今日媽媽約咗我嘅好朋友"哈比"仲有佢妹妹"卡卡" 細佬"德德"一齊去大棠行山 , 四點鐘嚟到我屋企樓下接我同媽媽 , 見太陽咁猛烈..............响山腳嘆個下午茶先 , 坐到五點二個字開始天蔭蔭先揸車上山呢~!!
夜蒲一: 行山 , 天氣咁熱..............行黃昏先會舒服啲~!!
開始夜蒲喇...............
由細識到大嘅好朋友"哈比"
"卡卡"妹妹
一放繩..............聞吓草草先
跟住大人開始行山喇
睇吓我蒲得幾開心
"卡卡"妹妹係時候要剪毛毛lu , 啲毛長到睇唔到隻眼呢~!!
"德德"細佬無咗兇我 , 開始接受我呢~!!
行到天開始黑..............加快腳步行落山~!!
媽媽仲掛住影彩霞 , 比蚊針到屎屎吓~!!
四個小朋友跟住哈比媽走
落山途中..............月亮都出來 lu
夜蒲二: 行完山落咗元朗食dinner
去咗一間食意粉嘅餐廳 , 呢杯係桂花茶 , 淡淡嘅桂花香味 , 香而不甜 , 一個字"正"
頭盤: 雜菜沙律
主菜: 蟹肉忌廉意粉 , 超多蟹肉 , 汁調教得唔錯 , 略嫌意粉硬咗少少
仲有好好味嘅羊扒同洋蔥圈 , 因為掛住食無再影相呢~!! 食到九點要走人lu , 返到屋企仲要比媽媽洗手腳吹毛毛 , 搞到十點先有得瞓 , 我開始愛上夜蒲 , 哈哈.............!!
彩霞﹠月亮，同埋圓咕碌，都好靚^^~
回覆刪除謝謝豆丁讚賞
刪除宜家五點幾去行山嘅溫度啱啱好~ 有啲光影到相但又唔會熱
回覆刪除係行得好舒服，不過真係超多蚊，一停低想影張相就比蚊咬，無心機影呢。
刪除真係好幸福的小狗, 全港所有郊野公園都俾佢去勻晒喇~
回覆刪除唔好咁講.........我仲有好多地方未去過呢，好高興見番你。
刪除碌碌,今次有咁多兄弟一齊行,係咪特別開心呢!(^_^)
回覆刪除今次爸爸無同行,所以啲蚊蚊就針媽媽呢! (>_<)"
哈哈.......比bb姐姐估中咗添, 無爸爸响度......媽媽就叫苦連天呢,噴咗蚊怕水都無用,又難怪媽媽無心機影相,今次有咁多朋友仔陪我行,我當然開心呢~!!
刪除個半月唔錯, 令令.... 小朋友, 夜蒲要小心啊, 要跟實爸爸媽媽呀 ~
回覆刪除媽媽响屋企影咗張仲靚呀,遲啲叫佢send 比你睇吖,ee一定會鐘意呢~!!
刪除4個小朋友一齊落山,碌碌好乖仔,有哥哥風範,行到最後,保護好朋友同細過你嘅弟弟妹妹..讚
回覆刪除我行最後......係因為要照顧媽媽呢,ee諗得我好好呢~!!
刪除ee唔係諗得你好,你真係好乖仔哩 ^0^
刪除謝謝ee 讚賞。
刪除個個都係靚仔靚女, 當然圓咕碌最型喇! 冇人擋住d蚊蚊,咕碌媽係咪好miss咕碌爸呢? ^o^
回覆刪除Grey ee 最識氹我開心，he.........hee.............錫啖先，媽媽比蚊針嗰陣時............真係掛住爸爸，仲好明白爸爸比蚊咬嘅苦況添。
刪除黃昏時出去玩，會冇咁熱啱晒你地喇。
回覆刪除桂花茶我都好鍾意飲架。
呢啲天氣唔夜蒲真係唔得呢，桂花茶清新而香甜真係好好味，ManMan 真係有品味。
刪除夜d出動梗係舒服d,無咁熱
回覆刪除祝你地一家3口中秋節快樂
謝謝
刪除卡卡個頭真係好爆，好好笑
回覆刪除其實幾兄妹都好爆毛呢。
刪除今晚月圓，唔知圓咕碌有咩夜蒲大計呢？
回覆刪除中秋愉快～
我會同爸媽去賞月，祝你中秋節快樂。
刪除請教一下圓咕碌媽咪，點樣可以知道我留左言給網友，係邊度可以知道網友已經回覆左我？,(除左去網友個網誌度睇。)
回覆刪除你個blog 左上角有個B字按一吓,再按"更多"去Gmail,按"Gamil"社交網絡 , 就會見到你留言同回覆留言,希望幫到你呢~!!
刪除以上係手機板,電腦板按完B字>按Gamil>社交圈就會見到你啲留言同回覆留言呢~!!
刪除也可以去 "文章清單"(在筆形符號傍) 內看到每一編文章的 "留言次數" (有一個類似說話的圖形) 如果有人留言就會有數字出現.
刪除係呀係呀............唔記得咗呢個功能添 , 謝謝bb 姐姐提點呢~!!
刪除黃昏行真係舒服好多, 雖然話入秋但有時都仲係好熱啊~
回覆刪除係呀.......話就話入咗秋,但係都仲好熱,所以夜蒲係唔錯嘅節目~!!
刪除強颱風"天兔"逼近香港, 唔好夜蒲喇,要乖乖地同爸爸媽媽留係屋企呀!
回覆刪除知道.......我呢兩日有媽媽陪住我响屋企,唔出街都無所謂呢~!!
刪除