10月7日星期三
一個月前 book 定今日扮靚靚 , 告別長毛碌 , 照常慣例...............媽媽早啲出門 , 同我去行一陣公園 , 然後先會去日本姐姐度 , 好彩行公園嗰陣時無落雨 , 謝謝天公造美 , 十一點鐘將我交比日本姐姐 , 跟住爸媽去食 lunch , 原本兩個鐘我就走得 , 點知今日姐姐太多嘢做 , 比原定時間遲多一個鐘 , 爸媽唯有响商場行街等我 , 下午二點幾先接得我走呢~!!
我呢個新 look 靚唔靚呢 ?
有啲攰.................所以唔想笑
hehee.................不過都做好 model 呢個本份
朝偉眼神又嚟喇~!!!!!!!
影埋呢張相我要瞓一陣 , 爸媽有啲好重要嘅事要去做~!!
佢哋約咗 "哈比媽 "出大圍 , 一齊捐啲物資比 "大樹下流浪狗 " 之家 , 我私人捐咗2張床 , 幾罐罐頭 , 零食同玩具 , 哈比媽都捐咗十幾罐罐頭同毛巾 , 玩具 , 希望幫到有需要嘅浪浪~!!
捐完物資 , 佢哋去咗呢間店食甜品
好有特式嘅 menu
店舖環境都好舒服
杏脯蘋果沙冰 , 唔太甜 , 味道夠清新
抹茶窩夫 , 即叫即做 , 紅豆大大粒 , 好味
呢個柚子雪粑窩夫咁有特式 , 個個見到都忍唔住笑呢~!!
廚師推介 : 燕麥榛子梳乎厘 , 配埋雲尼拿雪糕 , 真係唔錯架~!!
呢間店仲攞咗 openrice 2015 嘅得奬熱店 , 真係實至名歸 , 食完甜品已經六點鐘 , 係時候返屋企 lu , 今日對爸媽嚟講................真係又充實又有意義呢~!!
哈哈, 朝偉眼神, 媽媽鐘意朝偉 ^^ 啲甜品好靚呀,想一啖吞咗佢.
回覆刪除你點知架? 媽媽好鐘意睇朝偉做戲架 , 卡卡~!!
刪除用手機影都咁吸引 , 如果用大機影.............一定即刻去幫襯 , 原來你都鐘意食甜品嘅~!! ^0^
I want to take snap with you too baby~coz I also have new look le XD
回覆刪除That dessert shop look so charm, special the '抹茶窩夫 &杏脯蘋果沙冰" Its the good choice indeed (like)
我都想同靚姐姐影合照，希望新年會有機會呢。
刪除下次媽媽話試伯爵茶梳乎厘，應該仲好味呢，卡卡。
P.S. Your daddy mummy have a good job~Donate its meaningful forever!!
回覆刪除呢間機構真係好用心幫啲流浪狗，今年生日有一部份現金捐比佢哋呢，希望出少少力，幫到更多流浪狗。
刪除碌碌, 你最尾張相好憂鬱呢! 因為知道無街街去哩!
回覆刪除剪毛之前媽媽帶咗我去公園玩，B 姐姐我只不過係眼瞓呢。
刪除咕碌仔個個look都咁正
回覆刪除謝謝 ee 讚賞。
刪除忧郁小王子 <3
回覆刪除間 cafe 睇落幾正！
我又多個新花名呢~!!
刪除真係唔錯 , 可惜無奶茶飲~!!
圓咕碌回頭一望嘅眼神梗正。
回覆刪除係咪架 ? 咁我要叫媽媽同我影多啲呢啲相呢~!!
刪除圓咕碌個樣真係有D攰，好少見呢~~
回覆刪除屋子我都食過，環境同食物都唔錯呀！
無計啦 , 姐姐好忙 , 要我等咗一個鐘先有得剪 , 所以等到攰~!!
刪除原來艾華斯都食過呢間店 , 甜品真係唔錯呢~!!
抹茶窩夫很吸引
回覆刪除紅豆與抹茶太配合
流口水唷
謝謝飛入嚟探我，抹茶甜品真係好夾紅豆呢。
刪除新look很清爽，不過圓咕碌心情不美麗，沒有以前活潑了！
回覆刪除因為今次等得太耐，無瞓晏覺剪完有啲攰呢。
刪除睇碌BB個樣梗係掛住媽媽啦！等咁耐呀！有冇野食o架？
回覆刪除今次冇咁BB樣，係大個仔嘅樣。
今次真係耐咗啲，好彩媽媽嚟接我有帶零食餅餅比我呢，算佢有我心。
刪除可能係燈光關係，媽媽話我個樣都好 bb 呢，kaka
圓咕碌有幾張個眼神真係好朝偉！
回覆刪除好喇好喇..............真係有人認同我嘅眼神似朝偉呢 , kaka ~!!!!!!!! ^0^
刪除