5月11日星期日
好耐無見大家.............有無掛住我呢 ? 上個禮拜因為天氣唔好..............所以無帶相機出街 , 爸媽趁停咗雨帶咗我落樓下公園行吓 , 就係咁.............偷懶咗一個禮拜無寫 blog 呢~!!
今日係一年一度嘅母親節 , 藉著呢個日子 , 我當然要一盡孝道 , 好好錫錫媽媽 , 雖然天文台掛咗黃雨警告 , 但係都無損我同爸爸為媽媽安排好哂嘅節目 , 聰明嘅爸爸一早睇咗天文台個 apps , 知道屯門無落雨 , 咁我哋就同媽媽去屯門食個 lunch , 然後................去咗屯門某個公園度行吓~!!
第一次嚟呢個公園..............當然要坐定定影番張相留念 ~!!
呢啲天氣出街真係好舒服
睇吓我幾鬼馬?
媽媽見到我呢個笑容 , 就即刻冧哂呢~!!
知道媽媽鐘意望海 , 就冒險同媽媽嚟咗呢度~!!
呢度風景真係唔錯 , 仲好好風
望完海揾張櫈坐吓先
媽媽快啲過嚟呢度坐吖
睇吓我同媽媽幾 sweet
真係謝謝天公造美 , 可以比到個咁 sweet 嘅母親節比我同媽媽呢~!!
祝大家母親節快樂~!!!!!!!!!
碌碌, 你媽咪見到你健健康康, 又食得, 又瞓得, 又玩得, 就已經日日都係母親節啦! (^皿^)b
回覆刪除你點知架？媽媽真係咁同我講呢，keke。
刪除我估B姐姐嗰媽媽都係咁諗呢。
碌BB，我梗係掛住你啦！好彩你有咁多靚相，時時都有得睇啫！
回覆刪除嘻嘻！有d打格仔相喎！
媽媽抱得你咁sweet，你有冇錫錫佢呀？
哈哈........為咗你呢個 VIP ，我叫爸爸影多啲靚相比你睇，係咪好滿意呢？
刪除緊係有錫媽媽啦，仲想錫埋你呢，卡卡。
我昨晚見到你地背面張相，都覺得碌媽媽頭髮剪短左，又唔敢肯定呢！今日睇翻之前嘅blog，真係喎！正面張相就唔太覺得喇！
刪除Jane Jane 唔發覺係正常嘅，哈哈............因為你眼中只會留意我一個，何況媽媽不嬲都鐘意低調，佢無所謂呢。
刪除雖然平淡，但咁至幸福，sweet sweet o既母親節
回覆刪除係呀........平淡是福，我哋好知足呢。
刪除碌碌媽咪剪咗頭髮,夠哂清新 summer look, :)
回覆刪除媽媽呢個短頭髮，其實剪咗成個月，出咗幾篇 blog 一直都無人提，估唔到 Angelo 發現到，媽媽好開心呢。
刪除祝願每天都是母親節, 天下所有母親都健康快樂,
回覆刪除碌碌咁乖仔, 何止媽媽, 我地個個都錫你呀....
媽媽每日放工返屋企，我就貼身跟住佢，無論佢响廚房煮飯又好，响廳睇電視又好，我都一定痴住媽媽，所以媽媽話只要有我响身邊，日日都係母親節呢。
刪除祝願所有母親，母親節快樂。
陪媽媽吹風真係好sweet sweet 喎~
回覆刪除圓咕碌健健康康就係送俾媽媽既最好禮物啦!!!
真係感謝天公造美，玩完返屋企先落雨，咁我至有機會同媽媽過一個咁sweet嘅母親節。
刪除我估呢個都係 Jim 媽嘅心願嚟呢，所以Jim Jim 同我都要健健康康呢。
為什麼用冒險來形容同媽媽去看海o既? 怕下雨?
回覆刪除hehe........因為嗰個公園唔比狗入架，比食蕉發現咗.......就唔可以陪媽媽望海，係咪好冒險呢，卡卡。
刪除So sweet~Please send my regards to your mummy~Belated Happy Mother's Day!^^
回覆刪除謝謝靚姐姐，媽媽收到哂呢。
刪除平淡是福，so sweet！
回覆刪除謝謝，快樂其實就係咁簡單。
刪除媽媽剪左頭髮喎^^
回覆刪除你地一家人日日都過節咁開心
上次去大澳已經剪咗呢，不過無blog 友仔發現咋，卡卡。
刪除係呀.........好似你同大爺咁.........日日都咁sweet呢。
咕碌仔有無惜惜媽咪同“整蛋糕”孝敬媽咪呢？~ 哈哈哈哈哈
回覆刪除我日日都錫媽咪架，蛋糕緊係由媽咪整比我食呢，卡卡。
刪除有圓咭碌咁乖的小朋友陪，心都甜晒啦去邊都無所謂啦~^O^~
回覆刪除係呀........咕碌對我嚟講........真係好重要呢。
刪除