2月16日星期日
响一個月前收到 QQ 妹妹嘅邀請 , 出席佢今日搞嘅二歲生日會 , 地點响銅鑼灣 , 好少出香港區嘅我 , 咁啱今日撞正渣馬嘅慈善賽跑 , 好多地方都封咗路 , 搞到我哋一家要行大運 , 好彩都準時到達呢~!!
入到嚟會場 , 已經見到壽星女個名~!!
跟住就比呢個咁靚嘅生日蛋糕吸引住 , 仲有咁靚嘅Cupcake , 唔知大家見唔見到我個名呢 ?
壽星女 "QQ" 出場喇....................
個個都話QQ似金雞sss , 卡卡~!!
趁未有客人嚟 , 做吓 model 比爸爸影~!!
今年係馬年 , 同吓隻飛馬影張合照 , 攞番個意頭先~!!
好高興識咗 Billy 兩兄妹 , 原來佢哋有睇開我個 blog ~!!
Billy 仔好乖架 , 坐定定任影~!!
仲有佢妹妹 , 係一隻 tea cup poodle ~!!
跟住識到呢個女朋友仔 , 佢原來係我個 Fans 嚟~!!
佢肉騰騰 , 肥得好可愛 , 仲做埋媽媽添~!!
呢隻長毛芝娃娃好型仔~!!
全場最惡就係佢 , 成日撩人打架~!!
好耐無見 "QQ" 媽媽 ~!!
仲有豆豆小姐呢~!!
呢隻最似壽星女 , 不過佢大隻少少~!!
呢個小朋友好主動 , 成日走嚟撩我玩 , 係一隻 happy dog 嚟~!!
我都要同蛋糕影張相留念~!!
又點少得同 " QQ " Family 合照呢~!!
兩家 " QQ " 都話要影張合照留念~!!
點少得幫壽星女影張合照呢~!!
等咗咁耐 , 終於都切蛋糕喇~!!!!!!!! 生日快樂呀..............QQ
唱完生日歌 , 有蛋糕食~!!
食飽飽當然要影返張大合照~!!
我哋玩到四點半走人 , 今日食咗好多嘢 , Cupcake 要攞返屋企慢慢嘆 , 再一次謝謝 "QQ" Family嘅邀請 , 咕碌家玩得好開心呢 , 响度祝壽星女身體健康 , 每日都過得開開心心~!!
嘩嘩嘩！好開心嘅派對,圓咕碌d朋友仔全部都好可愛呀！
回覆刪除he...........hee................謝謝孖G 妹讚我啲朋友仔可愛呢~!!
刪除好多好可愛o既狗狗
回覆刪除係呀..............仲有好多美食添架~!!
刪除圓咕碌原來你識咁多靚仔靚女架??!! hehe
回覆刪除蛋糕同Cupcake都好吸引呀!!
哈哈............靚仔靚女加美食 , 簡直好好玩嘅爬地嚟呢~!!
刪除有一大班朋友仔同圓咕碌玩，你梗係好開心喇。
回覆刪除我最開心就係有好多好嘢食 , 個cupcake 仲好好味添~!!
刪除有得玩又得食, 仲識左咁多朋友仔, 碌碌一定好開心啦~!
回覆刪除都係架..............有得玩又有得食 , 嗰日回程攰到响車瞓著咗呢~!!
刪除都係覺得碌BB最靚！嘻嘻！
回覆刪除壽星女又幾靚啦！
咁多狗仔女一齊，場面易唔易控制呢？
錫哂 jane jane ，我响你眼中.........永遠是最好的，卡卡。
刪除唔易控制架，不過我會乖乖痴住媽媽呢。
soooooooo happening...your friend QQ is really look like 金雞sssleh XD
回覆刪除Wakakaaa..............我都唔明 ? 明明係一隻芝娃娃..............點解要扮金雞呢?
刪除碌碌, 你已經好細size 啦! 你啲朋友仔比你重細粒粒! 佢哋個個都好可愛!
回覆刪除補祝QQ 生日快樂!
咪係囉..............細 size 遇著超細 size , 真係唔認大哥哥都唔得呢~!!
刪除我代 QQ 謝謝你~!!
見到你話金雞sss, ee直頭笑咗出黎! 又真係幾似 ^0^, 個birthday cake 同 cupcakes勁靚; 咕碌成班小朋友都好得意, 好似微型狗展, 當然咕碌仔係my favourite喇...^_^
回覆刪除唔係我話佢先架...............係佢媽媽咁同我講呢 , 卡卡~!!
刪除講真又真係一個迷利超小型狗展咁...............位位都好可愛 , 都係 Grey ee 錫我多啲 , 始終都係我最好~!! ^0^
好多朋友仔呀~~位位都是千金&公子
回覆刪除千金同公子? 咁咪變咗一個富豪派對 , 卡卡~!!
刪除QQ 阿媽好型, 難怪QQ 咁可愛啦
回覆刪除佢呀媽唔只型...............仲好有米呢 , 卡卡~!!
刪除碌碌.你新認識嘅女朋友仔好可愛噃..
回覆刪除佢係我啲 fans 嚟架 , 一家3 口都有出席 , 肥do do 好可愛架 , 不過好難同佢哋影相 , 個個都驚人同狗~!!
刪除