初嘗木牛湖

由Yahoo Blog 搬過嚟(累積瀏覽 499 )

10月19日星期五

今日有貴賓嚟我哋屋企 , 媽媽為咗呢個貴賓仲提早咗少少收工 , 之前一晚佢同爸爸仲買咗六隻大閘蟹返嚟 , 養咗响雪櫃嘅生果格 , 老板仲教佢哋要用條濕毛巾蓋响啲蟹上面 , 仲要記得打開個膠袋嚟放 , 咁啲蟹就唔會咁易死呢~!!

食大閘蟹又點少得花鵰酒呢~!!




每隻蟹都足4兩半 , 蒸二十分鐘就搞掂 , 睇吓啲膏蒸到爆哂出嚟喇~!!





好香喎..............唔知我有無得食呢??   好彩媽媽蒸定南瓜比我咋~!!





未食蟹同爸爸個妹 , 即是我細姑姐飲番杯先...............乾杯~!!





嘩.............好多膏呀))))))))))





木牛湖同陽澄湖比較 , 木牛湖啲膏真係又多又清甜 , 蟹肉味道比較清 , 無陽澄湖咁濃味~!!




不過爸爸媽媽鐘意食木牛湖多啲 , 因為木牛湖水質夠清 , 啲蟹响湖入面係食微生物同虾 , 純天然食料 , 所以個肺白雪雪 , 有相為証架~!!  爸爸媽媽食完雄蟹(公) , 下個月決定食雌蟹(母) , 我食完南瓜................媽媽分咗一隻蟹腳比我食呢 , 真係好好味呀~!!!!!!!!!  我都愛上食大閘蟹呢~!!