濕地之魅力

由Yahoo Blog 搬過嚟(累積瀏覽 420 )

9月6日星期六

自從發生南丫島撞船事件之後 , 媽媽每次睇親新聞都會忍唔住喊咗出嚟 , 佢真係又眼淺又感性 , 搞到我都唔知點安慰佢好 , 於是我提議放佢一日假................星期六唔駛陪我 , 不如去濕地公園影吓相散吓心 , 吸收多啲正能量返嚟 , 嗰人就會開心番哂~!!  就係咁.............媽媽聽我話走咗去濕地影相~!!

今次濕地主題係彈塗魚~!!




入到場館見到咁可愛嘅卡通 , 媽媽話開心指數即時上升~!!





媽媽沿呢條路開始行................





見到一個細少嘅瀑布~!!





仲有"金山鯽魚"..................在水中自由自在地暢游~!!





呢種花聽一位長者講好罕有~!!





媽媽比較喜歡靚靚嘅"假連翹"~!!





紅色蜻蜓叫"曉褐蜻"~!!





無打算會影到雀仔 , 就比媽媽近距離影到呢隻"紅耳鵯"~!!

天氣咁熱................4隻"紅耳鵯"响度玩水解熱 , 可惜媽媽無帶支長鏡近距離影呢~!!





玩到成身濕哂...............出嚟曬吓太陽 , 真係好識嘆~!!

呢朶係王蓮 , 不過未開花~!!  





捕咗咁耐雀仔 , 係時候去呢邊行吓~!!





呢度叫做"演替之路"





呢隻雀仔叫"斑文鳥"响稻田度生活, 一聽到人聲就會飛出嚟八掛~!!





嚟呢度緊係影吓荷花~!!





不過品種唔算太多~!!

沿住木橋行.................就會見到呢間觀鳥屋~!!





沿途仲有好多蜻蜓影 , 呢隻係"黃翅蜻"~!!





呢隻係"曉褐蜻"





呢隻係"狹腹灰蜻"

呢隻叫"豆娘" 全名係"褐斑異痣蟌蜻"

蝴蝶園係媽媽一定會去嘅地方 , 有毒嘅"金斑蝶"~!!





"幻紫斑蝶"~!!





幻紫斑蝶採花蜜~!!





見有幾個龍友對住棵樹不停影 , 媽媽好奇心驅使下走去睇吓~??





原來係影呢隻雀仔食嘢嘅情況 , 唔知呢隻係咩嘢雀呢~??





跟住又影吓花花~!!





呢隻花花好特別...............長方型 , 顏色又靚~!!





呢種白色小花啲葉都好特別架~!!





沿"演替之路"行番出嚟................好大條錦鯉魚游上水面~!!





今日唔見有彈塗魚....................因為水漲 , 只見到可愛嘅"招潮蟹"~!!





之前一直誤會咗呢啲係蜻蜓卵子 , 經導賞員解釋之下 , 原來咁靚嘅係"福壽螺"卵子嚟~!!





今日最大收鑊就係呢隻脫咗殼嘅蜻蜓稚蟲 , 佢哋會脫好多次殼先演變成一隻蜻蜓~!!





堅果類的一種花 , 外型非常特別~!!





影咗三個幾鐘頭................結尾嚟張好寫意嘅"鸕鷀鳥"休息嘅情景~!!

行吓影吓................媽媽不經不覺就消磨咗三個幾鐘頭 , 正能量返哂嚟之如................仲身心舒泰 , 人都開心番哂呢~!!  希望大家睇完啲相都好似媽媽咁...............心靈得到安慰 , 大自然嘅魅力真係唔可以睇少呢~!!  有時間大家不訪去親親大自然~!!