廣告

2013年11月11日 星期一

罪魁禍首


11月9日星期六

尋晚媽媽買咗個益智玩具返嚟送比我 , 呢個玩具可以放啲零食入去 , 想食到入面啲零食就要諗辦法整出嚟 , 聽落真係幾益智...............有得玩又有得食仲可以做吓運動 , 媽媽以為一舉三得啦 , 點知...............呢個玩具變咗"罪魁禍首" , 仲害到我病咗呢~?

啡色面嗰塊係潔齒骨(超硬) , 底部可以放零食 , 我就係咬咗十幾吓呢塊潔齒骨出事~!!

 
 
 
半夜三點幾開始肚痛 , 肚疴咗二次 , 到咗今朝7點至12點 , 疴咗4次爛便便 , 媽媽即刻帶我去睇醫生 , 好多謝張醫生full booking 都肯睇埋我先收工 , 驗咗便便................証實腸炎 , 要食5日藥 , 食哂啲藥仲未好就要返去覆診~!! 
 

 
 
 返到屋企 , 媽媽即刻煲白粥溝少少雞肉比我食 , 每次只可以食一茶匙 , 醫生話要少食多餐~!!
 

 
 
                                                     睇吓我食白粥個病樣 , 幾無奈 ~!!
 
 
 
 
                                                           每次食完藥都會好眼訓
 

 
 
                                   媽媽為咗照顧我呢兩日都無覺好瞓 , 真係辛苦哂媽媽呢~!!  
 

 
 
                                            休息多啲..............希望快啲打敗啲病菌~!!  
 

 
 
响呢件事件上...............媽媽好自責 , 如果無買呢件玩具返嚟................我就唔會搞成咁 , 媽媽我無怪過你呢 , 我知道你都唔想嘅 , 爸爸話嗰舊潔齒骨可能過咗期 , 或者保存方面出現咗問題 , 導致有菌 , 我咬咗十幾吓其實食咗好少好少落肚(因為真係超硬) , 估唔到咁都出事 , 媽媽即刻掉咗舊潔齒骨 , 因為病咗..............所以星期日無街去.............全家人响屋企休息 , 希望快啲好番可以出街街玩呢~!!
 
 
 
 
 





48 則留言:

  1. 噢,圓咕碌媽咪唔好咁自責喇... 其實媽咪都唔想架嘛﹗努力照顧好圓咕碌就ok喇~~ 希望圓咕碌早日康復﹗

    回覆刪除
    回覆
    1. 我都安慰咗媽媽...........叫佢唔好怪自己,最多我食藥嗰陣時合作啲,應該好快好番呢。謝謝水太太關心。

      刪除
  2. 大家都估唔到咬潔牙嘢會有事的, 好彩睇得切醫生, 準時食藥快點好返下星期才出去玩吧 ^^

    回覆刪除
    回覆
    1. 珍妮姐姐有心呢,醫生full booking 去到下星期六架,係媽媽扭到醫生插比我睇呢,真係好多謝醫生咁體諒我哋,希望快啲好番啦。

      刪除
  3. 近日天氣變, 好多朋友病咗, ee都病咗幾日, 感冒同喉嚨痛, 可能抵抗力低咗. 腸胃炎有時真係'撞到正', 只可以講唔夠運, 咕碌媽唔好咁內疚喇, 仔仔好快好返ga.......

    回覆刪除
    回覆
    1. Grey ee 你都要快啲好番呀)))))))))
      我哋一齊努力戰勝病魔吖,媽媽聽完你咁講..........嗰心都舒服咗少少呢。

      刪除
  4. 小病是福,小休是樂.祝你早日康復.

    回覆刪除
    回覆
    1. 哈.........又幾有道理喎,謝謝Angelo ~!!

      刪除
  5. 陰公豬囉,不過有阿娘悉心照顧,圓咕碌你一定好快好番

    回覆刪除
    回覆
    1. 希望可以快啲好番啦,今個禮拜約咗靚女去街街,唔想失約呢,謝謝ee關心。

      刪除
  6. 食藥就好快好番架啦,下星期再去街街啦

    回覆刪除
  7. OMG!! 圓咕碌休息多D快D好返呀!!
    媽媽唔好自責啦~ 點會估到個潔齒骨係有問題既呢!!
    JimJim問係咪佢放毒搞到咕碌媽買新益智玩具,如果有關JimJim都好內疚呢!! >"<

    回覆刪除
    回覆
    1. 謝謝 Jim Jim 關心,我會加油架喇。
      好多謝你安慰我媽媽呀,佢真係唔開心咗幾日。
      傻啦..........唔關 Jim Jim 事,係我哋唔好彩買咗個有問題嘅玩具呢。

      刪除
  8. 其實都係意外,而且小病是福,圓咕碌一定好快好番架~~哩兩日好大風,圓咕碌同爸爸媽媽都要保重身體呀!

