親善大使

由Yahoo Blog 搬過嚟(累積瀏覽 475)

10月16日星期日

今日又係我出勤嘅日子 , 地點係大棠谷 , 執勤時間係下午二點半至四點九 , 以下是活動探訪經過 :

活動個案一
約咗單車哥哥响紅樹下見 , 等咗好耐都未見人 , 啲紅樹又未變色 , 唔通佢去錯咗地方~?? 就响最失望嘅時候佢就出現咗喇~!!!!!!!!!




即刻坐响佢架單車度同佢傾吓計先~!!





睇吓大家傾得幾開心~!!!!!!!!





哥哥仲讚我平行力好好呢~!!





活動個案二
行到嚟呢度叔叔笑住咁迎接我 , 我緊係坐响佢身邊乖乖比佢摸吓~!!




原來佢仲一早買定"珍珍"請我食 , 不過佢叫我問吓媽媽先~??





媽媽話做親善大使係唔可以受賄 , 無得食唯有望梅止渴啦 ~!!!!!!!!!





活動個案三
呢個小朋友叫 E.T. 佢有過度活躍証架~!!




E.T.爸媽係唔敢放繩比佢自由行 , 經我勸導..............你哋睇吓佢可以同我玩一陣呢~!!





活動個案四
一班哥哥姐姐 , 為數八人 , 一見到佢哋我就即刻走去打招呼 , 佢哋好鐘意我 , 尤其嗰個哥哥 , 佢不停同我全身按摩摩 , 仲要我同佢影合照 , 至於姐姐們就要我企定定做model 比佢哋影 , 仲讚我好乖 , 又問媽媽點解唔同我考狗醫生 , 媽媽話唔想我太操勞呢~!!

活動個案五
人有三急 , 去緊廁所嘅時候 , 呢位小朋友走嚟問路~??




我本著人人為我..............我為人人嘅精神 , 拿拿聲去完.............教佢點行呢~!!





活動個案六
回程時..............要行上後面呢條大斜路..................




行緊途中遇見呢兩個小朋友 , 又陪咗佢哋玩咗一陣~!!





玩到夕陽西下...............





終於有時間陪吓呢個助手媽媽影番張親子相 ~!!





行番去停車場.................差唔多五點................笑住同大家講Bye Bye 咯~!!!!!!!!!!





做咗親善大使咁多年 , 都未正正式式同大家交代過 , 藉著今次..............等大家了解我多一啲 , 下一個對象..............可能係你哋呢~!!!!!!!!!!