12月10日星期二
爸爸知道星期日會落雨 , 怕我無街去唔開心 , 所以同媽媽一齊放假同我去大棠影紅葉相 , 加上揀平日去會少啲人 , 影得舒服啲呢~!!
泊好車我哋上咗燒烤場影呢期最紅同埋只得一棵嘅"楓香"樹~!!
媽媽比我响燒烤場玩咗一陣 , 跟住我哋開始尋找"楓香"嘅足跡喇 , 政府新建嘅"楓香林"指示牌~!!
同媽媽影番張合照留念先~!!
連蝴蝶都忍唔住响楓葉叢中編編起舞~!!
行到咁上下..............又比我見到楓葉喇~!!!!!!!!
坐定定做吓model 比爸爸影~!!
哈哈.............睇見咁靚嘅楓葉 , 心情都特別高漲~!!
點少得嚟張大頭相呢~!!
只要大家細心去揾 , 就會同爸爸一樣..............揾到稀有嘅五掌楓葉~!!!!!!!!
唔講大家一定唔知...............呢張相可以影得咁靚................都係多得媽媽比個背脊我企咋 , 卡卡~!!
大棠多數都係呢啲"三裂掌狀嘅楓葉"
呢張相嗰構圖好淒美~!!
做 model 有時都要向高難度挑戰 , 唔好睇我咁鎮定 , 查實我企到好高呢~!!
深淺唔同顏色嘅楓葉各有美態 , 呢張相我都好鐘意~!!
玩咗兩個幾鐘頭 , 最後送上呢張作品 , 作為2013年紅葉篇畫上一個完滿嘅句號~!!
上面呢塊紅葉仲比媽媽私有化咗 , 查實仲有好多楓樹未變色 , 估計聖誕節前去就會全部變哂色呢 , 有興趣嘅朋友仔一定唔好錯過呢個咁難得嘅機會 , 最後謝謝大家收看~!!
影得好靚呀,圓咕碌係Top model ♡^_^♡
回覆刪除he.......hee.........謝謝讚賞。
刪除超鍾意大頭相, 碌碌好BB 好可愛
回覆刪除咁快行山,媽媽傷口會痛嘛, 未夠一個月都要小心喔~~
哈哈........ee 超有眼光，呢張相係媽媽影架。
刪除我哋行吓影吓休息吓，媽媽都應付自如，ee 唔駛擔心呢。
圓咕碌帶咗頸巾好斯文靚仔，好有氣質呢
回覆刪除冬天要襯番條靚靚頸巾影相相 ，都係多得我嗰影像顧問媽媽呢。
刪除好耐冇探你喇圓咕碌,我好想去大棠呀! 好靚靚呀!
回覆刪除失蹤咗咁耐，你幾好嗎？
刪除有時間一定要去行吓呢。
喜歡最後個張，秋意濃濃^^我上次星期日去，真係超多人，你地個感覺悠閒好多呢~~
回覆刪除平日去真係舒服好多呢。我記得有年揀咗星期日去，人山人海到好似去咗旺角，卡卡。
刪除d 作品好正, 你爸爸媽媽d 技術都唔錯 p^^q
回覆刪除好開心响月 ee 口中攞到讚，一定要話比爸媽知呢。
刪除碌碌好彩你無辜負媽媽咁辛苦比個背脊你, 張相夠chok! 大頭相就最可愛!
回覆刪除其實之前好多相都要企响媽媽個背脊上面影，不過無話比你哋知，今次公開呢個秘密，係想比大家知道.........咕碌家影嘅相一啲都唔媽夫，制作好認真架，卡卡。
刪除原來你成日要企媽咪背脊, 咁你有無踏矮咗媽咪 o架! 哈哈! {{ (^口^) }}
刪除緊係無啦...............我咁 fit , 企咗上去都唔範覺得重架 , 卡卡~!!
刪除平日去一定舒服好多了, 假期去人多影唔到之餘怕毛小孩比人踩添 >_<
回覆刪除圓咕碌呢個MODEL 好稱職啊, 上背,上樹都得 ^0^
有年試過星期日去影紅葉，多人到好似去咗旺角咁，每個景點又要排一陣隊先影到，經此一役，唔會再揀假日去呢。
刪除我呢個 top model 唔係浪得虛名架，哈哈..........!!
