廣告

2016年10月25日 星期二

在晴朗的一天向蒲台島出發


10月16日星期日


今日約咗 Qubi family 去蒲台島郊遊 , 八點幾响屋企開車出發 , 首先揸車去柴灣 , 放低咗架車就坐綠色小巴入赤柱 , 好彩大譚段無塞過車 , 順順利利入到赤柱 , 比原定時間早咗 , 以為同 Qubi family 可以慢慢嘆過早餐先 , 點知揀錯咗間餐廳 , 出食物好耐 , 等咗四個字都仲未有野食 , 要不停詢問..............半小時先有野食 , 搞到我哋食得好趕 , 好彩行到去碼頭仲有位上船呢~!!



一上船................影吓個地標先



生曬新鮮海帶




沿草叢開始行




今日實在太熱喇 , Qubi 同我都要不停補水 




見到呢個路牌 , 繼續行上山




行到嚟海邊呢條橋 , 企定定影張相留念




放我落地下同媽媽影張合照又抱返起我呢 , 因為地下曬到好熱




好靚嘅藍天白雲




嚟到呢個位係最大風 , 所以啲石頭唔熱




Qubi 戴咗黑超影相 , 幾型仔~!! 




點少得同 Qubi 影合照留念




有媽媽抱住影相係最開心~!! 




同媽媽欣賞咁靚嘅風景 , 係一大樂事




行到嚟涼亭..................附近有個用海膽砌成嘅心心 , 一定要影相留念




Qubi 都話要影埋一份呢~!! 




我哋就係由涼亭行上嚟架 




原來都好高呢




到咗第一個景點 : 僧人石





有路牌介紹架




景點之二 : 靈龜上山 




景點之三 : 126 燈塔




仲比我哋見到一隻白鶴




好寫意地望海




Qubi 同芒草影合照




我都係鐘意媽媽抱我影相相




呢度好正架 , 360度全海景 , 仲好好風添 ~!! 




Qubi 都話好舒服




睇到我哋嘅笑容 , 就知我哋玩得好開心呢~!! 




嚟到燈塔 , 點都要打吓咭




Qubi 都係咁諗




玩咗咁耐...................係時候回程 lu 




太陽伯伯收咗工 , 我哋唔駛媽媽抱 , 可以自己行 , 落咗山..................我哋去咗一間士多食紫菜湯公仔麵醫肚 , 飲咗支呢度特有嘅米仔樹糖水 , 真係好好味 , 味道有啲似冬瓜去濕茶 ~!! 食飽飽啲大人再出發去海灘呢邊 , 買特式紫菜 , 海帶同米仔樹糖水拎走......................



响呢度..................前後遇到兩隻村狗 , 媽媽同 Qubi family 帶頭行 , 我同爸爸去咗另一邊士多睇嘢食 , 媽媽見啲村狗咁大隻 , 有一隻仲好惡 , 好彩 Qubi 入咗狗袋 , 媽媽即刻打比爸爸 , 叫佢抱起我 , 點知打咗幾次電話都唔通 , 媽媽唯有放棄 , 買完食物响碼頭見到我同爸爸 , 爸爸話頭先比兩隻村狗圍 , 有一隻仲扒响爸爸身上 , 爸爸為咗保護我 , 用雙手將我舉到最高 , 唔比啲村狗咬到我 , 嚇親我同爸爸呢 , 好彩無事咋 , 最慘嗰段路又無人 , 爸爸大叫...............又無人聽到 , 爸爸講返出嚟都好驚呢 , 總算有驚無險 , 坐船返赤柱 , 我哋仲要車 Qubi 媽落屯門攞馬肉批同哈佬喂食物 , 謝謝 Qubi 媽咁錫我 , 送咗咁多好味嘅食物比我食 , 真係好抵錫呢 , 又一個好好嘅回憶~!!














18 則留言:

  1. 戴咗黑超o既Qubi真係好有型

    回覆刪除
    回覆
    1. 但係佢唔鐘意帶,不停抓副超落嚟,好搞笑呢。😂😂

      刪除
  2. 曬咸魚見得多,曬海帶都係第一次見...
    蒲台島都未去過呢~ 两個毛朋友都玩得好開心吖!

    回覆刪除
    回覆
    1. 哈哈.........我都係第一次見呢。😁
      估唔到你未去過?如果無咁熱..........玩得仲奔放。😊

      刪除
  3. 噢...下次入村小狗都要入定袋安全啲^^

    回覆刪除
  4. hi Babe, 十分感恩昨天收到你媽媽送贈的精緻禮物,非常貼心及有意思啊!而且當中更看到上年我送給你一家的Xmas Card is it? soooooo touch, thank you very much (kiz)

    回覆刪除
    回覆
    1. 靚姐姐,係咪好 surprise 呢?希望你鐘意呢份禮物,好多朋友仔幫我哋買咗,做善事之餘又可以全年見到我,係咪好開心呢?
      無錯,嗰張聖誕咭係你送架,媽媽用咗好多日時間去構圖,覺得滿意先拎去印刷,希望你鐘意呢。😊

      刪除
    2. Love it very very much! ^3^

      刪除
  5. 好舒服嘅郊遊呀~~估唔到有咁惡嘅村狗,好在你地都無事:)

    回覆刪除
    回覆
    1. 我哋都估唔到有村狗,好彩有驚無險呢。😁

      刪除
  6. 有無食返碗紫菜湯先走呀!

    回覆刪除
    回覆
    1. 行咗幾間士多都無得飲,有啲失望呢。😓

      刪除
  7. 我都好怕大狗,碌BB冇事就安樂囉!

    回覆刪除