5月22日星期日
原本一早約咗爸爸嗰好朋友一齊行山 , 可惜哥哥屋企特然有事要佢幫忙 , 所以佢同姐姐出唔到嚟行山 , 改咗晚上食飯 , 就係咁...............咕碌家唯有自己去行山~!!
由於天氣開始熱 , 媽媽揀咗條全樹蔭嘅山路嚟行 , 目的地係青衣自然徑 , 揸車去到青衣 , 我同媽媽坐後面坐位 , 隔離線有架私家車越迫越埋 , 爸爸即刻響安 , 個司機才恍然大悟 , 因得兩條行車線 , 我哋焗住無得走 , 結果都係撞到我哋架車 , 好彩只係撞到倒後鏡 , 不過已經嚇屎我同媽媽呢 , 落車傾咗一輪 , 個年青司機應該係富二代 , 不停同我哋 say sorry , 仲願意賠錢 , 交換了電話 , 等車行報價再同他聯絡 , 我哋就繼續行程 , 真係有驚無險 , 好彩好彩 , 去相~!!
泊好車................呢度我哋好耐無行過呢~!!
太陽伯伯出嚟開工 , 好耀眼
今日天朗氣清 , 勁舒服~!!
沿住樓梯向上行
同媽媽影張合照留念
好美麗的蝴蝶 bb
全樹蔭 , 不過都幾多蚊下
到咗涼亭 , 我哋响度休息一吓
順便同媽媽打吓千鞦
仲比媽媽發現咗咁大對蝴蝶响度曳曳
回程 lu
我又周圍探索新事物
話咁快出返嚟大路
同爸爸行孖咇結束今日嘅行程
雖然我哋行咗個幾鐘頭 , 但係都全身濕哂 , 出咗一身汗 , 做完運動..................係時候返屋企洗白白 lu ~!!
嘩~~~~好彩你地無事咋,但都嚇餐屎
回覆刪除爸爸一定好心痛二奶受傷了^^
真係嚇屎我呀，見佢架車越嚟越近，差幾mm就撞埋嚟，我即刻抱實呀仔，仲大叫碌爸避開，好彩掂到嗰倒後鏡即停車，真係好好彩呢。
刪除爸爸有少少唔開心，嗰個富二代揸架80幾萬嘅靚車，佢都不停問有無嚇親狗狗，咁就算數唔鬧佢啦。
呢條路好好行好靚👍😁
回覆刪除呢度有幾條分叉路，我哋揀咗條有樹蔭嘅路嚟行，真係行得好舒服，不過今次多咗好多蚊呢。
刪除佢識得關心圓咕碌有冇驚驚，都算佢有愛心同責任心，最緊要係冇乜大問題，叫做好好彩囉。
回覆刪除係呀，嗰司機都有愛心嘅，加上唔係好大件事，又唔駛報警，所以我哋照去行山呢。
刪除有驚無險，好彩！哩條都幾好行咁呢~~~
回覆刪除好行呀，下次約你一齊行吖？
刪除好呀:)
刪除你係咪放星期日架?
刪除好彩呢個富二代有禮貌咋! 如果撞埋嚟嗰個係二世祖又或者嗰啲死飛仔就麻煩啦! 好彩今次有驚無險!
回覆刪除前兩日我在家附近山波, 見到有蛇仔呀! 你哋行山時要小心啲呀! 有好多地方都話見到有蛇出沒呀!
如果係死飛仔我哋就報咗警，好彩唔係咋，仲可以去行山。
刪除有蛇？咁真係要小心啲，謝謝提點呢。
Can feel you can breath the fresh air again...P.S. I really feel the snap of "蝴蝶曳曳" so amazing :)
回覆刪除依家天氣開始熱，要揀啲樹蔭路先行得，唔係我會好辛苦呢。
刪除哈哈..........我哋都係第一次見咋，so amazing too
"蝴蝶曳曳"都比你影到
回覆刪除真係 -- 勁!
哈哈.........仲要咁大隻，真係第一次見呢。
刪除好彩遇到個好人！
回覆刪除真係好好彩呢~!!
刪除