9月14日星期日
今日爸媽帶我去一個新地方玩 , 為咗隆重其事 , 我帶咗條新 collar 去踩場 , 睇吓識唔識到靚女先 , 唔講咁多.................去相~!!
登登登...............鄧......................就係嚟呢度喇~!!!!!!!!!
唔知我呢身打扮識唔識到靚女呢 ?
入咗閘企定定同吓啲貓貓狗狗影張相留念先...................
沿住斜路行上去
沿途仲可以欣賞吓牆上啲畫
每張都好有特式
上埋樓梯就見到個公園 , 呢度真係唔錯 , 陽光幾猛都唔驚會曬親 , 今日仲有風添~!!
嚟到當然要跑吓草地
跟住玩吓捐山窿
識到呢個新朋友仔 , 不過佢太熱情 , 追到我氣咳
媽媽唯有出手救我 , 我終於可以坐低休息吓喇~!!
原來鐵欄後面係個靜水池 , 唔怪之得欄住咗啦~!!
玩咗一陣 , 識到呢個自己友 , 可惜佢係男仔
點解今日無靚女架 ?
唔緊要 , 睇到我呢個笑容都知我玩得好開心~!!
玩咗個幾鐘................係時候返屋企洗白白~!!
有機會一定再嚟玩過 , 下次見呢~!!
碌BB，係咪好熱呀？張張相都伸脷仔喎！新 collar 幾靚呀！尾二張相就最精靈啦！
回覆刪除熱就唔係太熱 , 因為媽媽不停用凍水同我降溫 , 只不過比隻腸腸追住哂 , 追到熱咋 , 卡卡~!!
刪除圓咕碌你有咁靚嘅場地玩，梗係好開心呢。
回覆刪除係呀...............我最鐘意去新地方玩呢~!!
刪除著到咁靚仔，竟然無女仔見到，嘥晒
回覆刪除咪就係囉..............真係可惜呢~!!
刪除個collar好靚、好襯你呀~~
回覆刪除真的嗎? 係一個 ee 送比我嘅中秋節禮物嚟架~!!
刪除公園幾靚，吾似其它狗狗公園只得幾張凳,少少草﹗
回覆刪除呢個公園新開架 , 地方真係唔錯 , 又有草地比我跑 , 最正就係响天橋底 , 一定唔怕曬親呢~!!
刪除Baby~ I believe although you never "打扮" also a lot of 靚女嚟識你呀~~XD
回覆刪除承靚姐姐貴言呢~!!
刪除碌碌, 着到咁型, 都無靚女出現, 真係浪費啦! 哈哈! (^0^)
回覆刪除唉..........B 姐姐唔好再提起我嘅傷心事，好 down 架，卡卡。
刪除有陰位真係唔錯喎 ^^
回覆刪除入秋圓咕碌又開始出動了 heheheee
天橋底嘅狗公園真係唔駛怕會曬親。
刪除嘆夠冷氣，係時候出嚟吸吓新鮮空氣呢。
冇靚女? 咁d型仔相就留比ee同姐姐欣賞喇! 我好仲意你個collar呀, 好襯你呢! ^_^
回覆刪除咁又係喎..............好彩仲有 Grey ee 同靚姐姐欣賞 , 先無咁 down 咋 , 卡卡~!!
刪除條 collar 係哈比媽送比我架 , 証明佢好有眼光呢~!! ^0^
淨水池我就知係乜, 但靜水池就.... 唔明, hehe ; 係呢, 你有無去過荃灣碼頭附近o個個狗公園, 感覺都ok, 但無咁多設施, 只得個大場玩
回覆刪除月ee 都唔明................我又點會明呢? 卡卡~!!
刪除好耐之前去過一次 , 不過太細喇...............唔啱我玩呢~!!