廣告

2013年12月30日 星期一

聖誕長洲遊



12月25日星期三

今日話明係普天同慶嘅大日子 , 爸爸媽媽一早 plan 咗同我去長洲玩 , 我哋十點幾到達碼頭 , 原本打算坐十一點鐘快船 , 點知快船要入袋 , 帶口罩都唔准上船 , 唯有响碼頭等到十一點半搭慢船入長洲 , 等船期間..............撞到我個 fans "哈哈"同佢個兄弟 , 我哋仲一齊坐船入長洲呢~!!


                                      坐咗差唔多一個鐘頭船程 , 終於到達長洲碼頭 ~!!



落船第一時間參觀呢間擁有三級歷史嘅戲院 , 1931年落成 , 30年代播默片, 荒廢咗20年咁耐 , 村長打算活化呢間戲院 , 遲啲可以嚟呢度睇戲呢~!!




 影完戲院..............走咗嚟呢度排隊食最出名嘅魚蛋~!!





有好多選擇..............蝦丸同腐皮魚蛋一定要食 , 真係好好味~!!





 媽媽手上嗰串就係最出名嘅大大粒魚蛋 , 好彈牙又好有魚味 , 必食之選~!!


 

 今日係聖誕節 , 一定要影番張聖誕相應吓節~!!





 呢間餐廳好有歐陸風情 , 同媽媽影張合照留念~!!





呢間店鋪好有特式 , 媽媽話呢啲拉門細過响鄉下見過呢~!!


 

 呢間茶舍好古色古香~!!




免費幫賣藝做生招牌


 

 行到嚟呢間店...............大家估唔估到食咩嘢呢?


 

 就係媽媽手上嘅手卷壽司...............材料好特別................用腸仔做材料真係第一次見咋~!!


 

 仲有熱賣嘅"紅豆餅" , 五蚊雞咁平 , 一定唔可以錯過呢~!!


 

 行到嚟鄉公所 , 影番張相留念先~!!


 

 食飽飽沿海灘出發


 

 天氣唔凍...............睇吓有好多人响海灘玩水呢~!!


 

 我都要企响呢隻船扮出海 , 卡卡~!!


 

 途經珊姐滑浪嘅地方


 

 開始上山就見到呢間觀音廟 , 媽媽話入院前求觀音娘娘保祐手術順順利利 , 咁啱呢度有間觀音廟...............順便入去還埋神~!!

 

 廟內有好心人用蘋果餵雀仔 , 爸爸趁呢個機會近距離影雀仔呢~!!


 

 今次我哋嘅行程係行小長城 , 出發喇~!!!!!!!!!


 

 行過小長城..............我就係真正嘅男子漢~!!


 

 話咁快就行到嚟觀景亭


 

 由呢度望出去................係一望無際嘅大海 , 亦係長洲最高嘅地方~!!


 

 睇吓幾多人嚟行山


 

 上到山最出名就係睇呢舊"花瓶石"


 

  仲有呢舊"叮噹石"


 

 睇完呢兩舊石..............我哋繼續揾其他嘅石頭~!!


 

 當然唔少得呢舊"人頭石"呢~!!


 

 幾年無嚟過小長城 , 我同媽媽行得好開心~!!


 

 呢舊唔記得咗個名 , 請大家見諒~!!


 

 相中間好多紋理嗰舊石頭就係烏龜石


 

 行到盡頭就會見到呢舊石頭


 

 呢度好大風..............要著返件衫影呢片大海~!!


 

 呢度一望無際 , 風景好美~!!


 

 下面係懸崖峭壁 , 少啲膽量都唔可以企响呢度影相呢~!!


 

影完相要行返落山 lu  


 

 唔打唔撞比我見到長洲醫院


 

 係時候食吓嘢補充體力


 

 估唔到呢間店嘅豆腐花咁正 , 超滑 , 推介比大家 , 一定要食呢~!!


 

 爸爸排咗好耐隊先買到呢串薯片 , 得個好睇唔好食 , 失望~!!


 

 玩到日落西山 , 坐五點半船返香港~!!


 

 第一次買平安包 , 有幾款味道選擇 , 攞個意頭.............希望一家人平平安安~!!


 
攞埋車已經七點鐘 , 由早玩到晚 , 我攰到上車即刻揾周公 , 返到屋企媽媽仲要幫我洗白白吹毛毛 , 開埋dinner 比我食 , 九點幾佢哋先有時間落街食晚飯 , 呢個聖誕過得好充實又難忘~!!

















2013年12月23日 星期一

hohoho................祝大家聖誕節快樂~!!







12月21日星期六
 
又到咗一年一度嘅聖誕節 , 今年依然由媽媽親自為我操刀拍攝  , 响度預祝大家有個開心又甜蜜又溫馨又浪漫嘅聖誕節~!!!!!!!!!
 
                             
我呢一身聖誕老人打扮 , 唔知大家又喜唔喜歡呢 ?

 
 



好開心收到遠方嘅 blog 友寄來這張立體聖誕咭 , 你嘅祝福咕碌家收到哂 , 謝謝靚姐姐~!!
 
  

































今年好開心收到好多 ee 送嘅聖誕禮物 , 過咗 Boxing day 再話比大家知~!!





呢個咁靚嘅木馬音樂盒係爸爸送比媽媽嘅聖誕禮物 , 媽媽急不及待要佢出埋鏡呢~!!  
 
 
 

 
咁開心嘅節日又點少得聖誕花做點綴 , 加埋個松果 , 好有聖誕 feel 呀~!!!!!!!!!!
 
 
 

 
呢個品種好少見 , 桃紅色又靚又迷利 , 媽媽對佢一見鐘情~!!
 
 
 

 
哈哈..................媽媽有心機到幫佢換個靚盤再影~!!
 
 
 

 
唔知大家聖誕節會點過呢 ?
 
 
 

 
 我當然同爸媽一齊過 , 我哋仲計劃去離島玩添~!!
 
 
 

 
最後由我送上一連串嘅祝福 , 希望大家身體健康 , 玩得開開心心 , 今年嘅燈飾咁靚 , 一定唔可以錯過呢~!!

 


Happy Merry Christmas ~!!!!!!!!!! ^0^