    回覆刪除
    回覆
    1. 真係好感動.........你咁關心咕碌家,錫哂艾華斯呢。

      刪除
  9. 原來碌碌輸咗比舊潔齒骨, 唔緊要, 小病是福, 碌碌就會有更多預防能力! 無有怕! (^0^)b

    回覆刪除
    回覆
    1. B 姐姐 , 真係唔好意思呀...............响 FB 無答你呢個問題 , 因為太長篇喇..............媽媽同我都無心情講 , 尋晚好咗少少先有心機講番件事呢~!! >.<
      謝謝B姐姐關心 , 抵錫~!!

      刪除
  10. 內疚, 自責, 我最感同身受.....哩種心情我最明白, 但..事情已經發生咗,最重要係積極面對, 碌碌叻仔黎咖嘛, 一定好快冇事, 碌碌媽媽,我地大家一齊加油 !!!!!

    回覆刪除
    回覆
    1. ee 媽媽明白架喇 , 你都唔好再自責 , 由尋晚開始到今朝我都仲未有便便 , 唔知係咪有好轉? 希望今晚會有靚便便出爐 , 謝謝ee 咁關心我呢~!! ^0^

      刪除
  11. 圓咕碌你好番d未呀?你要好好休息至得,好番爸爸同媽媽會帶你出街玩,你要加油快d好呀!
    圓咕碌媽媽你唔好咁自責,係個產品有問題啫,你都唔知道嘅,放鬆d喇!

    回覆刪除
    回覆
    1. 我今日胃口好咗 , 精神都好咗 , 不過由尋晚開始到今朝都仲未有便便 , 媽媽有少少擔心 , 希望今晚會有靚便便啦 , 謝謝 ManMan 關心~!!

      刪除
  12. 回覆
    1. 無咗疴喇,今朝食番糧,不過仲未有便便,希望今晚有番便便仲係正常就好喇。

      刪除
  13. 哎喲!圓咕碌快d好返哂啦!媽媽唔好怪自己啦!咕碌咁乖咁靚都係你功勞呢!

    回覆刪除
    回覆
    1. janejane 多謝你入嚟探我呀 , 我個病已經好咗好多喇 , 今日開始唔駛再食藥 , 謝謝janejane 關心 , 媽媽見到我好番都無再怪自己呢~!!

      刪除
  14. 圓咕碌,你媽媽親自幫你打針嗎?@O@ 媽媽好勇敢啊!

    回覆刪除
    回覆
    1. 支針係用嚟餵我食藥架,媽媽為咗我好,真係好勇敢呢。

      刪除
  15. 如人類的腸胃炎, 發左出來是好事, 總好過收收埋埋在身體入面, 但而家辛苦一定是辛苦, 但既然你媽媽咁體貼就咩都開心晒啦 ~ 咕碌媽, 不要怪自己, 你都唔想架麻, 多用心照顧佢吃藥就可以了, 祝早日康復 ~

    回覆刪除
    回覆
    1. 月ee , 媽媽呢幾日照顧我真係瞓得好少好少,好彩食完啲藥無再疴,媽媽即刻放心哂,我今日好番好多,啲便便正常番,無哂事喇,你唔駛掛心呢。

      刪除
  16. Oh no...heart pain now my babe! Take a good rest with mummy~I believe you can chill out with best friend again soon (kiz)

    回覆刪除
    回覆
    1. 靚姐姐 , 我唔準你為我心痛 , 我係男仔(仲要係好man 嗰隻) , 小小肚疴無咩嘢大不了 , 何況我已經好番哂 , 尋日仲約咗兩位靚女出街玩呢~!! ^0^

      刪除
  17. 嗚嗚嗚......好返未呀
    痾完要飲多D水......你好乖呀~

    回覆刪除
    回覆
    1. 殷師奶唔好喊啦 , 我都係鐘意你笑多啲 , 笑一笑 , 世界更美妙 , wakakaaa~!!
      唔駛擔心..............我已經好番哂 , 你叫我飲多啲水 , 我就聽哂你話呢~!! ^0^

      刪除
  18. Oh... Poor baby.... wish you get well soon!@

    回覆刪除
    回覆
    1. 茶茶姐姐 , 我已經好番哂喇 , 有心呢~!! ^0^

      刪除
  19. 回覆
    1. 係呀............上星期日仲約咗兩個靚女出街街玩呢~!!

      刪除
  20. 圓咕碌你好番d未呀?你要保重,好番再出去行街街啦。

    回覆刪除
    回覆
    1. Man Man 我已經好番哂喇.............., 仲約咗靚女去街街呢~!!

      刪除
  21. 唉吔, 原來你早前病左, 肚仔痛真係可憐呀! 而家應該冇哂嗎? 痛左幾多日呀?

    回覆刪除
    回覆
    1. 肚仔痛真係好慘架,痛咗4日啲便便先正常返呢。

      刪除
  22. 圓咕碌媽, 唔好咁自責啊!
    我好明白身為家長的我哋, 有時買新產品俾寶貝仔食, 等佢哋開心吓.

    回覆刪除
    回覆
    1. 媽媽見我無哂事都無再自責lu , 加上我都無怪過佢呢。

      刪除