睇下媽媽幾錫圓咕碌，為左影得圓咕碌靚d，踩住背脊都冇所謂。
回覆刪除媽媽心甘情願咁做架，佢咁做都係想比啲靚相大家睇，希望大家睇得開心呢。
刪除d相超靚呀, 同埋composition又正, 一d都唔比外國遜色呢! 圓咕碌好靚仔呀, 帶條頸巾好有冬日feel, 媽媽真係好有眼光, 知道mud嘢最襯仔仔, 替ee問候媽媽, 祝早日康復...^_^
回覆刪除太誇獎了 , 只要用心影我相信你都可以 , 最緊要 ee 睇得開心呢~!!
刪除我呢個形象顧問真係無得頂架 , 成日都好評如潮 , 所以我一直都起用佢呢~!! XDDD
謝謝 ee 咁有心 , 媽媽有八, 九成好番喇 , 我相信過埋呢個月佢就完全康復呢~!!
有媽媽抱住你，零舍可愛嘅！兩個都影得好靚呀！尾二張相好鍾意呀！
回覆刪除每次同媽媽影合照，我都好樂意架，呢張相我同媽媽都好鐘意呢。
刪除謝謝 jane jane 對呢輯相咁滿意。
碌碌BB，我又來啦！^_^
刪除冬至快樂！碌碌BB！
刪除好多謝 jane jane 成日入嚟探我呀 , 我都祝你冬至快樂呀~!!!!!!!!! ^0^
刪除圓咕碌,你條冷球頸巾好靚，多謝報料，終於等到好天氣，今個星期要出動去影紅葉啦﹗
回覆刪除唔駛客氣 , 希望之前落雨無影響到啲紅葉 , 影得開心啲呢~!!
刪除爸爸媽媽好錫你啊！！！！！！（其實我怕狗狗的，但是，圓咕碌，你真的好可愛啊！＊v＊）
回覆刪除哈..............原來你怕狗嘅 , 真係唔講唔知呢 , 希望我可以用時間溶化你接受我 , 卡卡~!!
刪除圓咕碌你好,
回覆刪除SeeWide特搜網是一個全新互動生活分享平台，集齊各地遊山玩水好去處及講玩講食，讓大家分享不同生活體驗
你的網誌十分切合我們網站的主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建構一個講玩講生活的平台，並分享給一眾志同道合的網友
希望你能成為我們平台的一份子，助我們更有效地集結不同好玩好食之處！
另外，我們設有「稿費」制度，文章獲得本地瀏覽量，即可兌換稿費！
迎新推廣，每100本地瀏覽量，可獲高達HK$1稿費；我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
謝謝你哋第二次邀請 , 經了解後.................我好樂意加入成為一份子 , 至於稿費方面 , 入本人戶口 , 我會用嚟捐給狗狗慈善機構~!!
刪除蝴蝶+楓葉真係好少見 ^^
回覆刪除咕碌仔好PRO, 在加媽的 support :D
真係咁好彩影到咋~!! >.<
刪除我呢個 model 好專業架 , 卡卡~!! ^0^
圓咕碌真係個好 pro 嘅 model，咩角度影都無難度！
回覆刪除d 紅葉好靚吖，原來香港我仲有好多好多地方未去過...
預祝圓咕碌一家 Merry Christmas & Happy New Year!
下次嚟香港...............我好樂意帶你四圍去玩 , 有我呢個親善大使 , 包你玩得好開心呢~!!
刪除我都係一樣，之前係香港生活咗廿幾年，都係好多地方未去過，依家移民咗廿年，以前去過的地方都唔同晒，返o黎都要再去睇
刪除咁........如果你有機返嚟香港，我一定介紹啲好去處比你呢。
刪除唔駛客氣呢。
刪除真係可以带我去四圍玩吖？！好開心吖 *拍手拍手*
刪除甘我多謝你哋先 <3
Happy Holidays!
唔駛咁客氣，朋友嫲，不過要早啲通知媽媽攞假呢。
刪除小朋友好乖. Look so professional to take pictures.
回覆刪除Wish you have a happy holiday!
謝謝茶茶探訪 , 仲讚我乖 , 開心呢~!!
刪除圓咕碌好上鏡好靚仔呀
回覆刪除好彩你地閒日去
住大棠的朋友話個個周末都迫爆去睇紅葉o既人
搞到條路好塞車, 有家歸不得 ^^
真係好上鏡? 話唔定你見完我真身會改觀呢 , 因為真人仲上鏡過相片 , 卡卡~!!
刪除因為有一年我哋星期日上去 , 停車場爆到無位泊車 , 仲要多人到好似去咗旺角咁呢~!!
d紅葉好靚呀，水太太今年都打算去呀~~
回覆刪除假期去好多人架，啲車塞到爆哂，希望你玩得開心啲呢。
刪除