由Yahoo Blog 搬過嚟(累積瀏覽 372)
10月1日星期六(國慶日)
今日係國慶日................爸爸媽媽唔駛返工 , 食完 lunch 決定同我去粉嶺鶴藪水塘行山慶祝國慶 , 我哋二點左右到達目的地~!!
响營地影完相就開始出發 lu ~!!
啱啱準備行就撞到呢兩個新朋友仔 , 佢哋個半唐番女主人問媽媽有無幫我噴蝨水 , 媽媽話有 , 跟住個女主人就問媽媽用咩嘢牌子 , 原來佢唔知用咩嘢牌子蝨水好 , 所以用咗人用嘅產品 , 經媽媽介紹完...............呢兩個小朋友就可以用番全天然嘅產品呢~!!
估唔到今日咁好風 , 加上蔭蔭天 , 行得我好舒服呀~!!
行行吓仲比我發現呢塊樹葉好似心型呢~!!!!!!!!!
上完斜路.................响度等緊媽媽.................順便吸吓新鮮空氣~!!
話咁快就嚟到水塘喇 , 啲水好滿呢~!!!!!!!!!
咁耐無嚟...............緊係要影番張相留念啦~!!
沿住水塘行有好多蝴蝶 , 爸爸忍唔住又影吓相~!!
除咗蝴蝶仲有蜜蜂 , 唔知點解啲蜜蜂不停"嬲"住我同媽媽 , 搞到我同媽媽又驚又覺得好煩 , 所以去到水塘尾嗰涼亭要坐低抖吓~!!
回程行番出大路...............我又有番笑容 lu~!!
臨走比我見到可愛嘅"牽牛花" ~!!
四點半行返出嚟營地 , 懷著依依不捨的心情上車走 lu ~!!
預備開車走就開始落雨 , 我哋真係好好彩呢~!!!!!!!!!!!
今日我玩得好開心呀 , 响車上攰到瞓著咗 , 返到屋企仲要麻煩媽媽幫我洗白白 , 吹毛毛 , 六點幾佢哋等我食埋 dinner , 爸爸媽媽先坐車出去睇煙花 , 我就寧願去揾周公傾吓計呢~!!!!!!!! 祝大家國慶節快樂呀)))))))))) 
沒有留言:
張貼留言