媽要我扮小飛俠 , 响媽媽心目中 , 我就係永遠長不大嘅小飛俠 , 哈哈.............又真係幾似我喎~!!  anyway...............响度預祝大家有個 Happy Halloween~!!!!!!!!






 

                                              

今年重陽節打破慣例


由Yahoo Blog 搬過嚟(累積瀏覽 495)

10月23日星期二

今日係一年一度嘅重陽節 , 原本每年呢一日 , 爸爸媽媽都要去拜山 , 誓估唔到.................今年佢哋唔駛去拜山 , 事原因為有個親戚走咗...............所以今年無得拜~!!  就係咁..............無端端捉咗我去扮靚靚 ~!!

立咗秋都仲係咁熱 , 媽媽叫日本姐姐同我剪短啲~!!




短耳 look 依然無變 , 個身都係剪3mm , 夠哂清爽~!!





大家話...............我呢個new look 靚唔靚呢~??





招牌動作...............側側頭嚟喇~!!





今次最快剪完..................用咗二個鐘咋~!!





媽媽同我都好滿意呢個新 look , 剪埋呢次應該唔駛剪咁短lu~!!  今次條絲帶..............爸爸話好襯我 , 仲話我似一隻公仔呢~!!

2012年10月24日 星期三

八鄉新蒲點



由Yahoo Blog 搬過嚟(累積瀏覽 725)

10月21日星期日

今日媽媽話帶我去一個新地方食 lunch , 地點响八鄉 , 呢度開業唔夠三個月 , 仲好歡迎狗狗添 , 媽媽話一定要帶埋我去試吓呢~!!

一點鐘嚟到...............天氣都幾熱 , 入嚟涼吓冷氣先~!!




呢度假日開十二點鐘 , 平日開四點鐘架 , 嚟到都係得一枱食客 , 好似包咗場咁...............法包同湯都好好味~!!





西冷牛扒配薯菜 , 牛扒無醃制過只灑了少少海鹽响面煎熟 , 爸爸話尚可接受~!!





三文魚扒配薯菜 , 原本媽媽想配意粉或飯 , 不過老板話無 , 只得薯菜 , 味道算唔錯 , 最開心就係我..............以為陪食 , 點知有椰菜花同蕃仔食~!!





食飽飽走咗嚟呢度識吓女仔~!!





佢叫鴛鴦 , 得8個月大 , 非常活潑 , 無時停 , 要用零食先引到佢坐定定影相~!!





傾咗一陣佢哋一家四口要走lu , 得番我哋呢家名正言順包場嚟玩~!!





睇吓我幾滿意呢個地方~!!





側面有條長長嘅樓梯通往二樓~!!  呢度環境好優雅~!!





美中不足係無冷氣 , 所以比較焗同熱 , 影完呢張相即閃~!!





落番嚟地下同鹿仔影張合照跟住可以出戶外行一陣呢~!!





出到嚟有片自由嘅草地~!!





比我同陽光玩遊戲~!!





我身後面係泳池 , $250 蚊包哂成個池 , 可以約埋一班朋友仔(5~10個)一齊嚟游吓水 , 計落都好平宜呢~!!





呢度係BBQ 場 , 地方都幾大 , 另一邊仲有得打邊爐添~!!





新地方點都要同媽媽影吓合照留念~!!





呢個小朋友嚟游水 , 游完不停跟住我 , 大家都係男仔 , 我對你無興趣喎~!!





呢隻叫麥皮 , 佢對我好專一架 , 行到邊跟到邊~!!





嗰樣仲好可愛 , 可惜係男仔嚟呢~!!





比你聞吓................我都係男仔嚟架 , 聞完好走喇~!!





點知返入室內 , 媽媽抱咗我上櫈.................佢都想擒上嚟~!!





你咁細粒...............都係上唔到嚟架喇 , 哈哈...............放棄啦~!!





佢個主人終於都嚟抱走佢 , 咁我先可以同爸爸媽媽嘆住冷氣聽老板播嘅懷舊歌~!!




後記: 媽媽同過兩個老板傾計 , 聽佢哋講之前係做製衣嘅 , 退休之後開咗呢度 , 其中一個老板隻7歲金毛啱啱離開咗三日 , 喊到隻眼腫哂 , 仲比另一個老板取笑 , 媽媽當然明白嗰個老板嘅心情 , 所以唔打擾嗰個老板 , 只同另一個老板傾計 , 未做過飲食業呢行 , 有朋友教過佢哋沖奶茶 , 點知學極都唔識 , 仲飲到肚疴呢~!! 所以呢度只有罐裝同膠樽裝飲品 , 其次食物方面 , 唔多款揀 , 要求唔好過高就o.k. 呢~!! 老板仲打算遲啲租埋隔離嘅地方 , 有成千呎...............做埋室內 , 咁雨季就唔怕無人嚟幫襯 , 傾完計...............發覺兩個老板都好平易近人 , 又喜歡狗狗 , 仲會提點帶大狗入嚟嘅主人 , 記得拖繩 , 因為之前有隻雪橇咬傷咗隻臘腸狗 , 好彩今次嚟..............遇著嘅全是小狗~!!  順帶一提大家................記得做好主人嘅責任 , 清理番啲便便 , 咁就大人同小朋友都玩得好開心呢~!!


特別鳴謝: 珍妮毛毛BLOG 介紹呢個好地方 , 大家又多一個地方同狗狗去玩喇~!!