廣告

2013年12月30日 星期一

聖誕長洲遊



12月25日星期三

今日話明係普天同慶嘅大日子 , 爸爸媽媽一早 plan 咗同我去長洲玩 , 我哋十點幾到達碼頭 , 原本打算坐十一點鐘快船 , 點知快船要入袋 , 帶口罩都唔准上船 , 唯有响碼頭等到十一點半搭慢船入長洲 , 等船期間..............撞到我個 fans "哈哈"同佢個兄弟 , 我哋仲一齊坐船入長洲呢~!!


                                      坐咗差唔多一個鐘頭船程 , 終於到達長洲碼頭 ~!!



落船第一時間參觀呢間擁有三級歷史嘅戲院 , 1931年落成 , 30年代播默片, 荒廢咗20年咁耐 , 村長打算活化呢間戲院 , 遲啲可以嚟呢度睇戲呢~!!




 影完戲院..............走咗嚟呢度排隊食最出名嘅魚蛋~!!





有好多選擇..............蝦丸同腐皮魚蛋一定要食 , 真係好好味~!!





 媽媽手上嗰串就係最出名嘅大大粒魚蛋 , 好彈牙又好有魚味 , 必食之選~!!


 

 今日係聖誕節 , 一定要影番張聖誕相應吓節~!!





 呢間餐廳好有歐陸風情 , 同媽媽影張合照留念~!!





呢間店鋪好有特式 , 媽媽話呢啲拉門細過响鄉下見過呢~!!


 

 呢間茶舍好古色古香~!!




免費幫賣藝做生招牌


 

 行到嚟呢間店...............大家估唔估到食咩嘢呢?


 

 就係媽媽手上嘅手卷壽司...............材料好特別................用腸仔做材料真係第一次見咋~!!


 

 仲有熱賣嘅"紅豆餅" , 五蚊雞咁平 , 一定唔可以錯過呢~!!


 

 行到嚟鄉公所 , 影番張相留念先~!!


 

 食飽飽沿海灘出發


 

 天氣唔凍...............睇吓有好多人响海灘玩水呢~!!


 

 我都要企响呢隻船扮出海 , 卡卡~!!


 

 途經珊姐滑浪嘅地方


 

 開始上山就見到呢間觀音廟 , 媽媽話入院前求觀音娘娘保祐手術順順利利 , 咁啱呢度有間觀音廟...............順便入去還埋神~!!

 

 廟內有好心人用蘋果餵雀仔 , 爸爸趁呢個機會近距離影雀仔呢~!!


 

 今次我哋嘅行程係行小長城 , 出發喇~!!!!!!!!!


 

 行過小長城..............我就係真正嘅男子漢~!!


 

 話咁快就行到嚟觀景亭


 

 由呢度望出去................係一望無際嘅大海 , 亦係長洲最高嘅地方~!!


 

 睇吓幾多人嚟行山


 

 上到山最出名就係睇呢舊"花瓶石"


 

  仲有呢舊"叮噹石"


 

 睇完呢兩舊石..............我哋繼續揾其他嘅石頭~!!


 

 當然唔少得呢舊"人頭石"呢~!!


 

 幾年無嚟過小長城 , 我同媽媽行得好開心~!!


 

 呢舊唔記得咗個名 , 請大家見諒~!!


 

 相中間好多紋理嗰舊石頭就係烏龜石


 

 行到盡頭就會見到呢舊石頭


 

 呢度好大風..............要著返件衫影呢片大海~!!


 

 呢度一望無際 , 風景好美~!!


 

 下面係懸崖峭壁 , 少啲膽量都唔可以企响呢度影相呢~!!


 

影完相要行返落山 lu  


 

 唔打唔撞比我見到長洲醫院


 

 係時候食吓嘢補充體力


 

 估唔到呢間店嘅豆腐花咁正 , 超滑 , 推介比大家 , 一定要食呢~!!


 

 爸爸排咗好耐隊先買到呢串薯片 , 得個好睇唔好食 , 失望~!!


 

 玩到日落西山 , 坐五點半船返香港~!!


 

 第一次買平安包 , 有幾款味道選擇 , 攞個意頭.............希望一家人平平安安~!!


 
攞埋車已經七點鐘 , 由早玩到晚 , 我攰到上車即刻揾周公 , 返到屋企媽媽仲要幫我洗白白吹毛毛 , 開埋dinner 比我食 , 九點幾佢哋先有時間落街食晚飯 , 呢個聖誕過得好充實又難忘~!!

















46 則留言:

  1. Wow..... the fish ball taste very delicious!!!

    Oh.... I want to go with you guys, what a good trip!

    回覆刪除
    回覆
    1. 有機會茶茶都要去試吓..............啲魚蛋真係好好味呢~!!
      我都想同茶茶一齊去玩 , 一定好難忘呢~!!

      刪除
  2. 回覆
    1. 哈哈............除咗做 Model , 我仲周圍食食食呢~!!

      刪除
  3. 薯片相, 碌碌個樣好可愛, 好似問, 係米我都有份咖..^-^

    回覆刪除
  4. 多謝圓咕碌做導遊帶我地暢遊長洲。

    回覆刪除
    回覆
    1. 唔駛客氣...............我非常樂意咁做呢~!!

      刪除
  5. 上次大熱天時行上個亭.....累到屎呀!!
    圓咕碌有得去街街特叮醒神,今次唔打呔一樣咁靚仔

    回覆刪除
    回覆
    1. 我都記得呀...............服咗你咁熱都肯行呢~!! >.<
      哈哈.............話明行山又點會打呔呢 , 殷師奶唔好玩我啦~!!

