由Yahoo Blog 搬過嚟(累積瀏覽 378)
2012年一月一日星期日
話咁快又踏入2012年 , 回顧 2011年..............有喜有憂, 憂嘅就係.............我個病情反反覆覆 , 早期又驗唔到係咩嘢病 , 只係知道抽咗幾次血 , 食咗好多次藥 , 喜嘅就係.............終於知道咗係個胃有事之後 , 爸爸媽媽都鬆咗一口氣 , 起碼知道唔係咩嘢大問題 , 依家响飲食方面著手 , 我少咗發病 , 總算控制到病情, 响新嘅一年..............我希望我個病能夠痊癒 , 唔想爸爸媽媽同關心我嘅朋友仔繼續擔心我 , 我應承你哋.............我會努力呢~!!
除夕晚.............爸爸媽媽選擇陪我响屋企睇住電視倒數 , 我嘅新年願望.............希望爸爸媽媽同我都身體健康 , 每日都笑容滿臉 , 爸爸媽媽工作順順利利 , 媽媽煮多啲 homemade 比我食 , 咁我嘅增肥計劃就會成功呢~!!!!!!!!!! 
今日我哋一家人入咗嚟大埔.............
咁有漁村風味嘅地方.............咪就係"三門仔"呢個地方呢~!!
入咗村...............沿住呢條樓梯向上行
跟住行呢啲石級上山
响山上望下去..............可以見到好多漁排 , 風景仲好優美~!!!!!!!!
話咁快就同媽媽上到山頂 lu~!!
落咗山.............沿住呢條"連島沙洲"行過馬屎洲
水漲嘅時候就會無咗呢條沙洲呢~!! 
响沙洲見到呢隻狗bb 飲緊海水 , 爸爸見到好驚訝~!!!!!!!!
跟住行到嚟馬屎洲地質公園
沿海而行..............睇吓我幾 enjoy ~!!!!!!!!
行咗一半路程................又有草地比我跑 , 超正呢~!!!!!!!!!
跑完草地又係時候.............同大家上吓堂~!!
呢啲磚紅色嘅石係岩石嚟架 , 經歷數百萬年化學作用 , 係沉積岩其中一種 , 叫做"砂岩" 肉眼可以睇到裂紋內全是砂石呢~!! 
等我企上去睇清楚啲先...............
真係有好多砂石喎 , 大自然真係好神奇~!!!!!!!!!
呢啲沉積岩有成2億8000萬年前咁耐架 , 真係大開眼介呢~!!!!!!!!!!
行咗二個鐘回程 lu ................
出返嚟連島沙洲坐响涼亭等船返出三門仔~!!
因為已經日落西山 , 爸爸媽媽怕行番上山出三門仔已經天黑 , 所以選擇搭船呢~!!
响三門仔碼頭上船 , 然後揸車返屋企 , 返到屋企已經六點幾 , 洗完手腳吹完毛 , 媽媽煮新年大餐比我食~!! 登.............登................登...............鄧................就係南瓜雞肉喇~!!!!!!!!!!
坐定定影張相先................
有得食喇...................
唔駛一分鐘就食哂 , Yummy ~!!!!!!!!!
希望媽媽每日都煮比我食就好喇 , 我個願望唔通咁快就成真??
哈哈.............係就好喇.............踏入2012年第一日我過得好開心呢~!! 
沒有留言:
張貼留言