10月18日星期日
今日天朗氣清 , 加埋太陽伯伯出嚟開工 , 下午氣溫高達30度 , 媽媽怕我中暑 , 所以改咗四點半出門口 , 近近地去大棠行山 , 好幸運去到又有車位比我哋泊車 , 咁耐無嚟大棠 , 點都要行返夠本呢~!!
五點開始行山 , 出發喇~!!!!!!!!
行行吓又要做 model 比爸爸影
途中遇見媽媽啲朋友 , 停低傾咗幾句
又再起程................睇吓我行得幾寫意
涼涼地行得真係舒服~!!
話咁快................太陽伯伯開始落山 lu
係時候回程呢~!!
趁天未黑 , 比爸爸影多幾張相先..............
來回加埋行咗個幾鐘
大滿足呢~!!
行返出嚟閘口 , 跑埋草地
咁就過咗一個愉快的星期日 , 謝謝大家收看~!!
睇相都感覺到好寫意,行得好開心^^
回覆刪除係架.............咁晏無咩嘢人 , 行得特別開心 , 係難為咗爸媽比蚊針呢~!! >.<
刪除好舒服，圓咕碌好享受咁呢^^
回覆刪除我真係好鐘意郊遊 , 又可以吸吓新鮮空氣 , 又可以做吓運動 , 真係好 enjoy 呢~!!
刪除碌BB一路行一路唱歌咁，下次唱俾我聽吓！
回覆刪除好呀好呀 , 唔知 janejane 幾時得閒呢 ?
刪除有幾張差少少見唔到碌碌 （融入佐枯葉顔色）仲以為碌碌玩緊 "spot me" 游戲呢~ 哈哈
回覆刪除係咩 ? 哈哈.............睇返啲相又幾似喎~!! ^0^
刪除未有紅葉睇，所以無咩人
回覆刪除可能因為我哋晏呢 , 啲人都一早行完落山 lu ~!!
刪除天氣涼, 大棠又開始會熱閙啦.
回覆刪除12月啦 , 我相信又會封路呢~!!
刪除路平樹蔭多，行得幾舒服喎！
回覆刪除係呀，又乾淨，打算12月去影紅葉呢。
刪除碌碌今次呢輯相好正經喎! 無乜鬼靈精樣嘅! (^皿^) (^皿^)
回覆刪除唔可以輯輯相都一樣先有驚喜呢。
刪除