      刪除
  6. 圓咕碌唔止係好漢,仲要係好Model啦!!
    祝咕碌家 happy new year!!

    回覆刪除
    回覆
    1. Jim Jim 太過獎了~!!
      我都祝Jim Jim famiy " Happy New Year "

      刪除
  7. 我都好耐無入長洲啦! 次次去都會幫襯日本人夫婦, 買紅豆餅同手卷, 我覺得好好味呢!

    回覆刪除
    回覆
    1. B 姐唔講.............都唔知係日本人開呢~!! 諗起紅豆餅都流口水~!!
      B 姐有時間入去行吓 , 順便探吓對日本夫婦呢~!!

      刪除
  8. 碌碌BB有媽媽抱住零舍又乖又靚仔!你有冇食豆腐花呢?

    回覆刪除
    回覆
    1. 就係食過覺得好味先介紹比大家呢。
      Happy New Year to Jane Jane~!!!!!!!! ^0^

      刪除
    2. 抱抱碌碌BB!新年快樂!

      刪除
    3. 祝jane jane 新嘅一年工作順利,心想事成,身體健康。

      刪除
    4. 新年快樂!^_^ ﹏。﹒‧° * **☆

      刪除
  9. o華~ 你地行程好豐富呀!
    丸丸行唔到咁耐
    我地通常要分2次先行得晒
    過多2個月仲可以入去影櫻花添!
    HAPPY 2014 !!!

    回覆刪除
    回覆
    1. 我成日同爸媽行山,所以呢度無難度。
      爸爸都話遲啲入嚟影櫻花呢,到時可能撞到丸丸。
      Happy New Year to 丸丸家。

      刪除
  10. 紅豆餅真係超正, 想起又流口水了 ^^.... 你知道的石頭名字都多過我了, 我只知它們叫.... 石頭, kaka (唔好意思, 搞事左少少).... 2014年開始了, 祝你們新年快樂, 一切如意 ~

    回覆刪除
    回覆
    1. 月ee, 紅豆餅真係一試難忘,諗起都想食呢。
      我對地理都好有興趣,所以咪會留意啲石頭名呢。
      最後祝月ee Happy New Year~!!!!!!! ^0^

      刪除
  11. 圓咕碌好叻呀,知道D石名!!!!!

    回覆刪除
    回覆
    1. 因為我喜愛大自然,咪會留意啲石頭名囉,卡卡。
      Happy New Year to 豆丁家~!!!!!!!^0^

      刪除
  12. 去佐長洲甘多次竟然無留意到個度*曾經*有間電影院!失敗~
    Happy New Year! Wishing you & your family a wonderful year ahead!
    See ya next year :D

    回覆刪除
    回覆
    1. 哈哈.......始終我呢個地膽比較熟香港多一啲呢。
      Happy New Year to Joicechuo~!!!!!!!!^0^

      刪除
  13. Oh missing this place soooo much...a lot of memories there...thank you be our tour guide baby! ^^ Looking forward the cinema go to renew leh!

    回覆刪除
    回覆
    1. 原來長洲對靚姐姐嚟講有咁多難忘回憶,咁我呢個導遊好樂意帶靚姐姐重拾一番呢。
      間戲院要幾年時間先可以活化成功,到時我一定通知靚姐姐呢。

      刪除
  14. P.S. Happy New Year for your lovely family my baby ❥❥❥

    回覆刪除
    回覆
    1. 我都祝靚姐姐同哥哥踏入2014年工作順利,恩恩愛愛,最緊要身體健康呢。

      刪除
  15. Happy New Year to 圓咕碌一家!
    碌碌你真係一位好好的導遊, 介紹咗長洲咁多好地方同特式小食.

    回覆刪除
    回覆
    1. 我都祝 Mo 仔家新年快樂 , 身體健康~!!!!!!!!!
      哈哈............我都係遇工作於娛樂呢~!!

      刪除
  16. 下次去長洲, 可以跟'圓咕碌路線圖'去行, 好方便呢! Happy New Year to 圓咕碌一家, ^_^

    回覆刪除
    回覆
    1. 都係 Grey ee 聰明 , 咁會行少好多冤枉路 , 哈哈..............!!
      响度祝 ee 新嘅一年有新開始 , 除咗工作順利 , 最緊要身體健康呢~!!!!!!!! ^0^

      刪除
    2. 祝圓家<14>一世幸福快樂。

      刪除
    3. 謝謝................大家咁話呢~!! ^0^

      刪除
  17. 圓咕碌,聖誕有得去長洲玩好開心呢﹗happy new year!!

    回覆刪除
    回覆
    1. 有得食又有得行山 , 嗰日真係玩得好開心呢~!!
      新年快樂呀)))))))))

      刪除
  18. 紅豆餅兒時最愛,果時的八佰伴:P
    看完妳輯相我想去長洲 :P

    回覆刪除
    回覆
    1. 哈哈.............原來紅豆餅有咁耐歷史 , 森里一定要揾日去回味一吓呢~!!

      刪除
  19. 之前都想帶毛姐去小長城行下, 睇完你的介紹, 更架想入去啊 ^^ 可惜好怕好多人 =.="

    回覆刪除
    回覆
    1. 行小長城唔算多人 , 啲人入嚟長洲食嘅居多 , 行山反而唔多人呢~!! ^0^

      刪除